Bank kartından oğurluq 

22.02.2024

Yasamal rayonu ərazisində bir nəfərin içərisində pulu, bank kartları olan pulqabısının və mobil telefonunun oğurlanması, həmin bank kartından isə 469 manatının çıxarılması barədə polisə məlumat daxil olub.  Yasamal RPİ 26-cı Polis Bölməsi əməkdaşlarının keçirdikləri tədbirlərlə oğurluq əməlini törətməkdə şübhəli bilinən A.Əliyev və V.Şamıyev müəyyən olunaraq saxlanılıblar.

Bir nəfərin itirdiyi bank kartından 100 manat dəyərində alış-veriş etməkdə şübhəli bilinən T.Hüseynov və E.Eyubov saxlanılıblar

22.02.2024

Fevralın 17-də isə bir nəfərin itirdiyi bank kartından 100 manat dəyərində alış-veriş edilməsi barədə Nəsimi RPİ-nin 20-ci Polis Şöbəsinə məlumat daxil olub. Polis əməkdaşlarının keçirdikləri tədbirlərlə bu əməli törətməkdə şübhəli bilinən T.Hüseynov və E.Eyubov müəyyən olunaraq saxlanılıblar. Hər iki faktla bağlı araşdırma aparılır. 

Xəzər rayonunun Şağan qəsəbəsindəki evlərin birindən məişət əşyaları oğurlamaqda şübhəli bilinən B.İsmayılov və E.Əliyev saxlanılıblar

22.02.2024

Xəzər RPİ 1-ci Polis Şöbəsi əməkdaşlarının keçirdikləri tədbirlərlə Şağan qəsəbəsində evlərin birindən 1600 manat dəyərində məişət əşyaları oğurlamaqda şübhəli bilinən əvvəllər məhkum olunmuşlar  B.İsmayılov və E.Əliyev saxlanılıblar. Araşdırma aparılır. 

Qaradağ rayonunun Sahil qəsəbəsi ərazisində avtomobil kondisioneri oğurlamaqda şübhəli bilinən R.Əliyev saxlanılıb

22.02.2024

Qaradağ RPİ 38-ci Polis Bölməsi əməkdaşlarının keçirdikləri tədbirlərlə Sahil qəsəbəsi ərazisində 3000 manat dəyərində avtomobil kondisioneri oğurlamaqda şübhəli bilinən R.Əliyev saxlanılıb. Araşdırma aparılır. 

Gün ərzində ölkə ərazisində qeydə alınan 70 cinayətin açılması təmin olunub

21.02.2024

Fevralın 21-də ölkə ərazisində qeydə alınan 61, əvvəlki dövrlərdən bağlı qalan 9 cinayətin açılması daxili işlər orqanlarının əməkdaşları tərəfindən təmin olunub.

Polis əməkdaşları qanunsuz saxlanılan odlu silahların könüllü təhvil verilməsi ilə bağlı profilaktiki tədbirləri davam etdirir

21.02.2024

Fevralın 21-də polis əməkdaşları paytaxt və respublikanın ayrı-ayrı rayonlarında 3 ədəd müxtəlif markalı avtomat silahı, 2 qumbara, 18 ədəd müxtəlif markalı tüfəng, 3 patron darağı və 138 ədəd müxtəlif çaplı patron təhvil götürüblər. 

Xankəndi şəhəri ərazisində silah-sursat aşkar olunaraq götürülüb

21.02.2024

Polis əməkdaşlarının keçirdikləri tədbirlərlə fevralın 21-də Xankəndi şəhəri ərazisində 2 ədəd müxtəlif markalı avtomat silahı, 3 tüfəng, 10 ədəd qumbara, 16 patron darağı, 2950 ədəd müxtəlif çaplı patron və digər sursatlar aşkar olunaraq götürülüb.  

Ümumi çəkisi 3,4 kiloqramdan artıq narkotik vasitə aşkar olunaraq götürülüb

21.02.2024

Polis əməkdaşlarının keçirdikləri əməliyyat tədbirləri ilə fevralın 21-də ümumi çəkisi 3,4 kiloqramdan artıq narkotik vasitə aşkar olunaraq götürülüb.   Bu istiqamətdə qətiyyətli mübarizə tədbirləri davam etdirilir. 

Bank kartlarından oğurluq edənlər saxlanılıb 

21.02.2024

Polis əməkdaşlarının keçirdikləri tədbirlərlə müxtəlif vaxtlarda Bakı və Sumqayıt şəhərlərində 3 nəfərin bank kartlarından oğurluq etməkdə şübhəli bilinən 3 qadın saxlanılıb.     Fevralın 12-də paytaxt sakinləri olan bir nəfərin bank kartından 1850 manatını, digər bir nəfərin bank kartından 1000 manatını, Sumqayıt  şəhərində isə bir nəfərin bank kartından 150 manatını oğurlamaqda şübhəli bilinən 3 qadın polis əməkdaşları tərəfindən müəyyən olunaraq saxlanılıb.  Hər üç faktla bağlı araşdırma aparılır. 

Narkotiklə tutulan şəxslərin bank kartlarından oğurluq etmələri də müəyyən olunub 

21.02.2024

Sumqayıt ŞPİ 3-cü Polis Bölməsi əməkdaşlarının keçirdikləri əməliyyat tədbiri ilə əvvəllər məhkum olunmuşlar H.Yadigarlı və R.Səlimzadə saxlanılıblar. Onlardan metamfetamin aşkar olunaraq götürülüb.H.Yadigarlının müxtəlif vaxtlarda 2 nəfərin bank kartından ümumilikdə 650 manat, R.Səlimzadənin isə 2 nəfərin bank kartlarından ümumilikdə 200 manat pul oğurlaması, bir nəfəri isə aldadaraq 130 manat pulunu alması müəyyən olunub. Hər iki faktla bağlı araşdırma aparılır.