Sumqayıt şəhəri 2-ci mikrorayon ərazisində “BMW” markalı avtomobillə şəhər sakini A.Qafarova vurulub

26.12.2022

Dekabrın 26-da saat 19 radələrində Sumqayıt şəhəri 2-ci mikrorayon ərazisində B.Süleymanov idarə etdiyi “BMW” markalı avtomobillə yolu keçən şəhər sakini A.Qafarovanı vurub və nəticədə piyada hadisə yerində ölüb.Sumqayıt Şəhər Polis İdarəsində araşdırma aparılır.

Gün ərzində ölkə ərazisində qeydə alınan 24 cinayətin açılması təmin olunub

25.12.2022

Dekabrın 25-də ölkə ərazisində qeydə alınan 24, əvvəlki dövrlərdən bağlı qalan 5 cinayətin açılması daxili işlər orqanlarının əməkdaşları tərəfindən təmin olunub.

Abşeron rayonu ərazisində oğurluq etdiyinə görə tutulan Ə.Atamovun daha 5 evdən pul və qızıl-zinət əşyaları oğurlaması da müəyyən olunub

25.12.2022

Abşeron Rayon Polis İdarəsinin əməkdaşları tərəfindən aparılan araşdırmalarla oğurluq etdiyinə görə tutulan Ə.Atamovun daha 5 evdən 10.000 manatdan artıq pul və 5.500 manat dəyərində qızıl-zinət əşyaları oğurlaması da müəyyən olunub.

Saatlı rayonu ərazisində qanunsuz ov edən bir qrup rayon sakini saxlanılıb

25.12.2022

Saatlı Rayon Polis Şöbəsinin əməkdaşları tərəfindən qanunsuz ov edən rayon sakinləri P.Astanov, Ə.Əliyev, E.Əliyev və Y.Nəsirov saxlanılıblar. Onlardan qanunsuz saxladıqları “İJ” markalı 4 ov tüfəngi götürülüb. Araşdırma aparılır.

Xızı rayonunun Məşədihəsən kəndi ərazisində “Ford Transit” markalı avtomobil beton maneəyə çırpılıb

25.12.2022

Dekabrın 25-də saat 8 radələrində Xızı rayonunun Məşədihəsən kəndi ərazisində Quba rayon sakini Ş.Qafarov idarə etdiyi “Ford Transit” markalı avtomobili beton maneəyə vurub. Nəticədə xəsarətlə xəstəxanaya yerləşdirilən sürücü orada ölüb. Xızı Rayon Polis Şöbəsində araşdırma aparılır.

İsmayıllı rayonunun Qurbanəfəndi kəndi ərazisində “Honda” və “BMW” markalı avtomobillər toqquşub

25.12.2022

Dekabrın 25-də saat 16 radələrində İsmayıllı rayonunun Qurbanəfəndi kəndi ərazisində Bakı şəhər sakinləri S.Hacıyevin idarə etdiyi “Honda” və Q.İsmayılovun idarə etdiyi “BMW” markalı avtomobillər toqquşub. Nəticədə xəstəxanaya yerləşdirilən Q.İsmayılov və “Honda” markalı avtomobildə olan sərnişin, Laçın rayon sakini N.Nağıyev orada ölüblər. Baş İstintaq və Təhqiqat İdarəsi tərəfindən araşdırma aparılır.

Xaçmaz rayonunun Armudpadar kəndi ərazisində rayon sakini A.Vəlibəyov müəyyən edilməyən avtomobillə vurulub

25.12.2022

Dekabrın 25-də saat 19 radələrində Xaçmaz rayonunun Armudpadar kəndi ərazisində yolu keçən rayon sakini A.Vəlibəyov müəyyən edilməyən avtomobillə vurulub və hadisə yerində ölüb.Xaçmaz Rayon Polis Şöbəsində araşdırma aparılır.

Astara rayonunun Pensər kəndi ərazisində “Chevrolet” markalı avtomobillə yolun kənarı ilə gedən piyada vurulub

25.12.2022

Dekabrın 25-də saat 19 radələrində Astara rayonunun Pensər kəndi ərazisində rayon sakini V.İbadova idarə etdiyi “Chevrolet” markalı avtomobillə yolun kənarı ilə gedən rayon sakini A.Quliyevanı vurub. Nəticədə piyada xəstəxanaya aparılarkən yolda ölüb.Astara Rayon Polis Şöbəsində araşdırma aparılır.

Kürdəmir rayonunun Atakişili kəndi ərazisində “Ford-tranzit” markalı avtomobil qarşıda gedən “KamAZ” markalı avtomobilin qoşqusuna çırpılıb

25.12.2022

Dekabrın 25-də saat 22 radələrində Kürdəmir rayonunun Atakişili kəndi ərazisində Balakən rayon sakini R.Qınçıyev idarə etdiyi “Ford-tranzit” markalı avtomobili qarşıda gedən “KamAZ” markalı avtomobilin qoşqusuna vurub. Nəticədə “Ford-tranzit” markalı avtomobildə olan sərnişin E.Kərimov xəstəxanaya yerləşdirilib və orada ölüb.Baş İstintaq və Təhqiqat İdarəsi tərəfindən araşdırma aparılır.

Gün ərzində ölkə ərazisində qeydə alınan 51 cinayətin açılması təmin olunub

24.12.2022

Dekabrın 24-də ölkə ərazisində qeydə alınan 51, əvvəlki dövrlərdən bağlı qalan 4 cinayətin açılması daxili işlər orqanlarının əməkdaşları tərəfindən təmin olunub.