Nizami rayonu ərazisindəki evlərin birindən pul və mobil telefon oğurlamaqda şübhəli bilinən S.Məmmədov saxlanılıb

05.06.2023

Nizami RPİ 25-ci Polis Şöbəsi əməkdaşlarının daxil olan məlumat əsasında keçirdikləri əməliyyat tədbiri nəticəsində rayon ərazisindəki evlərin birindən pul və mobil telefon oğurlamaqda şübhəli bilinən Bakı şəhər sakini S.Məmmədov saxlanılıb. Şəxsi axtarış zamanı ondan metamfetamin aşkar olunaraq götürülüb.

Sabunçu rayonunun Kürdəxanı qəsəbəsi ərazisində yerləşən marketlərin birindən oğurluq etməkdə şübhəli bilinən Saatlı rayon sakini K.Qarayev saxlanılıb

05.06.2023

Sabunçu rayonunun Kürdəxanı qəsəbəsi ərazisində yerləşən marketlərin birindən 830 manat dəyərində siqaret, spirtli içki və gigiyenik vasitənin oğurlanması barədə polisə məlumat daxil olub. Sabunçu RPİ 15-ci Polis Bölməsi əməkdaşlarının keçirdikləri əməliyyat tədbiri nəticəsində oğurluq əməlini törətməkdə şübhəli bilinən Saatlı rayon sakini, əvvəllər məhkum olunmuş K.Qarayev müəyyən olunaraq saxlanılıb. Araşdırmalarla onun Abşeron rayonunun Saray qəsəbəsində daha iki marketdən 1560 manat dəyərində tütün məmulatı, ətirlər və 1960 manat dəyərində qeyri-qida məhsulları oğurlaması da müəyyən olunub.

Şahbuz rayon sakinləri Ə.Yolçuyevdən və Y.Məhərrəmovdan qanunsuz saxladıqları ov tüfəngləri götürülüb

05.06.2023

Naxçıvan MR DİN Hava Nəqliyyatında Polis Şöbəsi əməkdaşlarının əldə olunan məlumat əsasında keçirdikləri əməliyyat tədbiri nəticəsində Şahbuz rayon sakinləri Ə.Yolçuyevdən və Y.Məhərrəmovdan qanunsuz saxladıqları 2 ədəd markası və nömrəsi silinmiş ov tüfəngi götürülüb. Araşdırma aparılır. 

Şəmkir şəhər sakinləri A.Məmmədovdan və M.Sadıqovdan ov tüfəngləri götürülüb

05.06.2023

Şəmkir Rayon Polis Şöbəsi əməkdaşlarının əldə olunan məlumat əsasında keçirdikləri əməliyyat tədbiri nəticəsində şəhər sakinləri A.Məmmədovdan və M.Sadıqovdan 2 ədəd ov tüfəngi götürülüb. Araşdırma aparılır. 

Səbail rayonunun Yeni Salyan yolu küçəsində “Hyundai” markalı avtomobil aşıb

05.06.2023

İyunun 5-də saat 5 radələrində Səbail rayonunun Yeni Salyan yolu küçəsində Bakı şəhər sakini T.Şiriyev idarə etdiyi “Hyundai” markalı avtomobili yolun kənarındakı reklam lövhəsinə vuraraq aşırıb. Nəticədə sürücü hadisə yerində ölüb, avtomobildə olan qardaşı isə xəstəxanaya yerləşdirilib.Səbail Rayon Polis İdarəsində araşdırma aparılır.

