Yevlax şəhəri ərazisində ölümlə nəticələnən yol-nəqliyyat hadisəsi baş vermişdir

23.07.2023

İyulun 23-də saat 14 radələrində Yevlax şəhəri ərazisində Xaldan kənd sakini C.Məmmədovun idarə etdiyi “VAZ-21063” və Şəmkir rayon sakini S.Nuruyevin idarə etdiyi “Toyota” markalı avtomobillər toqquşub. Nəticədə C.Məmmədovun sərnişini olan arvadı X.Məmmədova hadisə yerində ölüb.Baş İstintaq və Təhqiqat İdarəsində araşdırma aparılır. 

Salyan rayonunun Seyidsadıqlı kəndi ərazisində ölümlə nəticələnən yol-nəqliyyat hadisəsi baş vermişdir

23.07.2023

İyulun 23-də saat 23 radələrində Salyan rayonunun Seyidsadıqlı kəndi ərazisində Masallı rayon sakinləri X.Hüseynzadənin idarə etdiyi “Opel”, R.Abdullayevin idarə etdiyi “Chevrolet” və T.İslamzadənin idarə etdiyi “Mercedes” markalı avtomobillər toqquşub. Nəticədə R.Abdullayev hadisə yerində ölüb, X.Hüseynzadə və sərnişini xəstəxanaya yerləşdiriliblər.Baş İstintaq və Təhqiqat İdarəsində araşdırma aparılır. 

Gün ərzində ölkə ərazisində qeydə alınan 44 cinayətin açılması təmin olunub

22.07.2023

İyulun 22-də ölkə ərazisində qeydə alınan 44, əvvəlki dövrlərdən bağlı qalan 4 cinayətin açılması daxili işlər orqanlarının əməkdaşları tərəfindən təmin olunub.   

Paytaxt sakinləri R.Qafarov və Ə.Rzayevdən narkotik vasitələr aşkar edilərək götürülmüşdür

22.07.2023

Bakı Şəhər Baş Polis İdarəsi və Xəzər RPİ 3-cü Polis Şöbəsi əməkdaşlarının birgə keçirdikləri əməliyyat tədbiri nəticəsində paytaxt sakini, əvvəllər məhkum olunmuş R.Qafarov saxlanılıb. Şəxsi axtarış zamanı ondan heroin aşkar olunub. Araşdırmalarla narkotik vasitəni ona satmaqda şübhəli bilinən paytaxt sakini Ə.Rzayev də müəyyən olunaraq saxlanılıb, ondan da heroin götürülüb. Ə.Rzayevin idarə etdiyi “VAZ-2106” markalı avtomobilə baxış zamanı oradan 8 qramdan artıq heroin, 5 qramdan çox metamfetamin, Buzovna qəsəbəsi ərazisində kirayədə yaşadığı evdən isə 279 qramdan artıq heroin, 14 qrama yaxın metamfetamin və elektron tərəzi aşkar olunaraq götürülüb.

Yataqxananın girişindən 2 ədəd velosiped oğurlamaqda şübhəli bilinən Sumqayıt şəhər sakini R.Məmmədov saxlanılıb

22.07.2023

Sumqayıt ŞPİ 4-cü Polis Bölməsi əməkdaşlarının keçirdikləri əməliyyat tədbiri nəticəsində iyulun 22-də 20-cı məhəllədə yerləşən yataqxananın girişindən 2 ədəd velosiped oğurlamaqda şübhəli bilinən şəhər sakini, əvvəllər narkotiklərlə əlaqəli cinayətə görə məhkum olunmuş R.Məmmədov saxlanılıb. Araşdırma aparılır. 

Mobil telefon oğurlamaqda şübhəli bilinən Gəncə şəhər sakini Z.Məmmədov müəyyən olunaraq saxlanılıb

22.07.2023

Gəncə ŞBPİ 2-ci Polis Şöbəsi əməkdaşlarının keçirdikləri əməliyyat tədbiri nəticəsində iyulun 21-də F.Məmmədovun mobil telefonunu oğurlamaqda şübhəli bilinən şəhər sakini Z.Məmmədov müəyyən olunaraq saxlanılıb. Araşdırma aparılır. 

Oğurluqda şübhəli bilinən Gəncə şəhər sakini E.İsmayılov saxlanılıb

22.07.2023

Gəncə ŞBPİ 3-cü Polis Bölməsi əməkdaşlarının keçirdikləri əməliyyat tədbiri nəticəsində iyulun 21-də Yeni Gəncə qəsəbəsində E.Səidovanın velosipedini oğurlamaqda şübhəli bilinən şəhər sakini, əvvəllər məhkum olunmuş E.İsmayılov saxlanılıb. Araşdırma aparılır. 

Sabirabad rayonunun Surra kənd sakini E.Ələkbərovdan narkotik vasitələr götürülmüşdür

22.07.2023

Sabirabad Rayon Polis Şöbəsi əməkdaşlarının keçirdikləri əməliyyat tədbiri nəticəsində saxlanılan Surra kənd sakini, əvvəllər məhkum olunmuş E.Ələkbərovdan 10 qrama yaxın heroin və 5 qramdan çox metamfetamin aşkar olunub. Davam etdirilən tədbirlərlə onun kənd ərazisindəki bir evdə gizlətdiyi 19 qramdan çox metamfetamin, 87 qrama yaxın heroin və 36 qramdan çox marixuana, öz evinə  baxış zamanı isə 900 qram heroin aşkar olunaraq götürülüb. 

Sabirabad rayonunun Qalaqayın kənd sakini S.Mikayılovdan qanunsuz saxladığı nömrəsi silinmiş ov tüfəngi götürülüb

22.07.2023

Sabirabad Rayon Polis Şöbəsi əməkdaşlarının keçirdikləri əməliyyat tədbiri nəticəsində Qalaqayın kənd sakini S.Mikayılovdan qanunsuz saxladığı nömrəsi silinmiş “TOZ-B” markalı ov tüfəngi götürülüb. Araşdırma aparılır. 

Şərur, Saatlı və Ağdaş rayonları ərazisində yabanı halda bitən və kultivasiya yolu ilə yetişdirilmiş çətənə kolları aşkar olunmuşdur

22.07.2023

Şərur Rayon Polis İdarəsi əməkdaşlarının keçirdikləri “Xaşxaş-2023” şərti adlı kompleks əməliyyat-axtarış və profilaktiki tədbirlər nəticəsində Mahmudkənd kəndi ərazisində yabanı halda bitən 400 kiloqram çəkidə 3000 ədəd çətənə kolu aşkar olunaraq məhv edilib.  Saatlı Rayon Polis Şöbəsi əməkdaşlarının keçirdikləri “Xaşxaş-2023” şərti adlı kompleks əməliyyat-axtarış və profilaktiki tədbirlər nəticəsində Mustafabəyli kənd sakini R.Allahverdiyevə məxsus həyətyanı sahədən kultivasiya yolu ilə yetişdirilmiş 1 ədəd çətənə kolu və 355 qram marixuana aşkar olunaraq götürülüb.  Ağdaş Rayon Polis Şöbəsi əməkdaşlarının keçirdikləri “Xaşxaş-2023” şərti adlı kompleks əməliyyat-axtarış və profilaktiki tədbirlər nəticəsində Pirəzə kənd sakini E.İbişova məxsus həyətyanı sahədən kultivasiya yolu ilə yetişdirilmiş 4 ədəd çətənə kolu aşkar olunaraq götürülüb.