Həkimlər və televiziya aparıcılarının adından istifadə edərək dələduzluq edən şəxs polis əməkdaşları tərəfindən saxlanılıb

26.07.2023

Sosial şəbəkələrdə səhifələri olan həkimlər və televiziya aparıcılarının adından istifadə edərək onların dostluğunda olan şəxslərə qarşı dələduzluq edilməsi faktı üzrə son günlərdə mediada yayılan məlumatlar Daxili İşlər Nazirliyində nəzarətə götürülərək araşdırmalara başlanılıb. Nazirliyə daxil olan çoxsaylı şikayətlər əsasında polis əməkdaşlarının keçirdikləri tədbirlər nəticəsində onlayn yolla dələduzluq edən həmin şəxs - Lənkəran şəhər sakini Kəlbihüseyn Abuşovun qısa zamanda saxlanılması təmin olunub. Həmin şəxs ifadəsində sosial şəbəkələrdə həkimlərin və aparıcıların adından istifadə etdiyini və onların tanışlarının etibarından sui-istifadə edərək müxtəlif məbləğlərdə pul vəsaitləri aldığını bildirib. Araşdırmalar zamanı saxlanılan şəxsin, həmçinin televiziyaların birində efirə gedən verilişdə qonaq kimi iştirak etmək istəyən həkimləri, guya onların həmin kanalda çıxışını təşkil edəcəyi adı altında aldaraq pul vəsaitlərini ələ keçirdiyi də müəyyən edilib.Qeyd edək ki, saxlanılan şəxs əvvəllər də dələduzluq etdiyindən barəsində Cinayət işi mövcuddur və hazırda iş məhkəmə baxışındadır.  K.Abuşovun etdiyi sonuncu hüquqazidd əməllər barəsində toplanmış material da baxılması üçün məhkəməyə göndərilib. Məhkəmənin qərarı ilə K.Abuşov həbs edilib. Araşdırmalar davam etdirilir.Youtube linki -https://www.youtube.com/watch?v=u8m5CuEtYTUWetransfer linki -https://we.tl/t-vZ8GPS5VNF

Bakı şəhər sakininin mobil telefonunu soyğunçuluq yolu ilə talamaqda şübhəli bilinən Gəncə şəhər sakini saxlanılıb

26.07.2023

Nizami RPİ 25-ci Polis Şöbəsi əməkdaşlarının keçirdikləri əməliyyat tədbiri nəticəsində iyulun 22-də Bakı şəhər sakini B.Elyasovun mobil telefonunu soyğunçuluq yolu ilə talamaqda şübhəli bilinən Gəncə şəhər sakini, əvvəllər məhkum olunmuş A.Hüseynov müəyyən olunaraq saxlanılıb. Şəxsi axtarış zamanı ondan heroin aşkar olunaraq götürülüb. Araşdırma aparılır.

Şirvan Şəhər ərazisində bir qadının çantasından pul və bank kartını soyğunçuluq yolu ilə talamaqda şübhəli bilinən şəxs saxlanılıb

26.07.2023

Şirvan Şəhər Polis Şöbəsi əməkdaşlarının keçirdikləri əməliyyat tədbiri nəticəsində iyulun 26-da şəhər ərazisində bir qadının çantasından 327 manat pul və bank kartını soyğunçuluq yolu ilə talamaqda şübhəli bilinən əvvəllər məhkum olunmuş Ş.Əliyev saxlanılıb. Faktla bağlı cinayət işi başlanılıb.Araşdırma aparılır. 

Bakı şəhər sakini olan bir nəfərin bank kartından pul oğurlamaqda şübhəli bilinən paytaxt sakini saxlanılıb

26.07.2023

Nəqliyyatda Baş Polis İdarəsinin Hava Nəqliyyatında Polis İdarəsi əməkdaşlarının keçirdikləri əməliyyat tədbiri nəticəsində iyunun 17-də Bakı şəhər sakini olan bir nəfərin bank kartından hesabındakı 3220 manatını oğurlamaqda şübhəli bilinən paytaxt sakini N.Mahmudov müəyyən olunaraq saxlanılıb. Araşdırma aparılır.

