Qaradağ rayonunun Ümid qəsəbəsində yerləşən evlərin birində yanğın törətməkdə şübhəli bilinən şəxs saxlanılıb

15.12.2023

Dekabrın 14-də saat 10 radələrində Ümid qəsəbəsində yerləşən evlərin birində baş vermiş yanğınla bağlı Qaradağ RPİ 38-ci Polis Bölməsinin əməkdaşları tərəfindən aparılan araşdırmalarla bu əməlin ev sahibinin 32 yaşlı oğlu tərəfindən törədilməsinə əsaslı şübhələr müəyyən olunub.  O, polis əməkdaşları tərəfindən saxlanılıb.Araşdırma aparılır. 

Gün ərzində 58 cinayətin açılması təmin olunub

14.12.2023

Dekabrın 14-də ölkə ərazisində qeydə alınan 38, əvvəlki dövrlərdən bağlı qalan 20 cinayətin açılması daxili işlər orqanlarının əməkdaşları tərəfindən təmin olunub.

Polis əməkdaşları qanunsuz saxlanılan odlu silahların könüllü təhvil verilməsi ilə bağlı profilaktiki tədbirləri davam etdirir

14.12.2023

Dekabrın 14-də polis əməkdaşları paytaxt və respublikanın ayrı-ayrı rayonlarında 5 ədəd qumbara,  24 ədəd müxtəlif markalı tüfəng və 98 ədəd müxtəlif çaplı patron təhvil götürüblər.

Təbiəti mühafizə və meşə qanunvericiliyinin pozulması hallarının qarşısının alınması istiqamətində tədbirlər davam etdirilir

14.12.2023

Daxili İşlər Nazirliyinin əməkdaşları tərəfindən təbiəti mühafizə və meşə qanunvericiliyinin pozulması hallarının qarşısının alınması istiqamətində tədbirlər davam etdirilir. Dekabrın 14-də DİN-in Baş İctimai Təhlükəsizlik İdarəsi əməkdaşlarının Xaçmaz rayonu ərazisində keçirdikləri tədbirlərlə Nərəcan və Qaraqurdlu kəndləri ərazisində fəaliyyət göstərən iki sexdə mənbəyi məlum olmayan müxtəlif cinsli ağac gövdələrinin qanunsuz emal olunması faktları aşkar edilib.Xaçmaz Rayon Polis Şöbəsində hər iki faktla bağlı araşdırma aparılır. 

Bir nəfərin mobil telefonunu quldurluq yolu ilə talamaqda şübhəli bilinən T.Mürsəlov və A.Abdalov saxlanılıblar

14.12.2023

Nizami RPİ-nin 23-cü Polis Bölməsinə rayon ərazisində bir nəfərin mobil telefonunun quldurluq yolu ilə talanması barədə məlumat daxil olub. Polis əməkdaşlarının keçirdikləri tədbirlərlə quldurluq əməlini törətməkdə şübhəli bilinən Salyan rayon sakini, əvvəllər məhkum olunmuş T.Mürsəlov və Biləsuvar rayon sakini A.Abdalov müəyyən olunaraq saxlanılıblar. Nizami Rayon Polis İdarəsində araşdırma aparılır.

Səbail rayonu ərazisində yerləşən ofislərin birindən oğurluq etməkdə şübhəli bilinən R.İmanov saxlanılıb

14.12.2023

Səbail RPİ 8-ci Polis Bölməsi əməkdaşlarının keçirdikləri tədbirlərlə dekabrın 13-nə keçən gecə rayon ərazisində yerləşən ofislərin birindən 3 ədəd notbuk və 2 mobil telefon oğurlamaqda şübhəli bilinən Sabirabad rayon sakini R.İmanov saxlanılıb. Araşdırma aparılır. 

Bakı şəhər sakini olan bir nəfərin bank kartından hesabındakı 500 manatını oğurlamaqda şübhəli bilinən N.Rzazadə saxlanılıb

14.12.2023

Sabunçu Rayon Polis İdarəsi əməkdaşlarının keçirdikləri tədbirlərlə Bakı şəhər sakini olan bir nəfərin bank kartından hesabındakı 500 manatını oğurlamaqda şübhəli bilinən paytaxt sakini N.Rzazadə müəyyən olunaraq saxlanılıb.Araşdırma aparılır. 

Abşeron rayonunun Atyalı qəsəbəsində evlərin birindən oğurluq etməkdə şübhəli bilinən Qobu qəsəbə sakini O.Orucəliyev saxlanılıb

14.12.2023

Abşeron Rayon Polis İdarəsi əməkdaşlarının keçirdikləri tədbirlərlə Atyalı qəsəbəsində evlərin birindən pul, 2000 manat dəyərində qızıl-zinət və məişət əşyaları oğurlamaqda şübhəli bilinən Qobu qəsəbə sakini, əvvəllər məhkum olunmuş O.Orucəliyev müəyyən olunaraq saxlanılıb. Araşdırma aparılır. 

Abşeron rayonunun Mehdiabad qəsəbəsi ərazisində marşrut avtobusunda bir nəfərin pulqabısını və içindəki bank kartından 310 manatını oğurlamaqda şübhəli bilinən qadın saxlanılıb

14.12.2023

Abşeron Rayon Polis İdarəsinə Mehdiabad qəsəbəsi ərazisində marşrut avtobusunda bir nəfərin içərisində bank kartı və sənədi olan pulqabısının, həmin bank kartından isə hesabındakı 310 manatının oğurlanması barədə məlumat daxil olub. Polis əməkdaşlarının keçirdikləri tədbirlərlə oğurluq əməlində şübhəli bilinən Cəlilabad rayon sakini olan qadın müəyyən olunaraq saxlanılıb.  Araşdırma aparılır. 

Gün ərzində 56 cinayətin açılması təmin olunub

13.12.2023

Dekabrın 13-də ölkə ərazisində qeydə alınan 50, əvvəlki dövrlərdən bağlı qalan 6 cinayətin açılması daxili işlər orqanlarının əməkdaşları tərəfindən təmin olunub.