Şamaxı şəhəri ərazisində şəhər sakini E.Sadayevə məxsus “VAZ-2106” markalı avtomobili qaçırmaqda şübhəli bilinən şəhər sakinləri Ü.Vahidov və N.Abdullayev saxlanılıblar

20.12.2022

Dekabrın 20-də saat 3 radələrində Şamaxı şəhəri ərazisində şəhər sakini E.Sadayevə məxsus “VAZ-2106” markalı avtomobilin qaçırılması barədə polisə məlumat daxil olub.Şamaxı Rayon Polis Şöbəsi əməkdaşlarının keçirdikləri əməliyyat-axtarış tədbirləri nəticəsində avtomobil Əngəxaran kəndi ərazisində ağaca vurulmuş vəziyyətdə tapılıb. Nəqliyyat vasitəsini qaçırmaqda şübhəli bilinən şəhər sakinləri Ü.Vahidov və N.Abdullayev saxlanılıblar. Şamaxı Rayon Polis Şöbəsində araşdırma aparılır. 

Quba rayonu ərazisində rayon sakini olan bir nəfəri odlu silahla vurulacağı ilə hədələməkdə şübhəli bilinən rayon sakini E.Mustafayevdən 2 ədəd tüfəng və onlara aid 200 ədəd patron götürülüb

20.12.2022

Quba rayonu ərazisində rayon sakini olan bir nəfərin odlu silahla vurulacağı ilə hədələnməsi barədə polisə məlumat daxil olub. Quba Rayon Polis Şöbəsi əməkdaşlarının keçirdikləri əməliyyat tədbiri nəticəsində bu əməli törətməkdə şübhəli bilinən rayon sakini E.Mustafayevin yaşadığı evə baxış zamanı oradan müvafiq sənədləri olan “Forovel”  və “MR-27” markalı 2 ədəd tüfəng və onlara aid 200 ədəd patron götürülüb.Araşdırma aparılır.

Ağdam rayonunun Ergi düzü ərazisində qanunsuz ov edən 3 nəfər saxlanılıb

20.12.2022

Ağdam Rayon Polis Şöbəsinin əməkdaşları tərəfindən dekabrın 20-də saat 4 radələrində Ergi düzü ərazisində qanunsuz ov edən 3 nəfər saxlanılıb. Onların Ağcabədi rayon sakinləri E.Əliyev, Ə.Qasımov və Ş.Həsənov olmaları müəyyən olunub.Ə.Qasımovdan qanunsuz saxladığı “UK” markalı ov tüfəngi götürülüb.

Xəzər rayonunun Türkan qəsəbəsi ərazisində “Hyundai” və “VAZ-2107”markalı avtomobillər toqquşub

20.12.2022

Dekabrın 20-də saat 17 radələrində Xəzər rayonunun Türkan qəsəbəsi ərazisində Bakı şəhər sakinləri A.Həsənovun idarə etdiyi “Hyundai” və Q.Əliyevin idarə etdiyi “VAZ-2107” markalı avtomobillər toqquşub. Nəticədə “VAZ-2107” markalı avtomobilin sürücüsü və sərnişinləri A.Lütfəlizadə və onun bacısı Z.Lütfəlizadə hadisə yerində ölüb, avtomobillərdə olan 7 nəfər isə xəstəxanaya yerləşdirilib. Xəzər Rayon Polis İdarəsində araşdırma aparılır.

Suraxanı rayonunda narkotik vasitə qəbul edib sükan arxasında əyləşən və qəza törədən sürücü müəyyən edilib

20.12.2022

Suraxanı Rayon Polis İdarəsinin Dövlət Yol Polisi Şöbəsinin əməkdaşları tərəfindən narkotik vasitələrin təsiri altında avtomobil idarə edən daha bir sürücü müəyyən edilib.Belə ki, Bülbülə qəsəbəsində yaşayan Fuad Əsgərliyə idarə etdiyi “VAZ 2106” markalı avtomobilin sükanı arxasında olan zaman “saxla” işarəsi verilib. Sürücü yol polislərinə tabe olmayıb və avtoxuliqanlıq edərək hərəkətini davam etdirib. Ramana qəsəbəsində Fuad Əsgərli idarəetməni itirib və avtomobili “Mersedes” markalı başqa avtomobilə vuraraq qəza törədib. İlkin sorğu zamanı sürücü nəqliyyat vasitəsini narkotik vasitə qəbul edərək idarə etdiyini bildirib. Təyin olunan ekspertizanın nəticəsində Fuad Əsgərlinin sükan arxasında narkotik vasitənin təsiri altında olduğu bir daha sübuta yetirilib. Həmçinin aparılan araşdırmalar zamanı sürücünün idarəetdiyi avtomobilin dövlət nömrə nişanını da dəyişdiyi və Suraxanı rayonunda dəfələrlə avtoxuiliqanlıq hərəktləri edərək yol hərəkəti qaydalarını kobud şəkildə pozduğu müəyyən edilib. Sürücü barəsində protokol tərtib olunub. Fuad Əsgərlinin törətdiyi qanun pozuntusuna hüquqi qiymət verilməsi üçün toplanmış material məhkəməyə göndərilib. 

