Oğurluq etməkdə şübhəli bilinən Qobustan rayon sakini Ə.İmaməliyev və İsmayıllı rayon sakini N.Səmədov müəyyən olunaraq saxlanılıblar

17.11.2022

Abşeron Rayon Polis İdarəsinə Xırdalan şəhəri ərazisindəki ticarət mərkəzlərindən birindəki mağazanın qarşısından 23.000 manat dəyərində avtomobil ehtiyat hissələrinin oğurlanması barədə müraciət daxil olub.Polis əməkdaşlarının keçirdikləri əməliyyat-axtarış tədbirləri nəticəsində oğurluğu törətməkdə şübhəli bilinən Qobustan rayon sakini Ə.İmaməliyev və İsmayıllı rayon sakini, əvvəllər məhkum olunmuş N.Səmədov müəyyən olunaraq saxlanılıblar. Araşdırma aparılır.

Sabirabad rayonunun Çöldəllək kənd sakini S.Əmənovdan qanunsuz saxladığı ov tüfəngi götürülüb

17.11.2022

Sabirabad Rayon Polis Şöbəsi əməkdaşlarının keçirdikləri əməliyyat tədbiri nəticəsində Çöldəllək kənd sakini S.Əmənovdan qanunsuz saxladığı “İJ” markalı ov tüfəngi götürülüb.

Qax rayon sakini İ.Həmidovdan 2 kiloqram 235 qram heroin və 540 qram marixuana aşkar edilərək götürülüb

17.11.2022

Bərdə Rayon Polis Şöbəsi əməkdaşlarının keçirdikləri əməliyyat tədbiri nəticəsində saxlanılan Qax rayon sakini, əvvəllər məhkum olunmuş İ.Həmidovdan 2 kiloqram 235 qram heroin və 540 qram marixuana aşkar edilərək götürülüb.

Oğurluqda şübhəli bilinən Abşeron rayon sakini H.Quliyev saxlanılıb

17.11.2022

Səbail RPİ 9-cu Polis Bölməsi əməkdaşlarının keçirdikləri əməliyyat tədbiri nəticəsində bir əcnəbi vətəndaşın mobil telefonunu oğurlamaqda şübhəli bilinən Abşeron rayon sakini H.Quliyev saxlanılıb.Araşdırmalarla onun Bakı şəhər sakini L.Əliyevanın içərisində bank kartları olan cüzdanını oğurlaması və hesabından 242 manatını çıxarması da müəyyən olunub.

Gün ərzində ölkə ərazisində qeydə alınan 57 cinayətin açılması təmin olunub

16.11.2022

Noyabrın  16-da ölkə ərazisində qeydə alınan 57, əvvəlki dövrlərdən bağlı qalan 3 cinayətin açılması daxili işlər orqanlarının əməkdaşları tərəfindən təmin olunub.   

Sabunçu rayonunun Maştağa qəsəbəsi ərazisində yol-nəqliyyat hadisəsi

16.11.2022

Noyabrın 16-da saat 13 radələrində Sabunçu rayonunun Maştağa qəsəbəsi ərazisində Bakı şəhər sakini V.Əliyev idarə etdiyi “Mercedes” markalı avtomobillə yolu keçən paytaxt sakini Ağaməli Nağıyevi vurub. Nəticədə xəstəxanaya yerləşdirilən piyada orada ölüb.Sabunçu Rayon Polis İdarəsində araşdırma aparılır.

Xırdalan şəhəri ərazisində Əfsanə Nuruyevanı qətlə yetirməkdə şübhəli bilinən həyat yoldaşı Şamaxı rayon sakini S.Nuriyev tutularaq istintaqa təhvil verilib

16.11.2022

Abşeron Rayon Polis İdarəsinə noyabrın 16-da saat 16 radələrində Xırdalan şəhəri ərazisində Əfsanə Nuruyevanın öldürülməsi barədə məlumat daxil olub.Rayonun polis və prokurorluq orqanlarının əməkdaşları tərəfindən müvafiq tədbirlər həyata keçirilib.Aparılmış araşdırmalarla Şamaxı rayon sakini S.Nuriyevin münaqişə zəminində həyat yoldaşı Əfsanəyə bıçaqla xəsarət yetirərək hadisə yerindən qaçmasına əsaslı şübhələr müəyyən edilib. Qadın xəstəxanaya aparılarkən yolda ölüb.Polis əməkdaşlarının keçirdikləri əməliyyat-axtarış tədbirləri nəticəsində S.Nuriyevin olduğu yer müəyyən edilməklə  şübhəli şəxs qismində tutularaq istintaqa təhvil verilib.Faktla bağlı Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb.

Soyğunçuluq etməkdə şübhəli bilinən 66 yaşlı T.İbrahimov müəyyən olunaraq saxlanılıb

16.11.2022

Sabunçu RPİ-nin 12-ci Polis Şöbəsinə  noyabrın 15-də saat 20 radələrində Balaxanı qəsəbəsi ərazisində bir nəfərin qəsəbə sakini N.Məmmədovaya zor tətbiq edib soyğunçuluq yolu ilə çantasını almağa cəhd göstərməsi barədə müraciət daxil olub.Polis əməkdaşlarının keçirdikləri əməliyyat-axtarış tədbirləri nəticəsində bu əməli törətməkdə şübhəli bilinən 66 yaşlı T.İbrahimov müəyyən olunaraq saxlanılıb. Onun orta dərəcədə sərxoş olması məlum olub. Sabunçu Rayon Polis İdarəsində araşdırma aparılır.

Oğurluqda şübhəli bilinən Bakı şəhər sakini N.Hüseynzadə saxlanılıb

16.11.2022

Nəsimi RPİ 22-ci Polis Şöbəsi əməkdaşlarının keçirdikləri əməliyyat-axtarış tədbirləri nəticəsində müxtəlif vaxtlarda rayon ərazisində “Land Rover” markalı bir avtomobildən 2 ədəd mobil telefon, içərisində 400 manat pul və sənəd olan 3000 manat dəyərində çanta, “Hyundai” markalı digər avtomobildən isə çanta oğurlamaqda şübhəli bilinən Bakı şəhər sakini N.Hüseynzadə saxlanılıb.Araşdırma aparılır.

Avtomobildən 4300 manat oğurlamaqda şübhəli bilinən Hacıqabul rayonunun Nəvahi kənd sakini R.Əliyev saxlanılıb

16.11.2022

Hacıqabul Rayon Polis Şöbəsi əməkdaşlarının keçirdikləri əməliyyat tədbiri nəticəsində noyabrın 16-na keçən gecə Nəvahi kəndi ərazisində “DAF” markalı bir avtomobildən 4300 manat oğurlamaqda şübhəli bilinən kənd sakini R.Əliyev saxlanılıb.Araşdırma aparılır.