Polis əməkdaşları qanunsuz saxlanılan odlu silahların könüllü təhvil verilməsi ilə bağlı profilaktiki tədbirləri davam etdirir

13.12.2023

Dekabrın 13-də polis əməkdaşları paytaxt və respublikanın ayrı-ayrı rayonlarında 1 ədəd  tapança və 22 ədəd müxtəlif markalı tüfəng təhvil götürüblər.Keçirilən əməliyyat tədbirləri ilə qanunsuz saxlanılan 3 tüfəng götürülüb.

Binəqədi rayonunun Biləcəri qəsəbəsindəki evlərin birindən qızıl-zinət əşyaları oğurlamaqda şübhəli bilinən E.Mustafayev saxlanılıb

13.12.2023

Binəqədi RPİ 6-cı Polis Bölməsi əməkdaşlarının keçirdikləri tədbirlərlə dekabrın 11-də Biləcəri qəsəbəsindəki evlərin birindən 4000 manat dəyərində qızıl-zinət əşyaları oğurlamaqda şübhəli bilinən Bakı şəhər sakini, əvvəllər məhkum olunmuş E.Mustafayev saxlanılıb. Araşdırma aparılır. 

Nərimanov rayonu ərazisində mağazaların birindən oğurluq etməkdə şübhəli bilinən S.Zəkizadə saxlanılıb

13.12.2023

Nərimanov RPİ 17-ci Polis Şöbəsi əməkdaşlarının keçirdikləri tədbirlərlə rayon ərazisində mağazaların birindən 2000 manat dəyərində meyvə-tərəvəz oğurlamaqda şübhəli bilinən Bakı şəhər sakini S.Zəkizadə saxlanılıb. Araşdırma aparılır. 

Xətai rayonu ərazisində “KİA” markalı avtomobildən 800 manat pul oğurlamaqda şübhəli bilinən E.Şirinov saxlanılıb

13.12.2023

Xətai RPİ 34-cü Polis Şöbəsi əməkdaşlarının keçirdikləri tədbirlərlə dekabrın 12-nə keçən gecə rayon ərazisində “KİA” markalı avtomobildən 800 manat pul oğurlamaqda şübhəli bilinən Bakı şəhər sakini, əvvəllər məhkum olunmuş E.Şirinov saxlanılıb. Araşdırma aparılır. 

Gün ərzində 62 cinayətin açılması təmin olunub

12.12.2023

Dekabrın 12-də ölkə ərazisində qeydə alınan 47, əvvəlki dövrlərdən bağlı qalan 15 cinayətin açılması daxili işlər orqanlarının əməkdaşları tərəfindən təmin olunub.

Polis əməkdaşları qanunsuz saxlanılan odlu silahların könüllü təhvil verilməsi ilə bağlı profilaktiki tədbirləri davam etdirir

12.12.2023

Dekabrın 12-də polis əməkdaşları paytaxt və respublikanın ayrı-ayrı rayonlarında 1  ədəd avtomat, 1 ədəd tapança,  2 patron darağı,  36 ədəd müxtəlif çaplı patron və 22 ədəd müxtəlif markalı tüfəng təhvil götürüblər.Keçirilən əməliyyat tədbirləri ilə qanunsuz saxlanılan 3 tüfəng aşkar edilərək götürülüb.

Nizami rayonu ərazisində bir nəfərin mobil telefonunu quldurluq yolu ilə talamaqda şübhəli bilinən T.Mürsəlov saxlanılıb

12.12.2023

Nizami RPİ 23-cü Polis Bölməsi əməkdaşlarının keçirdikləri tədbirlərlə dekabrın 11-də rayon ərazisində bir nəfərin mobil telefonunu quldurluq yolu ilə talamaqda şübhəli bilinən Salyan rayon sakini, əvvəllər məhkum olunmuş T.Mürsəlov müəyyən olunaraq saxlanılıb.Nizami Rayon Polis İdarəsində araşdırma aparılır.

Gün ərzində 68 cinayətin açılması təmin olunub

11.12.2023

Dekabrın 11 -də ölkə ərazisində qeydə alınan 45, əvvəlki dövrlərdən bağlı qalan 23 cinayətin açılması daxili işlər orqanlarının əməkdaşları tərəfindən təmin olunub.   

Polis əməkdaşları qanunsuz saxlanılan odlu silahların könüllü təhvil verilməsi ilə bağlı profilaktiki tədbirləri davam etdirir

11.12.2023

Dekabrın 11-də polis əməkdaşları paytaxt və respublikanın ayrı-ayrı rayonlarında 1  ədəd avtomat, 1 pulemyot, 1 tapança, 3 ədəd patron darağı, 30 ədəd müxtəlif çaplı patron və 28 ədəd müxtəlif markalı tüfəng təhvil götürüblər.Keçirilən əməliyyat tədbirləri ilə qanunsuz saxlanılan 3 tüfəng götürülüb.

Sabunçu qəsəbəsi ərazisində yerləşən yanacaqdoldurma məntəqələrinin birində operatorun 200 manat pulunun soyğunçuluq yolu ilə talamaqda şübhəli bilinən şəxslər saxlanılıblar

11.12.2023

Dekabrın 7-də saat 05 radələrində Sabunçu qəsəbəsi ərazisində yerləşən yanacaqdoldurma məntəqələrinin birində operatorun 200 manat pulunun soyğunçuluq yolu ilə talanması barədə Sabunçu RPİ-nin 12-ci Polis Şöbəsinə məlumat daxil olub. Polis əməkdaşlarının keçirdikləri tədbirlərlə həmin vaxt “Toyota” markalı avtomobillə yanacaqdoldurma məntəqəsinə gələrək soyğunçuluq əməlini törətməkdə şübhəli bilinən Bakı şəhər sakini Ş.Məmmədov, Masallı rayon sakinləri N.Novruzov və əvvəllər məhkum olunmuş A.Nuriyev saxlanılıblar. Araşdırma aparılır.