Quldurluqda şübhəli bilinən Bakı şəhər sakini Ə.Cavadov saxlanılıb

30.07.2022

Nəsimi RPİ 19-cu Polis Şöbəsi əməkdaşlarının keçirdikləri əməliyyat tədbiri nəticəsində iyulun 28-də Bakı şəhər sakini O.Qasımovun mobil telefonunu, içərisində pul və sənədi olan cüzdanını quldurluq yolu ilə talamaqda şübhəli bilinən Bakı şəhər sakini, əvvəllər məhkum olunmuş Ə.Cavadov saxlanılıb. Araşdırma aparılır. 

Yol-nəqliyyat hadisəsi zamanı xəsarət almış paytaxt sakini Telman Dünyamalıyev yerləşdirildiyi xəstəxanada ölüb

30.07.2022

İyulun 29-da saat 21 radələrində Xətai rayonunun Zığ yolunda Bakı şəhər sakini Y.Quliyev idarə etdiyi “Ford” markalı avtomobillə yolu keçən paytaxt sakini Telman Dünyamalıyevi vurub. Nəticədə xəstəxanaya yerləşdirilən piyada iyulun 30-da orada ölüb. Xətai Rayon Polis İdarəsində araşdırma aparılır. 

Goranboy rayonunun Goran qəsəbəsi ərazisində yol-nəqliyyat hadisəsi

30.07.2022

İyulun 31-də saat 1 radələrində Goranboy rayonunun Goran qəsəbəsi ərazisində Qazax rayon sakini X.Babayevin idarə etdiyi “Mercedes”  və Ağcabədi rayon sakini M.Muradovun idarə etdiyi “QAZel” markalı avtomobillər toqquşub. Nəticədə X.Babayevin sərnişinləri olan Bakı şəhər sakini Famil Məmmədli və Sumqayıt şəhər sakini Tamerlan Qasımlı hadisə yerində ölüb, özü və digər iki sərnişin xəstəxanaya yerləşdirilib. DİN-nin Baş İstintaq və Təhqiqaqat İdarəsi tərəfindən araşdırma aparılır. 

Xaçmaz şəhəri ərazisində yol-nəqliyyat hadisəsi

30.07.2022

İyulun 30-da saat 5 radələrində Xaçmaz şəhəri ərazisində şəhər sakini T.Əhmədov idarə etdiyi “KamAZ” markalı avtomobillə yolu keçən Köhnə Xaçmaz kənd sakini Rufəddin Məmmədovu vuraraq hadisə yerini tərk edib. Nəticədə xəstəxanaya yerləşdirilən piyada orada ölüb. Xaçmaz Rayon Polis Şöbəsi tərəfindən araşdırma aparılır. 

Yevlax rayonunun Xaldan kəndi ərazisində yol-nəqliyyat hadisəsi

30.07.2022

iyulun 30-da saat 1 radələrində Yevlax rayonunun Xaldan kəndi ərazisində rayon sakini Tahir Allahverdiyev idarə etdiyi “Hyundai” markalı avtomobili qarşıda gedən Z.Nəsibovun idarə etdiyi “T-28” markalı traktora vurduqdan sonra Zaqatala rayon sakini Ə.Ömərovun idarə etdiyi “Mercedes” markalı avtomobillə toqquşub. Nəticədə Tahir Allahverdiyev hadisə yerində ölüb, traktorun sürücüsü isə xəstəxanaya yerləşdirilib.DİN-nin Baş İstintaq və Təhqiqaqat İdarəsi tərəfindən araşdırma aparılır.

Gəncə şəhəri ərazisində yol-nəqliyyat hadisəsi

30.07.2022

İyulun 30-da saat 23 radələrində Gəncə şəhəri ərazisində şəhər sakini C.İbrahimov idarə etdiyi “VAZ-2106” markalı avtomobillə yolu keçən həmyerlisi Cəlil Cənnətovu vurub. Nəticədə xəstəxanaya yerləşdirilə piyada orada ölüb. Gəncə ŞBPİ-nin 1-ci Polis Şöbəsində araşdırma aparılır. 

Quldurluq yolu ilə talamaqda şübhəli bilinən paytaxt sakini M.Əkbərov saxlanılıb

30.07.2022

Binəqədi RPİ 6-cı Polis Bölməsi əməkdaşlarının keçirdikləri əməliyyat-axtarış tədbirləri nəticəsində iyulun 27-də S.Ənvərlinin 850 manat pulunu və qol saatını quldurluq yolu ilə talamaqda şübhəli bilinən paytaxt sakini M.Əkbərov saxlanılıb. Araşdırma aparılır. 

Oğurluqda şübhəli bilinən Bakı şəhər sakini S.Məhərrəmov saxlanılıb

30.07.2022

Nizami RPİ 24-cü Polis Şöbəsi əməkdaşlarının keçirdikləri əməliyyat-axtarış tədbirləri nəticəsində iyulun 27-də C.Salmanova məxsus yardımçı təsərrüfatdan noutbuk və soba oğurlamaqda şübhəli bilinən Bakı şəhər sakini, əvvəllər məhkum olunmuş S.Məhərrəmov saxlanılıb. Araşdırma aparılır. 

Gün ərzində qeydə alınan cinayətlərdən 44-nün açılması təmin edilmişdir

29.07.2022

İyulun 29-da ölkə ərazisində qeydə alınan cinayətlərdən 44-nün, eləcə də əvvəlki dövrlərdən bağlı qalan cinayətlərdən 5-nin açılması daxili işlər orqanlarının əməkdaşları tərəfindən təmin olunub.   

Narkotik vasitənin təsiri altında avtomobil idarə edən şəxs saxlanılıb 

29.07.2022

DİN-in Baş Dövlət Yol Polisi İdarəsinin əməkdaşları tərəfindən iyulun 28-də Masallı rayonu ərazisində Zəngilan rayon sakini Rauf Hüseynovun idarə etdiyi “Toyota” markalı avtomobil saxlanılıb. Polis əməkdaşları tərəfindən sürücünün narkotik vasitə qəbul etməsi müəyyən edilib. Onun barəsində İnzibati Xətalar Məcəlləsinin 334.1-ci maddəsi ilə protokol tərtib olunub. Masallı rayon məhkəməsinin qərarı ilə R.Hüseynov iyulun 29-da inzibati həbs edilib. Bu istiqamətdə tədbirlər davam etdirilir.