Gün ərzində ölkə ərazisində qeydə alınan 73 cinayətin açılması təmin olunub

21.10.2022

Oktyabrın  21-də ölkə ərazisində qeydə alınan 73 cinayətin açılması daxili işlər orqanlarının əməkdaşları tərəfindən təmin olunub.

Quldurluğu etməkdə şübhəli bilinən Bakı şəhər sakini A.Qafarov və Lənkəran rayon sakini R.Əhədzadə müəyyən olunaraq saxlanılıblar

21.10.2022

Nəsimi RPİ-nin 22-ci Polis Şöbəsinə oktyabrın 19-da saat 22 radələrində rayon ərazisində kirayədə yaşayan Bakı şəhər sakininin evinə gələn 2 nəfərin bıçaqla ona xəsarət yetirərək evdən 4500 manat pulunu talayıb aparmaları barədə müraciət daxil olub. Polis əməkdaşlarının keçirdikləri əməliyyat-axtarış tədbirləri nəticəsində quldurluğu törətməkdə şübhəli bilinən Bakı şəhər sakini, əvvəllər dəfələrlə məhkum olunmuş A.Qafarov və Lənkəran rayon sakini R.Əhədzadə müəyyən olunaraq saxlanılıblar. Araşdırma aparılır. 

Quldurluq yolu ilə talamağa cəhd göstərən Neftçala rayon sakini R.Məlikov saxlanılıb

21.10.2022

Nəsimi RPİ-nin 21-ci Polis Bölməsi əməkdaşlarının çevikliyi və operativliyi sayəsində oktyabrın 21-də saat 7 radələrində İ.Həmidov küçəsində Bakı şəhər sakini olan bir qadının çantasını quldurluq yolu ilə talamağa cəhd göstərən Neftçala rayon sakini R.Məlikov saxlanılıb.Nəsimi Rayon Polis İdarəsində araşdırma aparılır.

Bank hesabından 836 manatını oğurlamaqda şübhəli bilinən İmişli rayon sakini A.Qurbanov müəyyən olunaraq saxlanılıb

21.10.2022

Bakı Şəhər Baş Polis İdarəsinin Cinayət Axtarışı İdarəsi və Binəqədi RPİ 6-cı Polis Bölməsi əməkdaşlarının keçirdikləri əməliyyat tədbirləri nəticəsində oktyabrın 11-də Bakı şəhər sakini N.Yolçuyevin bank hesabından 836 manatını oğurlamaqda şübhəli bilinən İmişli rayon sakini A.Qurbanov müəyyən olunaraq saxlanılıb. Araşdırma aparılır.  

Mağazaların birindən 1518 manat dəyərində 2 ədəd qol saatı oğurlamaqda şübhəli bilinən T.Hüseynov saxlanılıb

21.10.2022

Binəqədi RPİ 5-ci Polis Bölməsi əməkdaşlarının keçirdikləri əməliyyat tədbiri nəticəsində S.S.Axundov küçəsində yerləşən mağazaların birindən 1518 manat dəyərində 2 ədəd qol saatı oğurlamaqda şübhəli bilinən T.Hüseynov saxlanılıb. Araşdırma aparılır. 

Oğurluqda şübhəli bilinən Gəncə şəhər sakini A.Məmmədov saxlanılıb

21.10.2022

Gəncə ŞBPİ 1-ci Polis Şöbəsi əməkdaşlarının keçirdikləri əməliyyat tədbiri nəticəsində şəhər ərazisində 3 həyətyanı sahədən su sayğacı, su mühərriki və inşaat materialları oğurlamaqda şübhəli bilinən Gəncə şəhər sakini, əvvəllər məhkum olunmuş A.Məmmədov saxlanılıb. Araşdırma aparılır. 

Yevlax şəhər sakini C.Əmirovdan 1 kiloqram 975 qram marixuana aşkar olunaraq götürülüb

21.10.2022

Yevlax RPŞ əməkdaşlarının keçirdikləri əməliyyat tədbiri nəticəsində saxlanılan şəhər sakini, əvvəllər məhkum olunmuş C.Əmirovdan 1 kiloqram 975 qram marixuana aşkar olunaraq götürülüb. 

Bərdə rayonunun Alpoud kəndi ərazisində yol-nəqliyyat hadisəsi

21.10.2022

Oktyabrın 21-də saat 12 radələrində Bərdə rayonunun Alpoud kəndi ərazisində rayon sakini L.Hüseynli idarə etdiyi “QAZel” markalı avtomobillə yolu keçən rayon sakini Nicat Tağıyevi vurub. Nəticədə xəstəxanaya yerləşdirilən piyada orada ölüb.Bərdə Rayon Polis Şöbəsində araşdırma aparılır. 

Quba rayonunun Püstəqasım kəndi ərazisində yol-nəqliyyat hadisəsi

21.10.2022

Oktyabrın 21-də saat 21 radələrində Quba rayonunun Püstəqasım kəndi ərazisində rayon sakini C.Həmzəyev idarə etdiyi “Opel” markalı avtomobillə yolu keçən rayon sakini Tahir Nurullayevi vurub və nəticədə piyada hadisə yerində ölüb.Quba Rayon Polis Şöbəsində araşdırma aparılır.

Goranboy rayonunun Yuxarı Ağcakənd kəndi ərazisində yol-nəqliyyat hadisəsi

21.10.2022

Oktyabrın 21-də saat 18 radələrində Goranboy rayonunun Yuxarı Ağcakənd kəndi ərazisində rayon sakini Ə.Qurbanov idarə etdiyi “Niva” markalı  avtomobili dərəyə aşırıb və nəticədə sərnişini, Goranboy sakini Habil Şəmilov hadisə yerində ölüb. Xocalı Rayon Polis Şöbəsində araşdırma aparılır.