Dövlət qurumları .gov.az domeni (məsələn, mia.gov.az) vasitəsilə əlaqə qurur.
Əlavə təhlükəsizlik tədbiri kimi, URL çubuğunda kilid işarəsinin və ya https:// prefiksinin mövcudluğunu yoxlayın. Həssas məlumatlarınızı yalnız rəsmi və təhlükəsiz saytlarda paylaşın.
Bakı şəhər Baş Polis İdarəsi
Baş Dövlət Yol Polisi İdarəsi
"Xəzri" istirahət və sağlamlıq mərkəzi
Daxili Qoşunların Baş İdarəsi
Baş Pasport, Qeydiyyat və Miqrasiya idarəsi
Polis Akademiyası
A.N.Heydərov adına Respublika Hospitalı
Şəxsi Heyətlə İş İdarəsi
İnsan Alverinə Qarşı Mübarizə Baş İdarəsi
Polis Qəzeti
Azərbaycan Respublikası Nazirlər Kabineti
Xankəndi şəhəri ərazisində silah-sursat aşkar olunaraq götürülüb
09.01.2024
Polis əməkdaşlarının keçirdikləri tədbirlərlə yanvarın 9-da Xankəndi şəhəri ərazisində 11 ədəd qumbara, 17 ədəd müxtəlif markalı avtomat silahı, 2 ədəd tapança, 10 ədəd tüfəng, 12 ədəd alışdırıcı, 84 ədəd patron darağı, 2 ədəd patrondaş, 12 ədəd süngü-bıçaq, 6635 ədəd müxtəlif çaplı patron və digər sursatlar aşkar olunaraq götürülüb.
Binəqədi rayonunun Siyəzən rayon sakini F.Dadaşovdan 2 kiloqramdan artıq heroin götürülüb
Binəqədi Rayon Polis İdarəsi əməkdaşlarının keçirdikləri əməliyyat tədbiri nəticəsində Siyəzən rayon sakini F.Dadaşov saxlanılıb. Ondan 2 kiloqram 40 qram çəkidə heroin aşkar olunaraq götürülüb.Araşdırma aparılır.
Nərimanov rayonu ərazisində metal qəbulu məntəqələrinin birinin həyətindən mis və alüminium oğurlamaqda şübhəli bilinən O.İbrahimzadə saxlanılıb
Nərimanov RPİ 17-ci Polis Şöbəsi əməkdaşlarının keçirdikləri tədbirlərlə yanvarın 6-da rayon ərazisində metal qəbulu məntəqələrinin birinin həyətindən 1500 manat dəyərində mis və alüminium oğurlamaqda şübhəli bilinən Bakı şəhər sakini O.İbrahimzadə saxlanılıb. Araşdırma aparılır.
Sumqayıt şəhəri ərazisində iki marşrut avtobusundan soyğunçuluq və oğurluq törətməkdə şübhəli bilinən Kotec qəsəbə sakini olan yeniyetmə saxlanılıb
Sumqayıt ŞPİ-nin 3-cü və 4-cü Polis bölmələri əməkdaşlarının keçirdikləri tədbirlərlə yanvarın 9-da 1-ci mikrorayon ərazisində bir marşrut avtobusundan soyğunçuluq yolu ilə 80 manat pul talamaqda, digər marşrut avtobusundan isə 160 manat pul oğurlamaqda şübhəli bilinən Kotec qəsəbə sakini olan yeniyetmə müəyyən olunaraq saxlanılıb. Araşdırma aparılır.
Xızı rayonunun Sitalçay kənd sakini S.Səfərovdan marixuana aşkar olunaraq götürülüb
Xızı Rayon Polis Şöbəsi əməkdaşlarının keçirdikləri tədbirlərlə Sitalçay kənd sakini, əvvəllər narkotiklərlə əlaqəli cinayətə görə məhkum olunmuş S.Səfərovdan 460 qram marixuana aşkar olunaraq götürülüb.Araşdırma aparılır.
Tovuz rayonunun Məşədilər kənd sakini M.İsgəndərovdan marixuana götürülüb
Tovuz Rayon Polis Şöbəsi əməkdaşlarının keçirdikləri tədbirlərlə Məşədilər kənd sakini M.İsgəndərovdan 415 qram marixuana aşkar olunaraq götürülüb.Araşdırma aparılır.