Gün ərzində ölkə ərazisində qeydə alınan 39 cinayətin açılması təmin olunub

19.12.2022

Dekabrın 19-da ölkə ərazisində qeydə alınan 39, əvvəlki dövrlərdən bağlı qalan 3 cinayətin açılması daxili işlər orqanlarının əməkdaşları tərəfindən təmin olunub.

Satıcıya 2 ədəd 200 manatlıq saxta əskinas verməkdə şübhəli bilinən Bakı şəhər sakini T.Becanov saxlanılıb

19.12.2022

Dekabrın 19-da saat 02.35-də Sabunçu rayonunun Savalan yaşayış sahəsində yerləşən marketlərin birində satıcıya 2 ədəd 200 manatlıq saxta əskinas verən şəxs Sabunçu Rayon Mühafizə İdarəsinin əməkdaşları tərəfindən saxlanılıb. Onun Bakı şəhər sakini T.Becanov olması müəyyən olunub və 14-cü Polis Bölməsinə təhvil verilib. Araşdırma aparılır. 

Quldurluq əməlini törətməkdə şübhəli bilinən Balakən rayon sakini A.Xəlilov müəyyən olunaraq saxlanılıb

19.12.2022

Dekabrın 16-da Nərimanov rayonunun Böyükşor qəsəbəsində bir nəfərin 2000 manat pulunun və mobil telefonunun quldurluq yolu ilə talanması barədə polisə məlumat daxil olub. Nərimanov RPİ 17-ci Polis Şöbəsi əməkdaşlarının keçirdikləri əməliyyat tədbiri nəticəsində quldurluq əməlini törətməkdə şübhəli bilinən Balakən rayon sakini, əvvəllər məhkum olunmuş A.Xəlilov müəyyən olunaraq saxlanılıb. Araşdırma aparılır. 

Oğurluq əməllərində şübhəli bilinən Sumqayıt şəhər sakini Ə.Hüseynov müəyyən olunaraq saxlanılıb

19.12.2022

Yasamal rayonu ərazisində bir köşkdən 2000 manat dəyərində tütün məmulatının, bir piştaxtadan isə 478 manat dəyərində quru meyvənin qeyri-aşkar şəraitdə oğurlanması barədə polisə məlumatlar daxil olub. Yasamal RPİ 28-ci Polis Bölməsi əməkdaşlarının keçirdikləri əməliyyat tədbirləri nəticəsində oğurluq əməllərində şübhəli bilinən Sumqayıt şəhər sakini, əvvəllər məhkum olunmuş Ə.Hüseynov müəyyən olunaraq saxlanılıb. Araşdırma aparılır. 

Yol-nəqliyyat hadisəsi törətmiş Bakı şəhər sakini M.Mərdanlı saxlanılıb

19.12.2022

Dekabrın 14-də saat 5 radələrində Nəsimi rayonu ərazisində yolu keçən Qazax rayon sakini R.Osmanovun müəyyən edilməyən avtomobillə vurulması nəticəsində xəstəxanaya yerləşdirilməsi barədə polisə məlumat daxil olub. Nəsimi RPİ 22-ci Polis Şöbəsinin əməkdaşları tərəfindən müvafiq tədbirlər həyata keçirilib. Araşdırmalarla yol-nəqliyyat hadisəsinin taksi fəaliyyəti göstərən “Toyota Prius” markalı avtomobillə törədilməsi müəyyən olunub. Görülmüş tədbirlərlə həmin avtomobilin sürücüsü, Bakı şəhər sakini M.Mərdanlı saxlanılıb. Araşdırma aparılır.