Yardımlı rayon sakini R.Rəhmanovun qanunsuz saxladığı ov tüfəngi aşkar edilərək götürülüb

16.11.2022

Salyan Rayon Polis Şöbəsi əməkdaşlarının keçirdikləri əməliyyat-axtarış tədbiri nəticəsində Qırxçıraq kəndi ərazisindəki fermaya baxış zamanı orada işləyən Yardımlı rayon sakini R.Rəhmanovun qanunsuz saxladığı “İJ-16” markalı ov tüfəngi aşkar edilərək götürülüb. 

Gün ərzində ölkə ərazisində qeydə alınan 43 cinayətin açılması təmin olunub

15.11.2022

Noyabrın  15-də ölkə ərazisində qeydə alınan 43, əvvəlki dövrlərdən bağlı qalan 6 cinayətin açılması daxili işlər orqanlarının əməkdaşları tərəfindən təmin olunub.

Tovuz rayonunun Aşağı Öysüzlü kəndi ərazisində R.Rüstəmovanı öldürməkdə şübhəli bilinən keçmiş əri X.Rüstəmov tutularaq istintaqa təhvil verilib

15.11.2022

Tovuz Rayon Polis Şöbəsinə noyabrın 15-də saat 22 radələrində Aşağı Öysüzlü kəndi ərazisində Ramilə Rüstəmovanın öldürülməsi barədə məlumat daxil olub. Rayonun polis və prokurorluq orqanlarının əməkdaşları tərəfindən müvafiq tədbirlər həyata keçirilib.Aparılmış araşdırmalarla keçmiş əri X.Rüstəmovun münaqişə zəminində R.Rüstəmovaya bıçaqla çoxsaylı xəsarətlər yetirərək qəsdən öldürməsinə əsaslı şübhələr müəyyən edilib.Faktla bağlı Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb.Polis əməkdaşlarının keçirdikləri əməliyyat-axtarış tədbirləri nəticəsində X.Rüstəmov şübhəli şəxs qismində tutularaq istintaqa təhvil verilib.

Oğuz rayonunun Xaçmaz kəndi ərazisində “VAZ-2107” markalı avtomobillə “MTZ” markalı traktor toqquşub

15.11.2022

Noyabrın 15-də saat 11 radələrində Oğuz rayonunun Xaçmaz kəndi ərazisində kənd sakinləri Səxavət Atakişiyevin idarə etdiyi “VAZ-2107” markalı avtomobillə E.Usubovun idarə etdiyi “MTZ” markalı traktor toqquşub. Nəticədə S.Atakişiyev hadisə yerində ölüb.Oğuz Rayon Polis Şöbəsində araşdırma aparılır.

Baki İstintaq Təcridxanasında cəza çəkən Salyan rayon sakini Ş.Abbasovun mənzilindən narkotik vasitələr aşkar edilərək götürülüb

15.11.2022

DİN-in Baş Cinayət Axtarışı İdarəsi, Ədliyyə Nazirliyinin Penitensiar Xidməti və Binəqədi RPİ 7-ci Polis Bölməsi əməkdaşlarının birgə keçirdikləri əməliyyat tədbiri nəticəsində Baki İstintaq Təcridxanasında cəza çəkən Salyan rayon sakini Ş.Abbasovun mənzilinə baxış zamanı oradan 16 qrama yaxın metamfetamin və 143 qrama yaxın marixuana aşkar edilərək götürülüb.

Baki İstintaq Təcridxanasında cəza çəkən V.Quliyevin Mağtağa qəsəbəsi ərazisində torpağa basdırdığı tüfəng və patronlar aşkar edilərək götürülüb

15.11.2022

DİN-in Baş Cinayət Axtarışı İdarəsi, Ədliyyə Nazirliyinin Penitensiar Xidməti və Sabunçu RPİ 14-cü Polis Bölməsi əməkdaşlarının birgə keçirdikləri əməliyyat tədbiri nəticəsində Baki İstintaq Təcridxanasında cəza çəkən Mağtağa qəsəbə sakini V.Quliyevin qəsəbə ərazisində torpağa basdırdığı nömrəsi silinmiş “TOZ-8” markalı tüfəng və 6 ədəd patron aşkar edilərək götürülüb.

Xuliqanlığa görə axtarışda olan S.Cahangirov saxlanılıb

15.11.2022

Xəzər Rayon Polis İdarəsi əməkdaşlarının keçirdikləri əməliyyat-axtarış tədbirləri nəticəsində Cinayət Məcəlləsinin 221-ci (Xuliqanlıq) maddəsi ilə axtarışda olan S.Cahangirov saxlanılıb. Ondan qanunsuz saxladığı lüləsi və qundağı kəsilmiş “Magnum” markalı ov tüfəngi və 1 ədəd patron götürülüb.

Salyan rayonu ərazisindəki evlərin birindən qızıl-zinət əşyaları oğurlamaqda şübhəli bilinən R.Əkbərov saxlanılıb

15.11.2022

Salyan Rayon Polis Şöbəsi əməkdaşlarının keçirdikləri əməliyyat tədbiri nəticəsində noyabrın 14-də rayon ərazisindəki evlərin birindən 3500 manat dəyərində qızıl-zinət əşyaları oğurlamaqda şübhəli bilinən Qızılağac kənd sakini R.Əkbərov saxlanılıb.Araşdırma aparılır.

Beyləqan rayonunun 1-ci Şahsevən kəndi ərazisində “Mercedes” markalı avtomobildən narkotik vasitələr aşkar edilərək götürülüb

15.11.2022

Beyləqan Rayon Polis Şöbəsi əməkdaşlarının keçirdikləri əməliyyat-axtarış tədbirləri nəticəsində 1-ci Şahsevən kəndi ərazisində şəhər sakini T.Əlizadənin idarə etdiyi “Mercedes” markalı avtomobilə baxış zamanı ona və sərnişini olan həmyerlisi E.Quliyevə məxsus 3 kiloqram 330 qramdan artıq heroin, 1 kiloqram 10 qram tiryək, 20 ədəd metadon və 150 ədəd preqabalin həbləri aşkar edilərək götürülüb. T.Əlizadə və E.Quliyev saxlanılıblar.

Ağcabədi rayonunun Hindarx qəsəbə sakini A.Məmmədovdan 415 qram heroin götürülüb

15.11.2022

Ağcabədi Rayon Polis Şöbəsi əməkdaşlarının keçirdikləri əməliyyat tədbiri nəticəsində Hindarx qəsəbə sakini A.Məmmədov saxlanılıb. Şəxsi axtarış zamanı ondan 415 qram heroin aşkar edilərək götürülüb.