Kəngərli rayonunun Yeni Kərki kəndi ərazisində “Volkswagen” və “Hyundai” markalı avtomobillər toqquşub

25.06.2023

İyunun 25-də saat 23 radələrində Kəngərli rayonunun Yeni Kərki kəndi ərazisində  Xok kənd sakini X.Sultanovun idarə etdiyi “Volkswagen” və Şərur rayon sakini C.Əliyevin idarə etdiyi “Hyundai” markalı avtomobillər toqquşub. Nəticədə “Volkswagen” markalı avtomobilin sürücüsü və avtomobillərdə olan 5 sərnişin ölüb, digər sürücü və avtomobillərdə olan 5 sərnişin isə xəstəxanaya yerləşdirilib. Araşdırma aparılır. 

Zərdab rayonunda polis əməkdaşları arasında ümummilli lider Heydər Əliyevin 100 illik yubileyinə həsr olunmuş yarış keçirilib

25.06.2023

Zərdab Rayon Polis Şöbəsinin və Daxili Daxili İşlər Nazirliyinin İdman Cəmiyyətinin təşkilatçılığı ilə Ulu Öndər Heydər Əliyevin anadan olmasının 100-cü ildönümü münasibəti ilə Zərdab şəhər 1 nömrəli məktəb-liseyində polis əməkdaşları arasında silahsız özünü müdafiə üzrə çempionat keçirilib. Tədbirdən əvvəl ulu öndər Heydər Əliyevin, Azərbaycanın suverenliyi və ərazi bütövlüyü uğrunda canlarını fəda etmiş şəhidlərin xatirəsi bir dəqiqəlik sükutla yad edilib və Dövlət Himni səsləndirilib.Çıxış edən qonaqlar müasir Azərbaycan dövlətinin banisi, ulu öndər Heydər Əliyevin şərəfli ömür yolu və dövlətimizin tərəqqisi naminə gördüyü işlər barədə geniş məlumat veriblər və yarış iştirakçılarına uğurlar arzu ediblər. Özünü müdafiə və əlbəyaxa döyüş növləri olmaqla 2 mərhələdə keçirilən çempionatda qalıb gələn polis əməkdaşları medal, diplom və xatirə hədiyyələri ilə təltif ediliblər.

Dəmir yollarında təhlükəsizliyi təmin etmək üçün quraşdırılan dəyəri 3 min manat olan 22 ədəd metal tor oğurlayan şəxs saxlanılıb

25.06.2023

Dəmir yolları xəttinin Sabunçu rayonu Pirşağı-Zabrat mənzilinin 25-ci kilometrliyində təhlükəsizliyin təmin olunması məqsədi ilə dəmir yol kənarına çəkilmiş 22 ədəd əlvan metaldan olan tor naməlum şəraitdə oğurlanıb. Hadisə barədə məlumat daxil olan kimi Dəmiryolu Nəqliyyatında Polis İdarəsinin Sabunçu Xətt Polis Şöbəsinin əməkdaşları tərəfindən təxirəsalınmaz əməliyyat-axtarış tədbirlərinə başlanılıb. Nəticədə hadisəni törətməkdə şübhəli bilinən Bakı şəhər sakini Kamran Loğmanov qısa zamanda saxlanılıb və Polis Şöbəsinə gətirilib. Həmin şəxsin oğurladığı dəmir torlar isə polis əməkdaşları tərəfindən aşkar olunaraq maddi sübut kimi götürülüb. Kamran Loğmanov ifadəsində dəmir torları satmaq məqsədi ilə oğurladığını etiraf edib. Qeyd edək ki, Kamran Loğmanov etdiyi oğurluq nəticəsində dəmir yol təsərrüfatına 3 min manata yaxın maddi ziyan vurub. Faktla bağlı Dəmiryolu Nəqliyyatında Polis İdarəsinin Sabunçu Xətt Polis Şöbəsində araşdırmalar davam etdirilir.

Gün ərzində ölkə ərazisində qeydə alınan 57 cinayətin açılması təmin olunub

24.06.2023

İyunun 24-də ölkə ərazisində qeydə alınan 57, əvvəlki dövrlərdən bağlı qalan 16 cinayətin açılması daxili işlər orqanlarının əməkdaşları tərəfindən təmin olunub.

