Beyləqan rayonunun Örənqala kənd sakini S.Əliyevdən qanunsuz saxladığı ov tüfəngi götürülüb

19.06.2023

Beyləqan Rayon Polis Şöbəsi əməkdaşlarının əldə olunan məlumat əsasında keçirdikləri əməliyyat tədbirləri nəticəsində Örənqala kənd sakini S.Əliyevdən qanunsuz saxladığı “İJ” markalı ov tüfəngi götürülüb.

Qəbələ rayonunun Xırxatala kənd sakinləri S.Aslanovdan və F.Qasımlıdan qanunsuz saxladıqları ov tüfəngləri götürülüb

19.06.2023

Qəbələ Rayon Polis Şöbəsi əməkdaşlarının əldə olunan məlumat əsasında keçirdikləri əməliyyat tədbiri nəticəsində Xırxatala kənd sakinləri S.Aslanovdan və F.Qasımlıdan qanunsuz saxladıqları “TOZ” markalı 2 ədəd ov tüfəngləri götürülüb.

Göygöl rayonunun Zurnabad kəndi ərazisində yabanı halda bitmiş çətənə kolları aşkar olunaraq məhv edilib

19.06.2023

Göygöl Rayon Polis Şöbəsi əməkdaşlarının keçirdikləri “Xaşxaş-2023” şərti adlı kompleks əməliyyat-axtarış və profilaktik tədbirlər nəticəsində Zurnabad kəndi ərazisində 2 hektar sahədə yabanı halda bitmiş 280 kiloqram çəkidə 798 ədəd çətənə kolu aşkar olunaraq məhv edilib.

Tovuz rayonunun Hunanlar kəndi ərazisində yabanı halda bitmiş çətənə kolları aşkar olunaraq məhv edilib

19.06.2023

Tovuz Rayon Polis Şöbəsi əməkdaşlarının keçirdikləri “Xaşxaş-2023” şərti adlı kompleks əməliyyat-axtarış və profilaktik tədbirlər nəticəsində Hunanlar kəndi ərazisində yabanı halda bitmiş 135 kiloqram çəkidə 270 ədəd çətənə kolu aşkar olunaraq məhv edilib.

Binəqədi rayounda “instagram” sosial şəbəkəsində tanış oduğu İran vətəndaşının narkokuryerliyə cəlb etdiyi şəxsdən 3 kiloqram heroin aşkar edilib

19.06.2023

Binəqədi Rayon Polis İdarəsinin əməkdaşları tərəfindən narkotik vasitələrin qanunsuz dövriyyəsinə qarşı növbəti əməliyyat həyata keçirilib. Tədbir zamanı əvvəllər də narkotiklərin satışını təşkil etdiyi üçün məhkum olunan Rəşad Quliyev saxlanılıb. Onun üzərində axtarış aparılan zaman 3 kiloqrama yaxın narkotik vasitə olan heroin aşkar edilib. Saxlanılan şəxs narkotik vasitəni “instagram” sosial şəbəkəsində tanış olduğu İran vətəndaşından onlayn yolla satmaq məqsədi ilə əldə etdiyini və narkokuryerliyə cəlb olunduğunu bildirib. Rəşad Quliyev barəsində İdarənin İdarənin İstintaq Şöbəsində cinayət işi başlanılıb.Qeyd edək ki, Binəqədi rayonunda cari ilin may ayının əvvəlindən keçirilən əməliyyatlar zamanı narkotiklərin qanunsuz dövriyyəsini təşkil edən ümumilikdə 46 nəfər saxlanılıb. Onların hər biri barəsində araşdırmalar davam etdirilir.Binəqədi Rayon Polis İdarəsinin əməkdaşlarının həmçinin qeyd edilən dövr ərzində həyata keçirdikləri təxirəsalınmaz əməliyyatlar zamanı Biləcəri və ətraf ərazilərdə 50-yə yaxın evdən pul, qızıl-zinət və məişət oğurlayan Bakı şəhər sakini, əvvəllər dəfələrlə məhkum olunmuş Vaqif Hümbətov, Binəqədi qəsəbəsində 10-dan çox  mənzildə silsilə oğurluq cinayətləri törədən əvvəllər məhkum olunmuş Əlikram Əliyev, əsasən qadınlara qarşı soyğunçuluq edərək zərərçəkənlərin mobil telefonlarını, eləcə də pul vəsaitlərini ələ keçirən Əziz Paşayev, Sadiq Əmrəliyev və sonuncunun tanışı  Nofəl Ramazanov da saxlanılaraq istintaqa təqdim ediliblər. Binəqədi rayonu ərazisində vətəndaş məmnunluğunun təmin edilməsi, narkotiklərin qanunsuz dövriyyəsinin, cinayətkarlığın və digər hüquqazidd əməllərin qarşısının alınması məqsədi ilə polis əməkdaşları tərəfindən təxirəsalınmaz əməliyyat tədbirləri davam etdirilir. 

