Sumqayıt şəhəri ərazisində yerləşən mağazaların birindən oğurluq etməkdə şübhəli bilinən şəhər sakini A.Allahverdiyev saxlanılıb

22.10.2023

Sumqayıt ŞPİ 1-ci Polis Bölməsi əməkdaşlarının keçirdikləri əməliyyat tədbiri nəticəsində şəhər ərazisində yerləşən mağazaların birindən 1 ədəd velosiped, 5 ədəd oyuncaq dron və 5 ədəd skuter oğurlamaqda şübhəli bilinən şəhər sakini, əvvəllər  məhkum olunmuş A.Allahverdiyev müəyyən olunaraq saxlanılıb. Araşdırma aparılır. 

Abşeron rayonunun Ceyranbatan qəsəbəsi ərazisindən 2000 manat dəyərində iti oğurlamaqda şübhəli bilinən R.Şahbazov saxlanılıb

22.10.2023

Abşeron Rayon Polis İdarəsi əməkdaşlarının keçirdikləri əməliyyat tədbiri nəticəsində oktyabrın 20-də Ceyranbatan qəsəbəsi ərazisindən qəsəbə sakini C.Məmmədova məxsus 2000 manat dəyərində iti oğurlamaqda şübhəli bilinən Hökməli qəsəbə sakini R.Şahbazov saxlanılıb. Araşdırma aparılır. 

Qax rayonunun Fıstıqlı kəndi ərazisində iki mağazadan oğurluq etməkdə şübhəli bilinən Qum kənd sakini T.Mirzəyev saxlanılıb

22.10.2023

Qax Rayon Polis Şöbəsi əməkdaşlarının keçirdikləri əməliyyat tədbiri nəticəsində oktyabrın 20-nə keçən gecə Fıstıqlı kəndi ərazisində iki mağazadan ümumilikdə 1650 manat pul, 200 manat dəyərində danışıq kartları və 74 manat dəyərində tütün məmulatı oğurlamaqda şübhəli bilinən Qum kənd sakini, əvvəllər oğurluq və narkotiklərlə əlaqəli cinayətlərə görə  məhkum olunmuş T.Mirzəyev saxlanılıb.  Araşdırma aparılır. 

Sabirabad rayonunun Sərxanbəyli kənd sakini D.Bağırovdan qanunsuz saxladığı ov tüfəngi götürülüb

22.10.2023

Sabirabad Rayon Polis Şöbəsi əməkdaşlarının keçirdikləri əməliyyat tədbiri nəticəsində Sərxanbəyli kənd sakini D.Bağırovdan qanunsuz saxladığı “Tula” markalı ov tüfəngi götürülüb. Araşdırma aparılır. 

Goranboy şəhəri ərazisindəki mağazaların birindən 2000 manat pul oğurlamaqda şübhəli bilinən Z.Həsənov və K.İsayev saxlanılıblar

22.10.2023

Goranboy Rayon Polis Şöbəsi əməkdaşlarının keçirdikləri əməliyyat tədbiri nəticəsində oktyabrın 20-də şəhər ərazisindəki mağazaların birindən 2000 manat pul oğurlamaqda şübhəli bilinən  Mingəçevir şəhər sakinləri, əvvəllər məhkum olunmuşlar Z.Həsənov və K.İsayev saxlanılıblar. Şəxsi axtarış zamanı K.İsayevdən heroin aşkar olunaraq götürülüb. Araşdırma aparılır. 

Gəncə şəhərinin Yeni Gəncə qəsəbəsi ərazisində bir qadının çantasını quldurluq yolu ilə talamaqda şübhəli bilinən M.Mayılov saxlanılıb

21.10.2023

Gəncə Şəhər Baş Polis İdarəsi əməkdaşlarının keçirdikləri əməliyyat tədbiri nəticəsində oktyabrın 20-də Yeni Gəncə qəsəbəsi ərazisində şəhər sakini olan qadının içərisində pul, mobil telefon, sənəd və bank kartları olan çantasını quldurluq yolu ilə talamaqda şübhəli bilinən Göygöl rayon sakini M.Mayılov saxlanılıb. Araşdırma aparılır. 

Şəmkir rayonunun Ağlavaşlı kəndi ərazisində rayon Subartezian İdarəsinə məxsus transformatorun naqillərini oğurlamaqda şübhəli bilinən A.Abdullayev saxlanılıb

21.10.2023

Şəmkir Rayon Polis Şöbəsi əməkdaşlarının keçirdikləri əməliyyat tədbiri nəticəsində Ağlavaşlı kəndi ərazisində rayon Subartezian İdarəsinə məxsus transformatorun naqillərini oğurlamaqda şübhəli bilinən Gəncə şəhər sakini A.Abdullayev saxlanılıb. Araşdırma aparılır. 

Paytaxtda narkotiklərin qanunsuz dövriyyəsinə qarşı tədbirlər ötən gün də davam etdirilib

21.10.2023

Paytaxt ərazisində narkotik vasitələrin və psixotrop maddələrin qanunsuz dövriyyəsinə qarşı polis əməkdaşları tərəfindən profilaktik tədbirlər ötən gün də davam etdirilib. Oktyabrın 20-də keçirilən növbəti tədbirlərlə narkotiklərin qanunsuz dövriyyəsi ilə bağlı 54 fakt aşkar edilib. İctimai yerlərdə narkotik maddələrin təsiri altında olan daha 88 nəfər saxlanılıb.Qanunsuz dövriyyədən 3 kiloqram narkotik vasitə və psixotrop maddə çıxarılıb. Saxlanılan şəxslərin hər biri barəsində cinayət və inzibati xarakterli tədbirlər görülüb.Paytaxtda hüququpozmalara qarşı və aşkarlanan faktlarla bağlı polis əməkdaşları tərəfindən tədbirlər davam etdirilir.

Oğurluqda şübhəli bilinən Cəlilabad rayon sakini İ.Nuruyev müəyyən olunaraq saxlanılıb

20.10.2023

Yasamal RPİ 27-ci Polis Şöbəsi əməkdaşlarının keçirdikləri əməliyyat tədbiri nəticəsində rayon ərazisindəki evlərin birindən seyfdən 5000 manat pul, 5800 manat dəyərində qızıl-zinət əşyaları və mobil telefon oğurlamaqda şübhəli bilinən Cəlilabad rayon sakini, əvvəllər məhkum olunmuş İ.Nuruyev müəyyən olunaraq saxlanılıb. Araşdırma aparılır. 

Gəncə şəhər sakini Ş.Hüseynovun yaşadığı evdən qanunsuz saxladığı nömrəsi silinmiş ov tüfəngi aşkar olunaraq götürülüb

20.10.2023

Gəncə ŞBPİ 1-ci Polis Şöbəsi əməkdaşlarının keçirdikləri əməliyyat tədbiri nəticəsində şəhər sakini Ş.Hüseynovun yaşadığı evdən qanunsuz saxladığı nömrəsi silinmiş “İJ” markalı ov tüfəngi aşkar olunaraq götürülüb. Araşdırma aparılır.