Şirvanda saxta pul dövriyyəsi ilə məşğul olan dəstə üzvləri saxlanılıb
Şirvan Şəhər Polis Şöbəsinin əməkdaşlarının həyata keçirdikləri əməliyyat tədbirləri ilə şəhər ərazisində saxta pulların dövriyyəsində şübhəli bilinən iki nəfər saxlanılıb.Şöbə əməkdaşlarının daxil olan əməliyyat məlumatı əsasında keçirdikləri tədbirlər nəticəsində Bakı şəhər sakini, əvvəllər məhkum olunmuş Pərvin Abdullayev Şirvan şəhəri ərazisində saxlanılıb. Onun üzərinə keçirilən baxış zamanı 37 ədəd saxta 100 dollarlıq əskinazlar aşkar olunaraq götürülüb. Saxlanılan şəxs ifadəsində saxta əskinasları birgə qazanc əldə etmək məqsədilə tanışı Elyanur adlı şəxsdən əldə etdiyini bildirib.Əməliyyat tədbirlərinin davamı olaraq Şirvan şəhər sakini Elyanur Mirzəyev də saxlanılaraq istintaqa təhvil verilib.Faktla bağlı Şirvan ŞPŞ-nin İstintaq Bölməsində cinayət işi başlanılıb, araşdırmalar davam etdirilir.Saxlanılanların qanunsuz əməllərindən zərərçəkən başqa vətəndaşlar varsa, bu barədə polisə məlumat verə bilərlər.
Ölkəyə 29 kiloqram narkotik maddə gətirən “balıqçı” saxlanıldı
Polis əməkdaşları tərəfindən narkotik maddələrin qanunsuz dövriyyəsinin qarşısının alınması istiqamətində intensiv mübarizə tədbirləri davam etdirilir. Məlum olduğu kimi narkotacirlər mürəkkəb relyef şəraitindən və digər üsullardan istifadə edərək narkotikləri qaçaqmalçılıq yolu ilə ölkə ərazisinə keçirməyə cəhdlər edirlər. Baş Narkotiklərlə Mübarizə İdarəsi tərəfindən Neftçala rayonunda keçirilən növbəti tədbir zamanı balıqçılıq fəaliyyəti adı altında narkotiklərin qanunsuz dövriyyəsini təşkil edən əvvəllər məhkum olunmuş rayon sakini 1979-cu il təvəllüdlü Rəşad Nağıyev saxlanılıb. Həmin şəxsin üzərindən və yaşadığı evdən ümumilikdə 29 kiloqram, o cümlədən tərkibi psixotrop maddələrlə zənginləşdirilən 28 kiloqramdan artıq qurudulmuş marixuana və 1 kiloqram tiryək aşkar edilib. R.Nağıyev ölkəyə İran İslam Respublikasından qaçaqmalçılıq yolu ilə gətirilən narkotikləri Xəzər dənizinin Neftçala rayonu ərazisindən keçən hissəsində qarşılayaraq Bakı şəhərində ayrı-ayrı şəxslərə çatdırıb pul qazanmaq məqsədi ilə əldə etdiyini bildirib. Faktla bağlı cinayət işi başlanılıb, saxlanılan şəxs barəsində həbs qətimkan tədbiri seçilib. Əməliyyat-istintaq tədbirləri davam etdirilir.
Gün ərzində ölkə ərazisində qeydə alınan 82 cinayətin açılması təmin olunub
08.01.2024
Yanvarın 8-də ölkə ərazisində qeydə alınan 77, əvvəlki dövrlərdən bağlı qalan 5 cinayətin açılması daxili işlər orqanlarının əməkdaşları tərəfindən təmin olunub.
Polis əməkdaşları qanunsuz saxlanılan odlu silahların könüllü təhvil verilməsi ilə bağlı profilaktiki tədbirləri davam etdirir
Yanvarın 8-də polis əməkdaşları paytaxt və respublikanın ayrı-ayrı rayonlarında 7 ədəd avtomat, 1 tapança, 3 ədəd qumbara, 1 alışdırıcı, 30 ədəd müxtəlif markalı tüfəng, 10 patron darağı və 766 ədəd müxtəlif çaplı patron təhvil götürüblər.
