Sabirabad şəhəri ərazisindəki üç küçədən kabelləri kəsərək oğurlamaqda şübhəli bilinən qrupun digər üzvü saxlanılıb

29.12.2022

Sabirabad Rayon Polis Şöbəsi əməkdaşlarının keçirdikləri əməliyyat tədbirləri nəticəsində şəhər ərazisindəki üç küçədən “Aztelekom” MMC-yə məxsus ümumilikdə 335 metr, Kürkəndi kəndi ərazisindən 495 metr və Suqovuşan kəndi ərazisindən 150 metr kabeli kəsərək oğurlamaqda şübhəli bilinən qrupun digər üzvü, rayon sakini, əvvəllər məhkum olunmuş Ə.Hüseynov saxlanılıb. Araşdırmalarla onun Qalaqayın kəndi ərazisindən keçən yüksək gərginlikli elektrik dirəklərinin alt hissəsində olan dəmir dayaqları və Məmişlər kəndi ərazisində “Aztelekom” MMC-yə məxsus 650 metr rabitə kabelini oğurlaması da müəyyən olunub. Araşdırma aparılır.

Goranboy rayonunun Azad kəndində xuliqanlıq zəminində ov tüfəngindən havaya atəş açaraq ictimai qaydanı pozan rayon sakini T.Tağıyevdən ov tüfəngi götürülüb

29.12.2022

Dekabrın 29-da saat 19 radələrində Goranboy rayonunun Azad kəndində bir nəfərin ov tüfəngindən havaya atəş açması barədə polisə məlumat daxil olub. Goranboy Rayon Polis Şöbəsinin əməkdaşları tərəfindən müvafiq tədbirlər həyata keçirilib və Azad kənd sakini Tərviz Tağıyevin evinin qarşısında sərxoş halda xuliqanlıq zəminində özünə məxsus ov tüfəngindən havaya atəş açaraq ictimai qaydanı pozması müəyyən olunub. Polis əməkdaşları ondan müvafiq sənədləri olan “İJ” markalı ov tüfəngi götürüblər.Araşdırma aparılır.

Biləsuvar rayonunun Xırmandalı kəndi ərazisindən “VAZ-2106” markalı avtomobili qaçırımaqda şübhəli bilinən V.Orucov saxlanılıb

29.12.2022

Biləsuvar Rayon Polis Şöbəsi əməkdaşlarının keçirdikləri əməliyyat-axtarış tədbirləri nəticəsində dekabrın 29-da Xırmandalı kəndi ərazisindən kənd sakini S.Quliyevə məxsus “VAZ-2106” markalı avtomobili qaçırımaqda şübhəli bilinən kənd sakini V.Orucov saxlanılıb. Araşdırma aparılır. 

Xəzər rayonunun Türkan qəsəbəsi ərazisində bir sıra oğurluq hadisələrini törətməkdə şübhəli bilinən Bakı şəhər sakinləri E.Məmmədov və Z.Süleymanov saxlanılıblar

29.12.2022

Xəzər RPİ 1-ci Polis Şöbəsi əməkdaşlarının keçirdikləri əməliyyat tədbiri nəticəsində Türkan qəsəbəsi ərazisində bir evdən 1500 manat dəyərində məişət əşyaları, bir həyətdən 500 manat dəyərində elektrik naqili, gidrofor və 2 ədəd su mühərriki, bir kafedən samovar oğurlamaqda şübhəli bilinən Bakı şəhər sakinləri, əvvəllər məhkum olunmuş E.Məmmədov və Z.Süleymanov saxlanılıblar. Araşdırma aparılır. 

Qaradağ rayonunun Qobustan qəsəbəsi ərazisində “VAZ-21144” və “KamAZ” markalı avtomobillər toqquşub

29.12.2022

Dekabrın 30-da saat 1 radələrində Qaradağ rayonunun Qobustan qəsəbəsi ərazisində E.Əsədullayevin idarə etdiyi “VAZ-21144” və T.Həsənovun idarə etdiyi “KamAZ” markalı avtomobillər toqquşub. Nəticədə “VAZ-21144” markalı avtomobildə olan sərnişin Z.Mirzəliyev hadisə yerində ölüb.Baş İstintaq və Təhqiqat İdarəsi tərəfindən araşdırma aparılır. 

Gün ərzində ölkə ərazisində qeydə alınan 37 cinayətin açılması təmin olunub

28.12.2022

Dekabrın 28-də ölkə ərazisində qeydə alınan 37, əvvəlki dövrlərdən bağlı qalan 5 cinayətin açılması daxili işlər orqanlarının əməkdaşları tərəfindən təmin olunub.

Xaçmaz rayonunun Armudpadar kəndi ərazisində rayon sakini A.Vəlibəyovu idarə etdiyi avtomobillə vuran sürücü L.Hacəhmədov saxlanılıb

28.12.2022

Dekabrın 25-də saat 19 radələrində Xaçmaz rayonunun Armudpadar kəndi ərazisində yolu keçən rayon sakini A.Vəlibəyov müəyyən edilməyən avtomobillə vurulub və nəticədə o, hadisə yerində ölüb.Xaçmaz Rayon Polis Şöbəsi əməkdaşlarının keçirdikləri əməliyyat-axtarış tədbirləri nəticəsində yol-nəqliyyat hadisəsinin “Hyundai” markalı avtomobillə törədilməsi müəyyən olunub və həmin avtomobilin sürücüsü, Xaçmaz şəhər sakini L.Hacəhmədov saxlanılıb.Araşdırma aparılır. 

Sumqayıt dəmir yolu stansiyasında elektrik qatarının vaqonlarından birinin yan şüşəsini sındırmaqda şübhəli bilinən 16 yaşlı İ.Hacızadə müəyyən olunaraq saxlanılıb

28.12.2022

Dekabrın 27-də Sumqayıt dəmir yolu stansiyasında dayanmış sərnişin elektrik qatarının vaqonlarından birinin yan şüşəsinin sındırılması barədə polisə məlumat daxil olub.NBPİ Sabunçu Xətt Polis Şöbəsinin əməkdaşları tərəfindən bu əməli törətməkdə şübhəli bilinən Sumqayıt şəhər sakini, 16 yaşlı İ.Hacızadə müəyyən olunaraq saxlanılıb. Araşdırma aparılır.

Sumqayıt şəhər sakini E.Hüseynliyə qarşı soyğunçuluq etməkdə şübhəli bilinən Sumqayıt sakini T.Mehdiyev saxlanılıb

28.12.2022

Sumqayıt ŞPİ 4-cü Polis Bölməsi əməkdaşlarının keçirdikləri əməliyyat tədbirləri nəticəsində şəhər sakini E.Hüseynlinin üzlüyündə 300 manat pulu olan mobil telefonununu  soyğunçuluq yolu ilə talamaqda şübhəli bilinən Sumqayıt sakini, əvvəllər məhkum olunmuş T.Mehdiyev müəyyən olunaraq saxlanılıb.

Salyan şəhər sakini Ş.Babayevin evindən narkotik vasitələr, ov tüfəngi və patronlar aşkar olunaraq götürülüb

28.12.2022

Salyan Rayon Polis Şöbəsi əməkdaşlarının keçirdikləri əməliyyat tədbiri nəticəsində saxlanılan şəhər sakini, əvvəllər məhkum olunmuş Ş.Babayevin evinə baxış zamanı oradan 43 qrama yaxın heroin, 293 qrama yaxın marixuana, 2 qrama yaxın metamfetamin, 1 ədəd “TOZ-8” markalı ov tüfəngi və 37 ədəd patron aşkar olunaraq götürülüb.