Dövlət qurumları .gov.az domeni (məsələn, mia.gov.az) vasitəsilə əlaqə qurur.
Əlavə təhlükəsizlik tədbiri kimi, URL çubuğunda kilid işarəsinin və ya https:// prefiksinin mövcudluğunu yoxlayın. Həssas məlumatlarınızı yalnız rəsmi və təhlükəsiz saytlarda paylaşın.
Bakı şəhər Baş Polis İdarəsi
Baş Dövlət Yol Polisi İdarəsi
"Xəzri" istirahət və sağlamlıq mərkəzi
Daxili Qoşunların Baş İdarəsi
Baş Pasport, Qeydiyyat və Miqrasiya idarəsi
Polis Akademiyası
A.N.Heydərov adına Respublika Hospitalı
Şəxsi Heyətlə İş İdarəsi
İnsan Alverinə Qarşı Mübarizə Baş İdarəsi
Polis Qəzeti
Azərbaycan Respublikası Nazirlər Kabineti
Quldurluq əməlini törətməkdə şübhəli bilinən Qusar şəhər sakinləri E.Əliyarov, H.Həbibov, E.Əliyarov və Köhnə Xudat kənd sakini A.Xanbulatov müəyyən olunaraq saxlanılıblar
27.06.2023
İyunun 26-da gecə saatlarında bir nəfərin döyülməsi, mobil telefonunu, tütün məmulatını və alışqanının quldurluq yolu ilə talanması barədə polisə məlumat daxil olub. Qusar Rayon Polis Şöbəsi əməkdaşlarının keçirdikləri əməliyyat tədbirləri nəticəsində quldurluq əməlini törətməkdə şübhəli bilinən Qusar şəhər sakinləri E.Əliyarov, H.Həbibov, E.Əliyarov və Köhnə Xudat kənd sakini əvvəllər məhkum olunmuş A.Xanbulatov müəyyən olunaraq saxlanılıblar. Araşdırma aparılır.
Xəzər rayonunun Qala qəsəbəsi ərazisində yol-nəqliyyat hadisəsi
İyunun 27-də saat 21 radələrində Xəzər rayonunun Qala qəsəbəsi ərazisində Bakı şəhər sakini Əhməd Axundov idarə etdiyi “Kia” markalı avtomobili yol ayırıcısına vurub.Nəticədə Ə.Axundov və sərnişinləri H.Əliyeva, S.Qəmbərova, M.Qasımov və İ.Əliyev xəstəxanaya yerləşdirilib. Sürücü orada ölüb, sərnişinlər isə xəstəxanada ilkin tibbi yardım göstərildikdən sonra buraxılıblar. Araşdırma aparılır.
Şabran rayonunun Zağlı kəndi ərazisində yol-nəqliyyat hadisəsi
İyunun 27-də saat 12 radələrində Şabran rayonunun Zağlı kəndi ərazisində Bakı şəhər sakini Bəhruz Mustafayev idarə etdiyi “KamAZ” markalı avtomobili aşırıb. Nəticədə sürücü hadisə yerində, sərnişini olan Abşeron rayon sakini Nazim İbrahimov xəstəxanaya yerləşdiriləndən sonra orada ölüb.Araşdırma aparılır.
Naxçıvan şəhər ərazisində Qaraçuq kənd sakini S.Sultanovun yarımtıkilidə gizlətdiyi qanunsuz saxladığı “TOZ” markalı ov tüfəngi aşkarlanaraq götürülüb
Naxçıvan Şəhər Polis İdarəsi əməkdaşlarının keçirdikləri əməliyyat tədbirləri nəticəsində şəhər ərazisində Qaraçuq kənd sakini S.Sultanovun yarımtıkilidə gizlətdiyi qanunsuz saxladığı “TOZ” markalı ov tüfəngi aşkarlanaraq götürülüb.
Oğurluq əməlini törətməkdə şübhəli bilinən Masallı rayonunun Köhnə Alvadı kənd sakinləri R.Musazadə, O.Abıyev və S.Əliyev müəyyən olunaraq saxlanılıblar
İyunun 27-də gecə saatlarında R.Qasımovanın yaşadığı Köhnə Alvadı kəndindəki evdən 4000 manat pul və 5000 manat dəyərində qızıl əşyaların oğurlanması barədə polisə məlumat daxil olub. Masallı Rayon Polis Şöbəsi əməkdaşlarının keçirdikləri əməliyyat tədbirləri nəticəsində oğurluq əməlini törətməkdə şübhəli bilinən Köhnə Alvadı kənd sakinləri əvvəllər məhkum olunmuş R.Musazadə, O.Abıyev və S.Əliyev müəyyən olunaraq saxlanılıblar. Araşdırma aparılır.
Gün ərzində ölkə ərazisində qeydə alınan 45 cinayətin açılması təmin olunub
26.06.2023
İyunun 26-da ölkə ərazisində qeydə alınan 45, əvvəlki dövrlərdən bağlı qalan 3 cinayətin açılması daxili işlər orqanlarının əməkdaşları tərəfindən təmin olunub.
Bərdə rayonunun Mehdili kəndi ərazisində “Mercedes” markalı avtomobil aşıb
İyunun 26-da saat 20 radələrində Bərdə rayonunun Mehdili kəndi ərazisində Bəcirəvan kənd sakini Q.Səfərov idarə etdiyi “Mercedes” markalı avtomobili yolun kənarına aşırıb. Nəticədə sərnişinlərdən G.Qarayeva hadisə yerində ölüb, sürücü və digər iki sərnişini xəstəxanaya yerləşdiriliblər. Baş İstintaq və Təhqiqat İdarəsi tərəfindən araşdırma aparılır.
Nərimanov rayonu ərazisindəki gözəllik salonlarının birində bir qadının çantasını oğurlamaqda şübhəli bilinən Lənkəran şəhər sakini olan bir yeniyetmə saxlanılıb
DİN-in Baş Mühafizə və Nəqliyyatda Baş Polis İdarələri əməkdaşlarının birgə keçirdikləri əməliyyat-axtarış tədbirləri nəticəsində Nərimanov rayonu ərazisindəki gözəllik salonlarının birində bir qadının içərisində pul, sənəd və mobil telefon olan çantasını oğurlamaqda şübhəli bilinən Lənkəran şəhər sakini olan bir yeniyetmə müəyyən edilərək saxlanılıb.Davam etdirilən tədbirlərlə onun müxtəlif vaxtlarda daha iki qadının içərisində pul, bank kartları və sənədlər olan cüzdanlarını, digər qadının isə 2400 manat dəyərində mobil telefonunu oğurlaması da müəyyən olunub.
Binəqədi rayonunun Biləcəri qəsəbəsi ərazisindəki mağazaların birində bir qadının çantasını oğurlamaqda şübhəli bilinən Şərur rayon sakini N.Hüseynli saxlanılıb
Binəqədi RPİ 6-cı Polis Bölməsi əməkdaşlarının daxil olan məlumat əsasında keçirdikləri əməliyyat tədbiri nəticəsində iyunun 24-də Biləcəri qəsəbəsi ərazisindəki mağazaların birində Abşeron rayon sakini olan bir qadının içərisində 590 manat pul, mobil telefon və bank kartları olan çantasını oğurlamaqda şübhəli bilinən Şərur rayon sakini N.Hüseynli müəyyən olunaraq saxlanılıb. Şəxsi axtarış zamanı ondan metamfetamin aşkar edilərək götürülüb.
