Hacıqabul rayonunun Meyniman kəndi ərazisində “VAZ-2107” markalı avtomobillə kənd sakini B.Rəsulov vurulub

04.01.2023

Yanvarın 3-də saat 22 radələrində Hacıqabul rayonunun Meyniman kəndi ərazisində rayon sakini R.Ağayev idarə etdiyi “VAZ-2107” markalı avtomobillə yolu keçən kənd sakini B.Rəsulovu vurub hadisə yerini tərk edib. Nəticədə piyada hadisə yerində ölüb.Polis əməkdaşlarının keçirdikləri əməliyyat-axtarış tədbirləri nəticəsində R.Ağayev saxlanılıb.Hacıqabul Rayon Polis Şöbəsində araşdırma aparılır.

Xaçmaz rayonunun Qaradağlı kəndi ərazisində “VAZ-2108” markalı avtomobillə kənd sakini Z.Neymətov vurulub

04.01.2023

Yanvarın 4-də saat 18 radələrində Xaçmaz rayonunun Qaradağlı kəndi ərazisində Şabran rayon sakini N.Yaqubov idarə etdiyi “VAZ-2108” markalı avtomobillə yolu keçən kənd sakini Z.Neymətovu vurub. Nəticədə piyada xəstəxanaya aparılarkən yolda ölüb.Baş İstintaq və Təhqiqat İdarəsi tərəfindən araşdırma aparılır.

Gün ərzində ölkə ərazisində qeydə alınan 32 cinayətin açılması təmin olunub

03.01.2023

Yanvarın 3-də ölkə ərazisində qeydə alınan 32, əvvəlki dövrlərdən bağlı qalan 3 cinayətin açılması daxili işlər orqanlarının əməkdaşları tərəfindən təmin olunub.

Qusar şəhəri ərazisindəki yanacaqdoldurma məntəqələrinin birində soyğunçuluq törətməkdə şübhəli bilinən R.Həmidov saxlanılıb

03.01.2023

Yanvarın 2-də saat 23 radələrində Qusar şəhəri ərazisindəki yanacaqdoldurma məntəqələrinin birində rayon sakini, əvvəllər məhkum olunmuş R.Həmidov kassadakı 200 manat pulu talayıb və orada operator işləyən şəxsi dəyənəklə hədələyib.Qusar Rayon Polis Şöbəsi əməkdaşlarının keçirdikləri əməliyyat tədbirləri nəticəsində soyğunçuluğu törətməkdə şübhəli bilinən R.Həmidov saxlanılıb.Faktla əlaqədar Cinayət Məcəlləsinin 180-ci (Soyğunçuluq) maddəsi ilə cinayət işi başlanılıb.Araşdırma aparılır.

Suraxanı rayonunun Yeni Suraxanı qəsəbəsi ərazisində “Mercedes” markalı avtomobil elektrik dirəyinə çırpılıb

03.01.2023

Yanvarın 3-də saat 18 radələrində Suraxanı rayonunun Yeni Suraxanı qəsəbəsi ərazisində İmişli rayon sakini E.Əhmədov idarə etdiyi “Mercedes” markalı avtomobili elektrik dirəyinə vurub. Nəticədə sürücü və sərnişini olan Ağstafa rayon sakini M.İsgəndərov hadisə yerində ölüb, digər sərnişini xəstəxanaya yerləşdirilib, vəziyyəti orta-ağırdır.Suraxanı Rayon Polis İdarəsində araşdırma aparılır.

Qaradağ rayonunun Qobustan qəsəbəsi ərazisində yol-nəqliyyat hadisəsi

03.01.2023

Yanvarın 3-də saat 8 radələrində Qaradağ rayonunun Qobustan qəsəbəsi ərazisində Şərur rayon sakini N.Heydərov idarə etdiyi “Mercedes” markalı yanacaq daşıyan qoşqulu avtomobili qarşıda gedən Lənkəran rayon sakini C.Fərzullayevin idarə etdiyi “KamAZ” markalı avtomobilə vurduqdan sonra hər iki avtomobil aşıb, “Mercedes” markalı avtomobilin dəmir yol ayırıcısına dəyməsi nəticəsində benzin alışıb və eyni istiqamətdə Füzuli rayon sakini Ə.Əliyev idarə etdiyi “Opel” markalı avtomobili “Mercedes” markalı avtomobilə vurub. Nəticədə N.Heydərov ölüb, Ə.Əliyev xəstəxanaya yerləşdirilib. Hər 3 avtomobilin yanar konstruksiyaları yanıb, yanğın saat 10 radələrində söndürülüb.Baş İstintaq və Təhqiqat İdarəsi tərəfindən araşdırma aparılır.

Binəqədi rayonu ərazisindəki 3 evdən inşaat materialları oğurlamaqda şübhəli bilinən E.Əliyev saxlanılıb

03.01.2023

Binəqədi RPİ 43-cü Polis Bölməsi əməkdaşlarının keçirdikləri əməliyyat tədbirləri nəticəsində müxtəlif vaxtlarda rayon ərazisində ayrı-ayrı şəxslərə məxsus 3 evdən inşaat materialları oğurlamaqda şübhəli bilinən Bakı şəhər sakini E.Əliyev saxlanılıb.Araşdırma aparılır.

Ağdaş şəhər sakini R.Hacıyevin evindən 1 kiloqramdan artıq marixuana götürülüb

03.01.2023

Ağdaş Rayon Polis Şöbəsi əməkdaşlarının keçirdikləri əməliyyat tədbiri nəticəsində şəhər sakini R.Hacıyev saxlanılıb. Şəxsi axtarış zamanı ondan 57 qramdan artıq marixuana aşkar edilib.Davam etdirilən tədbirlərlə onun evinə baxış zamanı oradan 1 kiloqram 345 qram marixuana götürülüb.

Şamaxı rayonunun Şəhriyar qəsəbəsindəki həyətyanı sahələrin birindən oğurluq etməkdə şübhəli bilinən şəhər sakini V.Quliyev saxlanılıb

03.01.2023

Şamaxı Rayon Polis Şöbəsi əməkdaşlarının keçirdikləri əməliyyat tədbirləri nəticəsində 2022-ci il dekabrın 25-dən yanvarın 2-dək olan müddətdə Şəhriyar qəsəbəsindəki həyətyanı sahələrin birindən 2100 manat dəyərində 1 ədəd otbiçən aparat, 4 ədəd dəmir boru, 2 ədəd kotanın dəmir hissəsi və inşaat materialları oğurlamaqda şübhəli bilinən şəhər sakini, əvvəllər məhkum olunmuş V.Quliyev saxlanılıb.Araşdırma aparılır.

Gün ərzində ölkə ərazisində qeydə alınan 25 cinayətin açılması təmin olunub

02.01.2023

Yanvarın 2-də ölkə ərazisində qeydə alınan 25,  əvvəlki dövrlərdən bağlı qalan 5 cinayətin açılması daxili işlər orqanlarının əməkdaşları tərəfindən təmin olunub.