Sanitariya-gigiyena qaydalarının təmin olunması istiqamətində tədbirlər davam etdirilir 

10.07.2023

Daxili İşlər Nazirliyinin Baş İctimai Təhlükəsizlik İdarəsi əməkdaşlarının sanitariya-gigiyena qaydalarının pozulması hallarının qarşısının alınması məqsədilə Qazax və Ağstafa rayonları ərazisində keçirdikləri tədbirlər zamanı sənaye və məişət tullantılarının qalaqlanması və yandırılması zamanı ətraf mühitin mühafizəsi tələblərinə əməl edilməməsi faktları aşkar olunub.İnzibati Xətalar Məcəlləsinin 271-ci (sənaye və məişət tullantılarının qalaqlanması və yandırılması zamanı ətraf mühitin mühafizəsi tələblərinə əməl edilməməsi) maddəsinin tələblərini pozduqlarına görə Qazax rayonunda Daş Salahlı kənd icra nümayəndəsi, Daş Salahlı, Çaylı kənd bələdiyyə sədrləri, Ağstafa rayonu ərazisində isə rayon və Zəlimxan kənd bələdiyyə sədrləri barəsində inzibati tənbeh tədbiri tətbiq olunub.  Bu istiqamətdə tədbirlər davam etdirilir.  

Sosial şəbəkələrdə Azərbaycan vətəndaşlarını şirnikləndirici vədlər müqabilində dələduzluq edərək aldadan nigeriyalılar saxlanıldıla

10.07.2023

Daxili İşlər Nazirliyinə sosial şəbəkələrdə Azərbaycan Respublikasının vətəndaşlarının xaricdən idarə olunan müxtəlif səhifələr tərəfindən şirnikləndirici vədlər verilərək informasiya texnologiyalarından da istifadə edilməklə aldadıldığı və külli miqdarda pul vəsaitlarinin ələ keçirildiyi barədə çoxsaylı şikayətlər daxil olub. Bu məlumatlar dərhal nəzarətə götürülüb.Həyata keçirilən əməliyyat-texniki tədbirlərlə müəyyən edilib ki, iş üzrə zərərçəkən şəxslərin aldadılması əsasən "telegram" sosial şəbəkəsində həyata keçirilib. Həmçinin, araşdırmalarla saxta profillərin xarici ölkələrin internet resurslarından istifadə edilməklə qeydiyyatdan keçirildiyi, lakin buna baxmayaraq dəstənin bir neçə üzvünün ölkə sərhədləri daxilində kibercinayətkarlıqla məşğul olduqları müəyyən edilib. Bu səbəbdən həyata keçirilən tədbirlər nəticəsində sosial şəbəkələrdə dələduzluq edən Nigeriya vətəndaşları Ejiofor Onyekachu Benedict və Emere Onyebuchi Christiantusun şəxsiyyətləri qısa zamanda müəyyən edilib və onlar saxlanıblar.Bu şəxslər sosial şəbəkələrdə yaratdıqları "Philips Tomas Ben" və digər saxta profillər vasitəsilə zərərçəkənlərlə danışıqlar apararaq guya onlara xaricdən müxtəlif növ bahalı hədiyyələr göndərəcəklərinə dair yalan vədlər veriblər. Daha sonra dəstə üzvləri karqo xidmətlərinin ödənilməsi adi altında ayrı-ayrı ödəniş sistemlarindən istifadə etməklə bank kartlarına köçürmə yolu ilə çoxsaylı vətəndaşa məxsus külli miqdarda pul vasaitlarini ələ keçiriblər.Faktla bağlı cinayət işi başlanılıb, istintaq aparılır. Dəstə üzvlərinin Nigeriya Federativ Respublikasında fəaliyyət göstərən digər üzvlərinin də saxlanılması istiqamətində qeyd edilən ölkənin hüquq-mühafizə orqanlarına müvafiq sorğular göndərilib.Sonda bir daha vətəndaşlara sosial şəbəkələrdə yerləşdirilən və ilk baxışdan insanların marağına səbəb olan şübhəli keçidlərə daxil olmamağı, həmçinin bank kartlarında olan məlumatları isə heç bir halda qarşı tərəfə verməməyi tövsiyyə edirik.

Sumqayıt şəhər sakinindən narkotik maddələr və elektron tərəzi aşkar olunuraq götürülüb

10.07.2023

Bakı Şəhər Baş Polis İdarəsi əməkdaşlarının keçirdikləri əməliyyat tədbiri nəticəsində Sumqayıt şəhər sakini Ü.Əhmədovdan 1 kiloqram tiryək, 80 ədəd ekstazi və 400 ədəd metadon həbi götürülüb.Davam etdirilən tədbirlərlə onun Bakı şəhərində kirayədə yaşadığı mənzilə baxış zamanı oradan əlavə 71 qramdan artıq metamfetamin, 129 qrama yaxın marixuana, 15 ədəd metadon həbi və 2 ədəd elektron tərəzi aşkar edilərək götürülüb.

