İmişli şəhəri ərazisində yol-nəqliyyat hadisəsi

06.12.2022

Dekabrın 6-da saat 21 radələrində İmişli şəhəri ərazisində şəhər sakini N.Məhərrəmov sərxoş vəziyyətdə, sürücülük vəsiqəsi olmadan idarə etdiyi “VAZ-2107” markalı avtomobillə yolu keçən həmyerlisi S.Yaqubovu vurub. Nəticədə piyada aldığı xəsarətlərdən ölüb. İmişli Rayon Polis Şöbəsində araşdırma aparılır.Qeyd edək ki, N.Məhərrəmov müharibə iştirakçısıdır, qazidir, idarə etdiyi avtomobil qardaşına məxsus olub.

“İnstagram”da tanış olduğu şəxsi barəsində rüsvayedici məlumatlar yayacağı ilə hədələyən və soyğunçuluq edən şəxslər saxlanılıblar

06.12.2022

Paytaxtın Xətai və Yasamal rayonlarında ayrı-ayrı şəxslərə qarşı soyğunçuluq edən şəxs saxlanılıb. Xətai Rayon Polis İdarəsinin əməkdaşları tərəfindən həyata keçirilən əməliyyat-axtarış tədbiri nəticəsində qeyd edilən cinayətləri törətməkdə şübhəli bilinən Mehdi Abaszadə tutulub. Onun paytaxt ərazisində iki nəfərin 750 və 580 manat pulunu ələ keçirdiyi müəyyən edilib. Araşdırma zamanı Mehdi Abaszadənin paytaxtın digər ərazilərdə də analoji cinayətlər etdiyi məlum olub.

Gün ərzində ölkə ərazisində qeydə alınan 43 cinayətin açılması təmin olunub

05.12.2022

Dekabrın 5-də ölkə ərazisində qeydə alınan 43, əvvəlki dövrlərdən bağlı qalan 40 cinayətin açılması daxili işlər orqanlarının əməkdaşları tərəfindən təmin olunub.

Hədə-qorxu ilə tələb etmədə şübhəli bilinən Ağdaş rayon sakini A.Azizovs müəyyən olunaraq saxlanılıb

05.12.2022

Bir nəfərin barəsində sosial şəbəkədə rüsvayedici məlumatlar yayılacağı ilə hədələnərək 2000 manatının alınması barədə polisə məlumat daxil olub.Baş Mütəşəkkil Cinayətkarlıqla Mübarizə İdarəsi əməkdaşlarının keçirdikləri əməliyyat tədbiri nəticəsində hədə-qorxu ilə tələb etmədə şübhəli bilinən Ağdaş rayon sakini  A.Azizovs müəyyən olunaraq saxlanılıb.  Faktla bağlı Cinayət Məcəlləsinin 182-ci (Hədə-qorxu ilə tələb etmə) maddəsi ilə cinayət işi başlanılıb.

Paytaxt sakini S.Dadaşovun bank hesabından pul oğurlamaqda şübhəli bilinən paytaxt sakini T.Rəhimov saxlanılıb

05.12.2022

Paytaxt sakini S.Dadaşovun bank hesabından 560 manatının oğurlanması barədə polisə məlumat daxil olub. Bakı Şəhər Baş Polis İdarəsinin Cinayət Axtarışı İdarəsi əməkdaşlarının keçirdikləri əməliyyat tədbiri nəticəsində oğurluğu törətməkdə şübhəli bilinən paytaxt sakini T.Rəhimov müəyyən olunaraq saxlanılıb. Araşdırma aparılır. 

Sabunçu rayonunun Bakıxanov qəsəbəsi ərazisində vətəndaş A.Raxmatulinə qarşı quldurluq etməkdə şübhəli bilinən şəxslər saxlanılıblar

05.12.2022

Sabunçu rayonunun Bakıxanov qəsəbəsi ərazisində bir neçə nəfərin quldurluq yolu ilə Bakı şəhər sakini A.Raxmatulinin mobil telefonunu talaması barədə polisə məlumat daxil olub. Sabunçu RPİ 13-cü Polis Bölməsi əməkdaşlarının keçirdikləri əməliyyat tədbirləri nəticəsində quldurluq əməlində şübhəli bilinən paytaxt sakinləri X.Mərdiyev, İ.Yusufov və H.Abbasov müəyyən olunaraq saxlanılıblar. Sabunçu Rayon Polis İdarəsində araşdırma aparılır.

Nərimanov rayonu ərazisindəki ticarət mərkəzlərinin birində bir qadına qarşı soyğunçuluq etməkdə şübhəli bilinən E.Süleymanov saxlanılıb

05.12.2022

Nərimanov rayonu ərazisindəki ticarət mərkəzlərinin birində Bakı şəhər sakini olan bir qadına qarşı soyğunçuluq edilməsi barədə polisə məlumat daxil olub. Nərimanov RPİ 18-ci Polis Şöbəsi əməkdaşlarının keçirdikləri əməliyyat tədbiri nəticəsində bu əməli törətməkdə şübhəli bilinən paytaxt sakini E.Süleymanov müəyyən olunaraq saxlanılıb. Nərimanov Rayon Polis İdarəsində araşdırma aparılır.

Ağcabədi rayon sakini D.İsmayılovun idarə etdiyi avtomobildən qanunsuz saxladığı ov tüfəngi aşkar olunaraq götürülüb

05.12.2022

Suraxanı RPİ 30-cu Polis Şöbəsi əməkdaşlarının keçirdikləri əməliyyat tədbiri nəticəsində Ağcabədi rayon sakini D.İsmayılovun idarə etdiyi “Shacman” markalı avtomobilə baxış zamanı oradan qanunsuz saxladığı “TOZ” markalı ov tüfəngi aşkar olunaraq götürülüb. Araşdırma aparılır.

Qaradağ rayonunun Ələt qəsəbəsində 3 marketdən oğurluqlar törətməkdə şübhəli bilinən qəsəbə sakinləri S.İsmayılov və İ.İbrahimov müəyyən olunaraq saxlanılıblar

05.12.2022

Qaradağ rayonunun Ələt qəsəbəsində 3 marketdən pul, 1760  manat dəyərində tütün məmulatı, 1750 manat dəyərində modem, 2 ədəd prosessor, içərisində 264 manat pul olan kassa aparatı və kamera oğurlanması barədə polisə məlumatlar daxil olub. Qaradağ RPİ 11-ci Polis Bölməsi əməkdaşlarının keçirdikləri əməliyyat tədbiri nəticəsində oğurluqları törətməkdə şübhəli bilinən qəsəbə sakinləri S.İsmayılov və İ.İbrahimov müəyyən olunaraq saxlanılıblar.Araşdırma aparılır.

Yasamal rayonu ərazisindəki mağazaların birində bir qadının çantasından cüzdanını oğurlamaqda şübhəli bilinən Bakı şəhər sakini S.Ağayeva saxlanılıb

05.12.2022

Yasamal rayonu ərazisindəki mağazaların birində Ağcabədi rayon sakini olan bir qadının çantasından içərisində pulu olan cüzdanının oğurlanması barədə polisə məlumat daxil olub. Yasamal RPİ 29-cu Polis Şöbəsi əməkdaşlarının keçirdikləri əməliyyat tədbiri nəticəsində oğurluq əməlində şübhəli bilinən Bakı şəhər sakini S.Ağayeva müəyyən olunaraq saxlanılıb. Araşdırma aparılır.