Xəzər rayonu Buzovna qəsəbəsi ərazisində yerləşən istirahət mərkəzlərinin birindən oğurluq etməkdə şübhəli bilinən qəsəbə sakini saxlanılıb

26.07.2023

Xəzər RPİ 2-ci Polis Şöbəsi əməkdaşlarının keçirdikləri əməliyyat tədbiri nəticəsində Buzovna qəsəbəsi ərazisində yerləşən istirahət mərkəzlərinin birindən 500 manat dəyərində dondurma oğurlamaqda şübhəli bilinən  qəsəbə sakini F.Məlikov müəyyən olunaraq saxlanılıb. Araşdırma aparılır.

Binəqədi rayonu M.Ə.Rəsulzadə qəsəbəsi ərazisində bir avtomobildən pul oğurlamaqda şübhəli bilinən qəsəbə sakini olan bir yeniyetmə saxlanılıb

26.07.2023

Binəqədi RPİ 4-cü Polis Şöbəsi əməkdaşlarının keçirdikləri əməliyyat tədbiri nəticəsində M.Ə.Rəsulzadə qəsəbəsi ərazisində “BMW “markalı bir avtomobildən 3500 manat pul oğurlamaqda şübhəıli bilinən qəsəbə sakini olan bir yeniyetmə saxlanılıb. Araşdırma aparılır.

Binəqədi rayonu İ.P.Dadaşov küçəsində yerləşən mağazaların birindən oğurluq etməkdə şübhəli bilinən Abşeron rayon sakini saxlanılıb

26.07.2023

Binəqədi RPİ 5-ci Polis Bölməsi əməkdaşlarının keçirdikləri əməliyyat tədbiri nəticəsində İ.P.Dadaşov küçəsində yerləşən mağazaların birindən noutbuk və 2 ədəd qol saatı oğurlamaqda şübhəli bilinən Abşeron rayon sakini C.Qafarov müəyyən olunaraq saxlanılıb. Araşdırma aparılır.

Şıx çimərliyində bir nəfərin çantasını oğurlamaqda şübhəli bilinən Bakı şəhər sakini müəyyən olunaraq saxlanılıb

26.07.2023

Sumqayıt şəhəri 3-cü mikrorayon ərazisində yerləşən lombarda saxta qızıl üzük verərək pul götürən Quba rayon sakini saxlanılıb

26.07.2023

İyulun 20-də bir nəfərin Sumqayıt şəhəri 3-cü mikrorayon ərazisində yerləşən lombarda qızıl üzük verərək 350 manat pul alması, sonradan həmin üzüyün saxta olmasının müəyyən edilməsi barədə polisə məlumat daxil olub.Sumqayıt ŞPİ 3-cü Polis Bölməsi əməkdaşlarının keçirdikləri əməliyyat tədbiri nəticəsində bu əməli törətməkdə şübhəli bilinən Quba rayon sakini, əvvəllər oğurluq və narkotiklərlə əlaqəli cinayətə görə məhkum olunmuş B.Qasımov müəyyən olunaraq saxlanılıb. Araşdırma aparılır.

Naxçıvan Şəhər ərazisindəki bir evin həyətindən paltaryuyan maşın oğurlamaqda şübhəli bilinən Babək rayon sakini saxlanılıb

26.07.2023

Naxçıvan Şəhər Polis İdarəsi əməkdaşlarının keçirdikləri əməliyyat tədbiri nəticəsində iyunun 29-da şəhər ərazisindəki bir evin həyətindən 2 ədəd paltaryuyan maşın oğurlamaqda şübhəli bilinən Babək rayon sakini İ.Əliyev saxlanılıb. Araşdırmalarla onun iyulun 24-də şəhər ərazisində daha bir mağazadan 1150 manat dəyərində mobil telefon oğurlaması da müəyyən olunub.