Gün ərzində ölkə ərazisində qeydə alınan 41 cinayətin açılması təmin olunub

18.06.2023

İyunun 18-də ölkə ərazisində qeydə alınan 41, əvvəlki dövrlərdən bağlı qalan 3 cinayətin açılması daxili işlər orqanlarının əməkdaşları tərəfindən təmin olunub.

Ümumi çəkisi 102 kiloqramdan artıq narkotik vasitə və 1200 ədəd güclü təsiredici xassəyə malik həb götürülərək qanunsuz dövriyyədən çıxarılıb

18.06.2023

Daxili İşlər Nazirliyi və Dövlət Sərhəd Xidməti əməkdaşlarının birgə keçirdikləri əməliyyat tədbiri nəticəsində ümumi çəkisi 102 kiloqramdan artıq narkotik vasitə və 1200 ədəd güclü təsiredici xassəyə malik həb götürülərək qanunsuz dövriyyədən çıxarılıb. Belə ki, DİN Baş Narkotiklərlə Mübarizə İdarəsinin Qərb Bölgəsində Regional Şöbəsi və Dövlət Sərhəd Xidməti əməkdaşlarının birgə keçirdikləri əməliyyat tədbiri nəticəsində Beyləqan rayonu ərazisində saxlanılan Bakı şəhər sakini Q.Hüseynovdan çəkisi 97 kiloqram 338 qramdan artıq marixuana, 5 kiloqram 10 qram heroin, 1200 ədəd metadon həbi və 1 ədəd bank kartı aşkar olunaraq götürülüb. 

Kəngərli rayonunun Xok kəndindəki evlərin birində A.İbrahimovanı bıçaqla qəsdən öldürməkdə şübhəli bilinən kənd sakini S.Məmmədov saxlanılaraq istintaqa təhvil verilib

18.06.2023

İyunun 18-də saat 10 radələrində Kəngərli rayonunun Xok kəndindəki evlərin birində A.İbrahimovanın kəsilmiş-deşilmiş xəsarətlərdən ölməsi barədə polisə məlumat daxil olub. Polis və prokurorluq orqanlarının əməkdaşları tərəfindən müvafiq tədbirlər həyata keçirilib. Araşdırmalarla kənd sakini S.Məmmədovun A.İbrahimovaya bıçaqla xəsarətlər yetirərək qəsdən öldürməsinə əsaslı şübhələr müəyyən edilib.Kəngərli Rayon Polis Şöbəsi əməkdaşlarının keçirdikləri əməliyyat tədbiri nəticəsində S.Məmmədov sübhəli şəxs qismində saxlanılaraq istintaqa təhvil verilib.Faktla bağlı cinayət işi başlanılıb.

Bakı şəhər sakini olan bir qadının bank kartından 2000 manat oğurlamaqda şübhəli bilinən bir yeniyetmə saxlanılıb

18.06.2023

Xəzər RPİ 2-ci Polis Şöbəsi əməkdaşlarının daxil olan məlumat əsasında keçirdikləri əməliyyat tədbiri nəticəsində iyunun 12-də Bakı şəhər sakini olan bir qadının bank kartından hesabındakı 2000 manatı oğurlamaqda şübhəli bilinən paytaxt sakini olan bir yeniyetmə müəyyən edilərək saxlanılıb. Araşdırma aparılır.

Binəqədi rayonu ərazisindəki 2 mağazadan ətir və tütün məmulatı oğurlamaqda şübhəli bilinən Cəlilabad rayon sakini S.Həmidov saxlanılıb

18.06.2023

Binəqədi RPİ 40-cı Polis Bölməsi əməkdaşlarının daxil olan məlumat əsasında keçirdikləri əməliyyat tədbiri nəticəsində ayrı-ayrı vaxtlarda rayon ərazisindəki 2 mağazadan 3090 manat dəyərində ətir və tütün məmulatı oğurlamaqda şübhəli bilinən Cəlilabad rayon sakini, əvvəllər məhkum olunmuş S.Həmidov müəyyən edilərək saxlanılıb. Araşdırma aparılır.