Gün ərzində ölkə ərazisində qeydə alınan 63 cinayətin açılması təmin olunub

31.10.2023

Oktyabrın 31-də ölkə ərazisində qeydə alınan 63, əvvəlki dövrlərdən bağlı qalan 7 cinayətin açılması daxili işlər orqanlarının əməkdaşları tərəfindən təmin olunub.

Profilaktik tədbirlər nəticə verir — odlu silahlar və partlayıcılar könüllü təhvil verilir

31.10.2023

Polis əməkdaşları tərəfindən aparılan profilaktiki tədbirlər nəticəsində Babək rayon sakini 1 ədəd “AK-74” markalı avtomat silahı, 131 ədəd patron və 4 ədəd patron darağını könüllü olaraq Naxçıvan Şəhər Polis İdarəsinə, Şəmkir rayon sakini olan iki nəfər isə qanunsuz saxladıqları “İJ” və “TOZ-63” markalı tüfəngləri könüllü olaraq Şəmkir Rayon Polis Şöbəsinə təhvil veriblər.

Səbail rayonu ərazisindən R.Ağayevə məxsus mopedi oğurlamaqda şübhəli bilinən T.Quliyev saxlanılıb

31.10.2023

Səbail RPİ 8-ci Polis Bölməsi əməkdaşlarının keçirdikləri əməliyyat tədbiri nəticəsində oktyabrın 11-də rayon ərazisindən R.Ağayevə məxsus mopedi oğurlamaqda şübhəli bilinən Bakı şəhər sakini Telman Quliyev saxlanılıb. Araşdırma aparılır. 

Qaradağ rayonunun Lökbatan qəsəbəsində evlərdən birinin həyətindən məişət əşyaları oğurlamaqda şübhəli bilinən E.Nəsirov saxlanılıb

31.10.2023

Qaradağ RPİ 10-cu Polis Şöbəsi əməkdaşlarının keçirdikləri əməliyyat tədbiri nəticəsində oktyabrın 30-da Lökbatan qəsəbəsində evlərdən birinin həyətindən 1450 manat dəyərində məişət əşyaları oğurlamaqda şübhəli bilinən qəsəbə sakini E.Nəsirov saxlanılıb. Araşdırma aparılır. 

Sabunçu rayonunun Maştağa qəsəbəsindəki evlərin birindən təmir-tikinti alətləri və məişət əşyaları oğurlamaqda şübhəli bilinən R.Elməliyev və S.Volovin saxlanılıblar

31.10.2023

Sabunçu RPİ 14-cü Polis Şöbəsi əməkdaşlarının keçirdikləri əməliyyat tədbiri nəticəsində Maştağa qəsəbəsindəki evlərin birindən 1300 manat dəyərində təmir-tikinti alətləri və məişət əşyaları oğurlamaqda şübhəli bilinən Bakı şəhər sakinləri R.Elməliyev və S.Volovin saxlanılıblar. Araşdırma aparılır. 

Abşeron rayonunun Novxanı kəndindəki evlərdən birinin həyətindən inşaat materialları oğurlamaqda şübhəli bilinən N.Hüseynov saxlanılıb

31.10.2023

Abşeron Rayon Polis İdarəsi əməkdaşlarının keçirdikləri əməliyyat tədbiri nəticəsində Novxanı kəndindəki evlərdən birinin həyətindən 8500 manat dəyərində inşaat materialları oğurlamaqda şübhəli bilinən kənd sakini N.Hüseynov saxlanılıb. Araşdırma aparılır. 

Gəncə şəhərinin Yeni Gəncə qəsəbəsi ərazisindəki apteklərin birindən oğurluq etməkdə şübhəli bilinən Z.Məmmədov saxlanılıb

31.10.2023

Gəncə ŞBPİ 3-cü Polis Bölməsi əməkdaşlarının keçirdikləri əməliyyat tədbiri nəticəsində oktyabrın 31-nə keçən gecə Yeni Gəncə qəsəbəsi ərazisində apteklərin birindən 1120 manat dəyərində oğurluq etməkdə şübhəli bilinən şəhər sakini, əvvəllər narkotiklərlə əlaqəli cinayətə görə məhkum olunmuş Z.Məmmədov saxlanılıb. Araşdırma aparılır. 

Lerik rayonunun Qışlaq kənd sakini H.Abbasovdan və Conu kənd sakini F.Cabbarovdan qanunsuz saxladıqları 2 ov tüfəngi götürülüb

31.10.2023

Lerik Rayon Polis Şöbəsi əməkdaşlarının keçirdikləri əməliyyat tədbiri nəticəsində  Qışlaq kənd sakini H.Abbasovdan və Conu kənd sakini F.Cabbarovdan qanunsuz saxladıqları “TOZ” və “İJ”markalı 2 ov tüfəngi aşkar olunaraq götürülüb. 

Gədəbəy rayonunun Zəhmət kənd sakini C.Məmmədovdan qanunsuz saxladığı ov tüfəngi götürülüb

31.10.2023

Gədəbəy Rayon Polis Şöbəsi əməkdaşlarının keçirdikləri əməliyyat tədbiri nəticəsində  Zəhmət kənd sakini C.Məmmədovdan qanunsuz saxladığı “TOZ-16” markalı ov tüfəngi götürülüb.

Neftçala rayonunun Xolqarabucaq kənd sakini R.Həsənovdan və şəhər sakini A.Quliyevdən qanunsuz saxladıqları 2 ov tüfəngi götürülüb

31.10.2023

Neftçala Rayon Polis Şöbəsi əməkdaşlarının keçirdikləri əməliyyat tədbiri nəticəsində Xolqarabucaq kənd sakini R.Həsənovdan və şəhər sakini A.Quliyevdən qanunsuz saxladıqları “TOZ-57” markalı 2 ov tüfəngi götürülüb.