İctimai nəqliyyatda və insanların sıx olduğu yerlərdə oğurluq edən şəxs polis əməkdaşları tərəfindən saxlanılıb.

04.12.2023

Bakı Şəhər Baş Polis İdarəsi əməkdaşlarının keçirdikləri tədbirlərlə müxtəlif vaxtlarda paytaxt ərazisində marşrut avtobuslarında və metro stansiyalarında 4 nəfərin  mobil telefonlarını oğurlamaqda şübhəli bilinən Gəncə şəhər sakini, əvvəllər oğurluq və narkotiklərlə əlaqəli cinayətlərə görə məhkum olunmuş M.Bayramov müəyyən olunaraq saxlanılıb.Araşdırma aparılır. 

Qaradağ rayonunun Puta qəsəbəsindəki evlərin birindən 2 ədəd televizor oğurlamaqda şübhəli bilinən C.Cəfərov saxlanılıb

04.12.2023

Qaradağ RPİ 10-cu Polis Şöbəsi əməkdaşlarının keçirdikləri tədbirlərlə Puta qəsəbəsindəki evlərin birindən 2000 manat dəyərində 2 ədəd televizor oğurlamaqda şübhəli bilinən qəsəbə sakini C.Cəfərov saxlanılıb. Araşdırma aparılır. 

Sabunçu rayonunun Böyükşor qəsəbəsi ərazisində bir nəfərin çantasını quldurluq yolu ilə talamaqda şübhəli bilinən R.Qurbanəlizadə saxlanılıb

04.12.2023

Sabunçu RPİ 12-ci Polis Şöbəsi əməkdaşlarının keçirdikləri tədbirlərlə noyabr 30-da Böyükşor qəsəbəsi ərazisində bir nəfərin içərisində mobil telefonu olan çantasını quldurluq yolu ilə talamaqda şübhəli bilinən Bakı şəhər sakini, əvvəllər məhkum olunmuş R.Qurbanəlizadə saxlanılıb. Araşdırma aparılır. 

Sumqayıt şəhərinin Kimyaçılar qəsəbəsi ərazisində yerləşən anbarların birindən avtomobil ehtiyat hissələri oğurlamaqda şübhəli bilinən C.Şirinov saxlanılıb

04.12.2023

Sumqayıt ŞPİ 2-ci Polis Bölməsi əməkdaşlarının keçirdikləri tədbirlərlə dekabrın 3-nə keçən gecə Kimyaçılar qəsəbəsi ərazisində yerləşən anbarların birindən avtomobil ehtiyat hissələri oğurlamaqda şübhəli bilinən şəhər sakini, əvvəllər məhkum olunmuş C.Şirinov saxlanılıb. Araşdırma aparılır.   

Gün ərzində ölkə ərazisində qeydə alınan 32 cinayətin açılması təmin olunub

03.12.2023

Dekabrın  3-də ölkə ərazisində qeydə alınan 32, əvvəlki dövrlərdən bağlı qalan 6 cinayətin açılması daxili işlər orqanlarının əməkdaşları tərəfindən təmin olunub.

Polis əməkdaşları tərəfindən qanunsuz saxlanılan odlu silahların könüllü təhvil verilməsi ilə bağlı profilaktiki tədbirlər davam etdirilir

03.12.2023

2-3 dekabr tarixlərində polis əməkdaşları paytaxt və respublikanın ayrı-ayrı rayonlarında 2  ədəd avtomat, 3 ədəd qumbara,  1 qumbara alışdırıcısı,  1 patron darağı,  24 ədəd müxtəlif çaplı patron və 14 ədəd müxtəlif markalı tüfəng təhvil götürüblər.Keçirilən əməliyyat tədbirləri ilə 2 tüfəng aşkar edilərək götürülüb.

Qaradağ rayonunun Puta qəsəbəsində iki evdən oğurluq etməkdə şübhəli bilinən Bakı şəhər sakini C.Cəfərov saxlanılıb

03.12.2023

Qaradağ RPİ 10-cu Polis Şöbəsi əməkdaşlarının keçirdikləri tədbirlərlə Puta qəsəbəsində ayrı-ayrı vaxtlarda iki evdən 2500 manat pul, qızıl-zinət və məişət əşyaları oğurlamaqda şübhəli bilinən Bakı şəhər sakini C.Cəfərov müəyyən olunaraq saxlanılıb. Araşdırma aparılır.

Tovuz rayonunun Aran Yanıqlı kəndi ərazisindən metal rabitə dirəklərini oğurlamaqda şübhəli bilinən V.Kazımov saxlanılıb

03.12.2023

Tovuz Rayon Polis Şöbəsi əməkdaşlarının keçirdikləri tədbirlərlə Aran Yanıqlı kəndi ərazisindən 48 ədəd metal rabitə dirəyini oğurlamaqda şübhəli bilinən Şəmkir rayon sakini V.Kazımov saxlanılıb. Araşdırma aparılır. 

Gün ərzində ölkə ərazisində qeydə alınan 30 cinayətin açılması təmin olunub

02.12.2023

Dekabrın 2-də ölkə ərazisində qeydə alınan 30, əvvəlki dövrlərdən bağlı qalan 16 cinayətin açılması daxili işlər orqanlarının əməkdaşları tərəfindən təmin olunub.

Xəzər rayonunun Qala qəsəbəsi ərazisində yerləşən avtomobil təmiri sexlərinin birindən avtomobili qaçırmaqda şübhəli bilinən H.İsmayılov saxlanılıb

02.12.2023

Xəzər RPİ 1-ci Polis Şöbəsi əməkdaşlarının keçirdikləri tədbirlərlə Qala qəsəbəsi ərazisində yerləşən avtomobil təmiri sexlərinin birindən “Ford” markalı avtomobili qaçırmaqda şübhəli bilinən orada işləyən Bakı şəhər sakini, əvvəllər məhkum olunmuş H.İsmayılov saxlanılıb.Araşdırmalarla onun noyabrın 5-də həmin sexdən “VAZ-2107” markalı  digər avtomobili qaçırması da müəyyən olunub.