Qaradağ rayonunun Lökbatan qəsəbəsi ərazisində münaqişə zəminində Balakən rayon sakini H.Hudulovu bıçaqla qəsdən öldürməkdə şübhəli bilinən R.Salayevin tutularaq istintaqa təhvil verilib

24.06.2023

Qaradağ RPİ-nin 10-cu Polis Bölməsinə iyunun 24-də saat 23 radələrində Lökbatan qəsəbəsi ərazisində Balakən rayon sakini H.Hudulovun kəsilmiş-deşilmiş xəsarətlərdən ölməsi barədə məlumat daxil olub.Rayonun polis və prokurorluq orqanlarının əməkdaşları tərəfindən müvafiq tədbirlər həyata keçirilib. Araşdırmalarla qəsəbə sakini, əvvəllər məhkum olunmuş R.Salayevin münaqişə zəminində H.Hudulova bıçaqla xəsarət yetirərək qəsdən öldürməsinə əsaslı şübhələr müəyyən edilib.  Polis əməkdaşlarının keçirdikləri əməliyyat-axtarış tədbirləri nəticəsində R.Salayev şübhəli şəxs qismində tutularaq istintaqa təhvil verilib.  Faktla bağlı cinayət işi başlanılıb. 

Xəzər rayonunun Binə qəsəbəsi ərazisindən bir avtomobili qaçırmaqda şübhəli bilinən E.Abdullayev avtomobillə birgə saxlanılıb

24.06.2023

Xəzər RPİ 3-cü Polis Şöbəsi əməkdaşlarının daxil olan məlumat əsasında keçirdikləri əməliyyat-axtarış tədbirləri nəticəsində iyunun 24-də Binə qəsəbəsi ərazisindən “Opel” markalı avtomobili qaçırmaqda şübhəli bilinən E.Abdullayev avtomobillə birgə saxlanılıb. Xəzər Rayon Polis İdarəsində araşdırma aparılır. 

Yardımlı rayonu ərazisində yerləşən meşə dolayında 86 ədəd müxtəlif ağacın kəsilməsi ilə bağlı cinayət işi başlanılıb

24.06.2023

Yardımlı Rayon Polis Şöbəsinin əməkdaşları tərəfindən aparılan araşdırmalarla cari il aprelin 19-da Masallı Regional Meşə Təsərrüfatı mərkəzinin Yardımlı rayonu ərazisində yerləşən meşə dolayında 86 ədəd müxtəlif ağacın kəsilməsi nəticəsində meşə fonduna 3307 manat məbləğində ziyan vurulması müəyyən olunub. Faktla bağlı Cinayət Məcəlləsinin 259-cu maddəsi (Qanunsuz ağac kəsmə) ilə cinayət işi başlanılıb. Yardımlı Rayon Polis Şöbəsi tərəfindən əməliyyat-axtarış tədbirləri aparılır.

Abşeron rayonu ərazisində iki evdən pul, qızıl-zinət əşyaları və gümüş aksesuarlar oğurlamaqda şübhəli bilinən Ceyranbatan qəsəbə sakini X.Niyazov saxlanılıb

24.06.2023

Baş Cinayət Axtarışı İdarəsi və Abşeron Rayon Polis İdarəsi əməkdaşlarının birgə keçirdikləri əməliyyat tədbiri nəticəsində rayon ərazisində iki evdən ümumilikdə 1000 ABŞ dolları və 2000 manat pul, 3500 manat dəyərində qızıl-zinət əşyaları və gümüş aksesuarlar oğurlamaqda şübhəli bilinən Ceyranbatan qəsəbə sakini, əvvəllər məhkum olunmuş X.Niyazov müəyyən olunaraq saxlanılıb. Araşdırma aparılır. 

Binəqədi rayonunun Binəqədi qəsəbəsindəki evlərin birindən pul oğurlamaqda şübhəli bilinən Ağcabədi rayon sakini X.Əliyev saxlanılıb

24.06.2023

Binəqədi RPİ 43-cü Polis Bölməsi əməkdaşlarının daxil olan məlumat əsasında keçirdikləri əməliyyat tədbiri nəticəsində iyunun 22-də Binəqədi qəsəbəsindəki evlərin birindən 1500 manat pul oğurlamaqda şübhəli bilinən Ağcabədi rayon sakini X.Əliyev müəyyən olunaraq saxlanılıb. Araşdırma aparılır. 

Nəsimi rayonu ərazisində yerləşən tibb mərkəzlərinin birində oğurluq əməlini törətməkdə şübhəli bilinən Cəlilabad rayon sakini C.Əzizov saxlanılıb

24.06.2023

İyunun 22-də Nəsimi rayonu ərazisində yerləşən tibb mərkəzlərinin birində Bakı şəhər sakini olan bir nəfərin içərisində 1600 manatı olan cüzdanının oğurlanması barədə polisə məlumat daxil olub. Nəsimi RPİ 20-ci Polis Bölməsi əməkdaşlarının keçirdikləri əməliyyat tədbiri nəticəsində oğurluq əməlini törətməkdə şübhəli bilinən Cəlilabad rayon sakini C.Əzizov müəyyən olunaraq saxlanılıb. Araşdırma aparılır.