Masallı rayonu, Qızılağac kənd sakini Etibar Məmmədovu qətlə yetirməkdə şübhəli biilnən M.İskəndərov tutularaq istintaqa təhvil verilib
22.11.2022
Polis və prokurorluq orqanları əməkdaşları tərəfindən peşəkarlıqla həyata keçirilən istintaq-əməliyyat tədbirləri nəticəsində Salyan rayonunun Xocalı kəndi ərazisində qeyri-aşkar şəraitdə törədilmiş ağır cinayətin “isti izlərlə” açılması təmin edilib.Belə ki, noyabrın 18-də Masallı rayonu, Qızılağac kənd sakini Etibar Məmmədovun üzərində xəsarət izləri olan meyitinin Salyan rayonunun Xocalı kəndi ərazisində aşkar edilməsi faktı ilə bağlı Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanılıb.Həyata keçirilən intensiv istintaq və əməliyyat-axtarış tədbirləri ilə E.Məmmədovun sərnişin kimi avtomobilinə götürdüyü Neftçala rayon sakini, əvvəllər məhkum olunmuş M.İskəndərovun aralarında yaranmış mübahisə zamanı onu kəsici-deşici alətlə çoxsaylı xəsarətlər yetirərək qəsdən öldürməsinə əsaslı şübhələr müəyyən edilib.Polis əməkdaşlarının keçirdikləri əməliyyat-axtarış tədbirləri nəticəsində M.İskəndərov şübhəli şəxs qismində tutularaq istintaqa təhvil verilib.
