Sabirabad şəhər sakini Ş.Quliyevin avtomobilindən tiryək, sərnişinindən isə heroin götürülüb

17.12.2022

Sabirabad Rayon Polis Şöbəsi əməkdaşlarının keçirdikləri əməliyyat tədbiri nəticəsində şəhər sakini Ş.Quliyevin idarə etdiyi “Mercedes” markalı avtomobilə baxış zamanı oradan tiryək aşkar olunaraq götürülüb. Şəxsi axtarış zamanı onun sərnişini, Lənkəran rayon sakini, əvvəllər məhkum olunmuş B.Rzayevdən isə heroin götürülüb.Davam etdirilən tədbirlərlə B.Rzayevin Bulaqlı kəndi ərazisində gizlətdiyi 450 qram heroin də aşkar olunaraq götürülüb.

Mingəçevir şəhər sakini V.Pirməmmədovdan marixuana və tiryək götürülüb

17.12.2022

Mingəçevir Şəhər Polis Şşöbəsi əməkdaşlarının keçirdikləri əməliyyat tədbiri nəticəsində saxlanılan şəhər sakini, əvvəllər məhkum olunmuş V.Pirməmmədovdan 18 qramdan artıq marixuana aşkar olunub. Davam etdirilən tədbirlərlə onun evinə baxış zamanı oradan əlavə 23 qrama yaxın tiryək və 405 qram marixuana götürülüb.

Gədəbəy rayonunun Qoşabulaq kənd sakini T.Qasımovdan ov tüfəngi və 4 ədəd patron götürülüb

17.12.2022

Gədəbəy Rayon Polis Şöbəsinin əməkdaşları tərəfindən Qoşabulaq kənd sakini T.Qasımovdan “İJ” markalı ov tüfəngi və 4 ədəd patron götürülüb.

Göyçay rayonunun Mallı Şıxlı kənd sakini Ş.Manafovdan ov tüfəngi götürülüb

17.12.2022

Göyçay Rayon Polis Şöbəsinin əməkdaşları tərəfindən Mallı Şıxlı kənd sakini Ş.Manafovdan “TOZ” markalı ov tüfəngi götürülüb.

Biləsuvar rayonunun Aranlı kəndi ərazisində “İj Planet” markalı motosikletlə “VAZ-2107” markalı avtomobil toqquşub

17.12.2022

Dekabrın 17-də saat 16 radələrində Biləsuvar rayonunun Aranlı kəndi ərazisində rayon sakinləri A.Əliyevin idarə etdiyi “İj Planet” markalı motosikletlə N.Əsədlinin idarə etdiyi “VAZ-2107” markalı avtomobil toqquşub. Nəticədə xəsarətlə xəstəxanaya yerləşdirilən motosikletçi ölüb.Biləsuvar Rayon Polis Şöbəsində araşdırma aparılır.

Gün ərzində ölkə ərazisində qeydə alınan 48 cinayətin açılması təmin olunub

16.12.2022

Dekabrın 16-da ölkə ərazisində qeydə alınan 48, əvvəlki dövrlərdən bağlı qalan 10 cinayətin açılması daxili işlər orqanlarının əməkdaşları tərəfindən təmin olunub.

Polis əməkdaşlarının keçirdikləri tədbirlərlə 6 il əvvəl törədilən cinayətin üstü açılıb

16.12.2022

Polis əməkdaşlarının keçirdikləri tədbirlərlə 6 il əvvəl törədilən cinayətin üstü açılıb.2016-cı ilin mart ayında Abşeron rayonunun Saray qəsəbəsi ərazisində qəsəbə sakini F.Nağıyevə məxsus “Toyota” markalı avtomobilin qəsdən yandırılması ilə bağlı polis əməkdaşlarının keçirdikləri əməliyyat tədbirləri nəticəsində əmlakı qəsdən məhv etmədə şübhəli bilinən Sumqayıt şəhər sakinləri R.Süleymanov, əvvəllər məhkum olunmuşlar O.Novruzov və B.Abdullayev müəyyən olunaraq saxlanılıblar. Araşdırma aparılır. 

Binəqədi rayonunun Biləcəri qəsəbəsi ərazisindəki kafelərin birində bir nəfərin cüzdanından bank kartını oğurlayaraq hesabından 1310 manatını çıxarmaqda şübhəli bilinən E.Dərgahov saxlanılıb

16.12.2022

Binəqədi rayonunun Biləcəri qəsəbəsi ərazisindəki kafelərin birində Bakı şəhər sakini T.Ş-nın cüzdanından qeyri-aşkar şəraitdə bank kartının oğurlanması, sonradan isə hesabından 1310 manatının çıxarılması barədə polisə məlumat daxil olub. Binəqədi RPİ 4-cü Polis Şöbəsi əməkdaşlarının keçirdikləri əməliyyat tədbiri nəticəsində oğurluq əməlində şübhəli bilinən Bərdə rayon sakini E.Dərgahov müəyyən olunaraq saxlanılıb.Araşdırma aparılır.

Metro stansiyasında qatarda bir qadının mobil telefonunu oğurlamaqda şübhəli bilinən İmişli rayon sakini S.Süleymanov saxlanılıb

16.12.2022

Metropolitendə Polis Şöbəsinə dekabrın 14-də metro stansiyasında qatarda bir qadının mobil telefonunun qeyri-aşkar şəraitdə oğurlanması barədə məlumat daxil olub. Polis əməkdaşlarının keçirdikləri əməliyyat tədbiri nəticəsində oğurluq əməlində şübhəli bilinən İmişli rayon sakini S.Süleymanov müəyyən olunaraq saxlanılıb.Araşdırma aparılır.

Sumqayıt şəhəri 15-ci məhəllə ərazisində Abşeron rayon sakini S.Quliyevə qarşı quldurluq etməkdə şübhəli bilinən şəhər sakini İ.Quliyev saxlanılıb

16.12.2022

Dekabrın 15-də Sumqayıt şəhəri 15-ci məhəllə ərazisində Abşeron rayon sakini S.Quliyevin mobil telefonunun quldurluq yolu ilə talanması barədə polisə məlumat daxil olub. Sumqayıt ŞPİ 3-cü Polis Bölməsi əməkdaşlarının keçirdikləri əməliyyat tədbiri nəticəsində quldurluq əməlində şübhəli bilinən şəhər sakini, əvvəllər məhkum olunmuş İ.Quliyev saxlanılıb. Araşdırma aparılır.