Sabunçu polisi həftəsonu Nardaran və Bakıxanov qəsəbələrində əməliyyat keçirib 

05.06.2023

Sabunçu Rayon Polis İdarəsinin Narkotiklərlə Mübarizə Bölməsinin əməkdaşları tərəfindən həyata keçirilən əməliyyat zamanı Nardaran qəsəbəsində narkotik tərkibli bitkilərin kultivasiyası ilə məşğul olan Mirzədadaş Cəlilov saxlanılıb. Onun yaşadığı evin həyətinə baxış zamanı xüsusi qulluq edərək yertişdirdiyi 97 ədəd çətənə kolu, eləcə də 2 kiloqram 200 qram marixuana aşkar edilib.Bölmə əməkdaşlarının Bakıxanov qəsəbəsində həyata keçirdikləri növbəti əməliyyat zamanı isə narkotik madddələrin satışı ilə məşğul olan əvvəllər məhkum olunmuş Vüqar Rəhimov saxlanılıb. Bu şəxsin üzərindən və evindən isə 2 kiloqram 500 qram marixuana aşkar olunub.Qeyd edək ki, may ayı ərzində Sabunçu Rayon Polis İdarəsinin Narkotiklərlə Mübarizə Bölməsinin əməkdaşlarının rayon ərazisində həyata keçirdikləri əməliyyatlar zamanı narkotiklərin qanunsuz dövriyyəsi ilə məşğul olan ümumilikdə 75 nəfər saxlanılıb. Həmin şəxslərin hər biri barəsində İdarənin İstintaq Şöbəsində Cinayət işləri başlanılıb. Sabunçu rayonu ərazisində narkotiklərin qanunsuz dövriyyəsi ilə məşğul olan digər şəxslərin də tutulmaları istiqamətində polis əməkdaşları tərəfindən mübarizə tədbirləri davam etdirilirQeyd edək ki, cari ilin əvvəlindən Sabunçu rayonunda polis əməkdaşlarının keçirdikləri əməliyyatlar zamanı ümumilikdə 45 kiloqram müxtəlif xassəli narkotik vasitə qanunsuz dövriyyədən çıxarılıb. 

Baş Mütəşəkkil Cinayətkarlıqla Mübarizə İdarəsi paytaxtın Nizami rayonunda əməliyyat keçirib

05.06.2023

Daxili İşlər Nazirliyi Baş Mütəşəkkil Cinayətkarlıqla Mübarizə İdarəsinin əməkdaşları tərəfindən paytaxt ərazisində növbəti əməliyyat keçirilib. Tədbir zamanı Nizami rayonunda yaşayan, əvvəllər məhkum olunmuş Şahin Babayev qanunsuz olaraq odlu silah gəzdirdiyi üçün saxlanılıb. Onun üzərinə baxış zamanı 1 ədəd “Makarov” markalı tapança, 1 ədəd həmin tapançaya məxsus sandıqça və 8 ədəd  patron aşkar edilərək götürülüb. Qeyd olunan faktla bağlı Baş İdarənin İstintaq və Təhqiqat İdarəsində Cinayət Məcəlləsinin müvafiq maddəsi ilə cinayət işi başlanılıb. Şahin Babayev barəsində məhkəmə tərəfindən həbs qətimkan tədbiri seçilib, araşdırmalar davam etdirilir.

Gün ərzində ölkə ərazisində qeydə alınan 39 cinayətin açılması təmin olunub

04.06.2023

İyunun 4-də ölkə ərazisində qeydə alınan 39, əvvəlki dövrlərdən bağlı qalan 11 cinayətin açılması daxili işlər orqanlarının əməkdaşları tərəfindən təmin olunub.

Nizami rayonu ərazisində Bakı şəhər sakini olan bir nəfərə qarşı quldurluq əməlini törətməkdə şübhəli bilinən paytaxt sakinləri Y.Cavadov və V.Verdizadə saxlanılıblar

04.06.2023

İyunun 3-də saat 23 radələrində Nizami rayonu ərazisində Bakı şəhər sakini olan bir nəfərin döyülərək 120 manatının talanması barədə polisə məlumat daxil olub. Nizami RPİ 25-ci Polis Şöbəsi əməkdaşlarının keçirdikləri əməliyyat tədbiri nəticəsində quldurluq əməlini törətməkdə şübhəli bilinən paytaxt sakinləri Y.Cavadov və V.Verdizadə müəyyən olunaraq saxlanılıblar.Nizami Rayon Polis İdarəsində araşdırma aparılır.

Xəzər rayonunun Binə qəsəbəsi ərazisindən “Honda” markalı avtomobili qaçırmaqda şübhəli bilinən Sədərək rayon sakini V.Məmmədov avtomobillə saxlanılıb

04.06.2023

Xəzər RPİ-nin 2-ci Polis Şöbəsinə Binə qəsəbəsi ərazisindən “Honda” markalı avtomobilin qaçırılması barədə məlumat daxil olub. Polis əməkdaşlarının keçirdikləri əməliyyat-axtarış tədbirləri nəticəsində nəqliyyat vasitəsini qaçırmaqda şübhəli bilinən Sədərək rayon sakini V.Məmmədov iyunun 4-də Ramana qəsəbəsi ərazisində avtomobillə saxlanılıb.  Araşdırma aparılır.