Suraxanıda keçirilən əməliyyatlar zamanı saxlanılan 2 nəfərdən “Kalaşnikov” və 10 kiloqram narkotik vasitə aşkar edilib

22.06.2023

Suraxanı Rayon Polis İdarəsinin əməkdaşları tərəfindən həyata keçilən növbəti əməliyyat zamanı narkotiklərin qanunsuz dövriyyəsini təşkil edən daha bir nəfər saxlanılıb. Tədbir zamanı Əmircan qəsəbəsində narkotik maddələrin satışını təşkil edən İlqar Abbasov tutulub. Onun üzərindən və qəsəbə ərazisində yaşadığı evdən 10 kiloqramdan artıq heroin və marixuana aşkar edilib.

Gün ərzində ölkə ərazisində qeydə alınan 80 cinayətin açılması təmin olunub

21.06.2023

İyunun 21-də ölkə ərazisində qeydə alınan 80, əvvəlki dövrlərdən bağlı qalan 18 cinayətin açılması daxili işlər orqanlarının əməkdaşları tərəfindən təmin olunub.

Füzuli rayonunun Qayıdış qəsəbəsi ərazisində “Mitsubishi” markalı avtomobillə piyada vurulub

21.06.2023

İyunun 21-də saat 11 radələrində Füzuli rayonunun Qayıdış qəsəbəsi ərazisində rayon sakini T.Sahibli idarə etdiyi “Mitsubishi” markalı avtomobillə yolu keçən F.Nəcəfovu vurub və nəticədə piyada hadisə yerində ölüb.Füzuli Rayon Polis Şöbəsində araşdırma aparılır.

Metronun İnşaatçılar stansiyasında Bakı şəhər sakini olan bir qadının çantasından cüzdanın oğurlamaqda şübhəli bilinən Ağdam rayon sakini C.Abdullazadə saxlanılıb

21.06.2023

İyunun 16-da metronun İnşaatçılar stansiyasında Bakı şəhər sakini olan bir qadının çantasından içərisində pulu, bank kartı, sənədlər və ev açarları olan cüzdanın oğurlanması barədə polisə məlumat daxil olub.Metropolitendə Polis İdarəsi əməkdaşlarının keçirdikləri əməliyyat tədbiri nəticəsində oğurluq əməlini törətməkdə şübhəli bilinən Ağdam rayon sakini, əvvəllər dəfələrlə məhkum olunmuş C.Abdullazadə müəyyən edilərək saxlanılıb. Araşdırma aparılır.

Binəqədi rayonunun Sulutəpə qəsəbəsi ərazisindən bir avtomobili qaçırmaqda şübhəli bilinən Zaqatala rayon sakini M.Mamayev müəyyən edilərək saxlanılıb

21.06.2023

Binəqədi RPİ 40-cı Polis Bölməsi əməkdaşlarının daxil olan məlumat əsasında keçirdikləri əməliyyat tədbiri nəticəsində Sulutəpə qəsəbəsi ərazisindən “VAZ-2107” markalı bir avtomobili qaçırmaqda şübhəli bilinən Zaqatala rayon sakini, əvvəllər məhkum olunmuş M.Mamayev müəyyən edilərək saxlanılıb. Araşdırma aparılır.

İki nəfərin mobil telefonlarını oğurlamaqda şübhəli bilinən Bakı şəhər sakini A.Qurbanzadə saxlanılıb

21.06.2023

Nəsimi RPİ 20-ci Polis Bölməsi əməkdaşlarının daxil olan məlumat əsasında keçirdikləri əməliyyat tədbiri nəticəsində iki nəfərin ümumi dəyəri 3600 manat olan 2 ədəd mobil telefonunu oğurlamaqda şübhəli bilinən Bakı şəhər sakini, əvvəllər məhkum olunmuş A.Qurbanzadə saxlanılıb. Araşdırma aparılır.

Oğurluq etdiyinə görə tutulan S.Əliyevin daha bir nəfərin bank hesabından pul oğurlaması da müəyyən olunub

21.06.2023

Nəsimi RPİ 21-ci Polis Bölməsi əməkdaşları tərəfindən aparılan araşdırmalarla oğurluq etdiyinə görə tutulan S.Əliyevin daha bir nəfərin bank hesabından 1025 manat oğurlaması da müəyyən olunub.

Bakı şəhər sakini V.Süleymanovun pulunu və mobil telefonunu soyğunçuluq yolu ilə talamaqda şübhəli bilinən Lerik rayon sakini F.Rzayev saxlanılıb

21.06.2023

Nizami RPİ 24-cü Polis Şöbəsi əməkdaşlarının daxil olan məlumat əsasında keçirdikləri əməliyyat tədbiri nəticəsində Bakı şəhər sakini V.Süleymanovun 150 manat pulunu və mobil telefonunu soyğunçuluq yolu ilə talamaqda şübhəli bilinən Lerik rayon sakini, əvvəllər məhkum olunmuş F.Rzayev müəyyən edilərək saxlanılıb. Araşdırma aparılır.

Sumqayıt şəhəri ərazisində saxlanılan Bakı şəhər sakini R.Şiriyevdən 1 kiloqramdan artıq heroin aşkar edilərək götürülüb

21.06.2023

Sumqayıt ŞPİ 1-ci Polis Bölməsi əməkdaşlarının əldə olunan məlumat əsasında keçirdikləri əməliyyat tədbiri nəticəsində şəhər ərazisində saxlanılan Bakı şəhər sakini, əvvəllər məhkum olunmuş R.Şiriyevdən 1 kiloqramdan artıq heroin aşkar edilərək götürülüb. 

Oğurluq etdiyinə görə tutulan Sumqayıt şəhər sakini İ.Muradovun şəhər ərazisində yerləşən ödəmə terminallarının birindən pul oğurlaması da müəyyən olunub

21.06.2023

Sumqayıt ŞPİ 3-cü Polis Bölməsi əməkdaşları tərəfindən aparılan araşdırmalarla oğurluq etdiyinə görə tutulan İ.Muradovun 45-ci məhəllənin ərazisində yerləşən ödəmə terminallarının birindən 275 manat oğurlaması da müəyyən olunub.