Gəncə şəhəri ərazisində yol-nəqliyyat hadisəsi baş vermişdir

10.07.2023

İyulun 10-da saat 6 radələrində Gəncə şəhəri ərazisində Samux rayon sakini E.İlyasov idarə etdiyi “Mercedes” markalı mikroavtobusla yolu keçən şəhər sakini R.Hüseynovanı vurub. Nəticədə xəstəxanaya yerləşdirilən piyada orada ölüb.Gəncə Şəhər Baş Polis İdarəsində araşdırma aparılır.

Astara rayonunun Deqədi kəndi ərazisində ölümlə nəticələnən yol-nəqliyyat hadisəsi baş vermişdir

10.07.2023

İyulun 10-da saat 17 radələrində Astara rayonunun Deqədi kəndi ərazisində kənd sakini S.Məlikov idarə etdiyi “Mercedes” markalı avtomobillə əks istiqamətdə hərəkət edən Seləkəran kənd sakini R.Əliyevin idarə etdiyi “Mondial” markalı mopedi vurub. Nəticədə R.Əliyev hadisə yerində ölüb.Astara Rayon Polis Şöbəsində araşdırma aparılır.

İsmayıllı rayonunun Ruşan kəndi ərazisində ölümlə nəticələnən yol-nəqliyyat hadisəsi baş vermişdir

10.07.2023

İyulun 10-da saat 23 radələrində İsmayıllı rayonunun Ruşan kəndi ərazisində Kürdmaşı kənd sakini V.Ağayev idarə etdiyi “VAZ-21063” markalı avtomobili aşırıb. Nəticədə avtomobildəki sərnişin kənd sakini S.Babayev hadisə yerində ölüb, sürücü və digər sərnişini xəstəxanaya yerləşdiriliblər.İsmayıllı Rayon Polis Şöbəsində araşdırma aparılır.

Daşkəsən rayonu Astaf kəndi ərazisində yabanı halda bitmiş çətənə kolu aşkar olunaraq məhv edilib

10.07.2023

Daşkəsən Rayon Polis Şöbəsi əməkdaşlarının keçirdikləri “Xaşxaş-2023” şərti adlı kompleks əməliyyat-axtarış və profilaktiki tədbirlər nəticəsində Astaf kəndi ərazisində 5 hektar sahədə yabanı halda bitmiş 2,9 ton çəkisi olan 8950 ədəd çətənə kolu aşkar olunaraq məhv edilib.

Gün ərzində ölkə ərazisində qeydə alınan 47 cinayətin açılması təmin olunub

09.07.2023

İyulun 9-da ölkə ərazisində qeydə alınan 47, əvvəlki dövrlərdən bağlı qalan 1 cinayətin açılması daxili işlər orqanlarının əməkdaşları tərəfindən təmin olunub.   

Sanitariya-gigiyena qaydalarının təmin olunması istiqamətində tədbirlər davam etdirilir 

09.07.2023

Daxili İşlər Nazirliyinin Baş İctimai Təhlükəsizlik İdarəsi əməkdaşlarının sanitariya-gigiyena qaydalarının pozulması hallarının qarşısının alınması məqsədilə iyulun 6-da Tovuz rayonu ərazisində keçirdikləri tədbir zamanı sənaye və məişət tullantılarının qalaqlanması və yandırılması zamanı ətraf mühitin mühafizəsi tələblərinə əməl edilməməsi faktları aşkar olunub.İnzibati Xətalar Məcəlləsinin 271-ci (sənaye və məişət tullantılarının qalaqlanması və yandırılması zamanı ətraf mühitin mühafizəsi tələblərinə əməl edilməməsi) maddəsinin tələblərini pozduqlarına görə Tovuz rayon, Aşağı Öyrüslü, Yuxarı Öyrüslü, Cırdaxan və Qovlar kənd bələdiyyələrinin sədrləri barəsində inzibati tənbeh tədbiri tətbiq olunub.  Bu istiqamətdə tədbirlər davam etdirilir.  

Şabran şəhəri ərazisində yol-nəqliyyat hadisəsi

09.07.2023

İyulun 9-da saat 5 radələrində Şabran şəhəri ərazisində Abşeron rayon sakini K.Talışinski idarə etdiyi “Ford” markalı avtomobili aşırıb. Nəticədə avtomobildəki sərnişinlərdən Bakı şəhər sakinləri M.Həsənov, İ.Səlimov, Şuşa şəhər sakini İ.Əliyev hadisə yerində ölüb, sürücü və digər sərnişini xəstəxanaya yerləşdiriliblər.Baş İstintaq və Təhqiqat İdarəsi tərəfindən araşdırma aparılır.