Paytaxtın Səbail rayonunda yerləşən restoranların birindən çanta oğurlamaqda şübhəli bilinən V.Bəylərova saxlanılıb

05.08.2024

İyulun 29-da paytaxtın Səbail rayonunda yerləşən restoranların birindən içərisində 12750 manat və qızıl qolbaq olan çantanın oğurlanması barədə polisə məlumat daxil olub.Səbail Rayon Polis İdarəsinin 9-cu Polis Bölməsi əməkdaşlarının keçirdikləri tədbirlər nəticəsində oğurluq əməlini törətməkdə şübhəli bilinən V.Bəylərova müəyyən olunaraq saxlanılıb.Araşdırma aparılır.

“Instagram” və “Telegram”-da yeni kiber üsullardan istifadə olunmaqla narkotiklərin satışını həyata keçirən 148 səhifənin bağlanması təmin edilib

05.08.2024

Son dövrlər müasir texnologiyaların sürətli inkişafı ilə bir sıra cinayətlərin ənənəvi üsullarla deyil, yeni texnoloji vasitələrdən istifadə olunmaqla törədilməsinə rast gəlinir. Xüsusilə narkotik vasitələrin qanunsuz dövriyyəsini təşkil edən transmilli şəbəkələrin cinayətkar fəaliyyətlərini kiberməkana keçirdiyi müşahidə olunmaqdadır.Daxili İşlər Nazirliyi Kibercinayətkarlıqla Mübarizə Baş İdarəsinin əməkdaşları tərəfindən internet resurslarında aparılan araşdırmalar nəticəsində sosial şəbəkələrdə narkotiklərin satışını həyata keçirən bir sıra səhifələr, qruplar və profillər müəyyən edilib. Qabaqlayıcı tədbirlər nəticəsində xarici ölkələrdən idarə edilən bu tipli 117 “Instagram” səhifəsinin və 31 “Telegram” kanalının bağlanması təmin edilib.Müəyyən olunub ki, həmin səhifələrin idarəçiləri şəbəkə üzvləri arasında məlumat mübadiləsini artıq gizli kanallar və şifrəli mesajlar göndərməklə həyata keçirirlər. Bu səhifələrə ilkin baxış zamanı hər hansı qeyri-leqal fəaliyyətlə məşğul olunduğuna dair şübhələr yaranmır. Həmin aktiv profillərin gizli fəaliyyətinin deşifrə olunması məqsədi ilə Baş İdarənin həyata keçirdiyi sonuncu tədbir zamanı sosial şəbəkə üzərindən narkotiklərin satışını təşkil edən səhifələrin bir neçəsinin adminləri 1986-cı il təvəllüdlü Fəqan Qasımov və 1982-ci il təvəllüdlü Minir Akçurin saxlanılıblar.Onlardan narkotiklərin satışını həyata keçirdikləri sosial şəbəkə hesablarının şifrələri, mobil nömrələr, xeyli sayda bank kartları, mobil telefon və iş üçün əhəmiyyət kəsb edən digər maddi sübutlar aşkarlanıb. Saxlanılan şəxslər narkotiklərin satışından əldə edilən külli miqdarda pul vəsaitini isə kriptovalyuta və digər elektron pul kisələri vasitəsi ilə leqallaşdırıblar.Aşkar olunan faktlarla bağlı Baş İdarədə cinayət işi başlanılıb. F.Qasımov və M.Akçurin barəsində məhkəmənin qərarı ilə həbs qətimkan tədbiri seçilib. Dəstənin digər üzvlərinin müəyyən olunaraq saxlanılması istiqamətində əməliyyat-texniki tədbirlər davam etdirilir.Daxili İşlər Nazirliyi valideynlərə müraciət edərərək bildirir ki, uşaqların kibertəhlüksizliyinin təmin olunmasının məsuliyyəti ilk növbədə onların üzərinə düşür. Övladlarınızı internetden təhlükəsiz istifadə qaydaları barədə məlumatlandırın və onları sosial mediada rastlaşa biləcəkləri zorakılıq, kriminal fəaliyyətin təbliğ olunduğu, zərərli kontentlərin reklam edildiyi səhifə və sosial şəbəkə hesabları ilə təmas qurmaqdan çəkindirin.

Gün ərzində ölkə ərazisində qeydə alınan 41 cinayətin açılması təmin olunub

04.08.2024

Avqustun 4 -də ölkə ərazisində qeydə alınan 36, əvvəlki dövrlərdən bağlı qalan 5 cinayətin açılması polis əməkdaşları tərəfindən təmin olunub.

Yasamal rayonu ərazisində mopedin üzərindən çanta, kaska və vizit kartları oğurlamaqda şübhəli bilinən A.Fəttahov saxlanılıb

04.08.2024

Avqustun 4-nə keçən gecə Yasamal rayonu ərazisində mopedin üzərindən çanta, kaska və vizit kartların oğurlanması barədə polisə məlumat daxil olub. Yasamal RPİ 29-cu Polis Şöbəsi əməkdaşlarının keçirdikləri tədbirlərlə oğurluq əməlini törətməkdə şübhəli bilinən A.Fəttahov müəyyən olunaraq saxlanılıb. Araşdırma aparılır.

Dələduzluq etməkdə şübhəli bilinən Y.Yaqubov saxlanılıb

04.08.2024

Quba rayonu ərazisindən bir nəfərin aldadılaraq “Mercedes” markalı avtomobilinin alınması barədə Quba Rayon Polis Şöbəsinə məlumat daxil olub.Polis əməkdaşlarının keçirdikləri tədbirlərlə dələduzluq etməkdə şübhəli bilinən Y.Yaqubov Göyçay rayonu ərazisində avtomobillə birgə saxlanılıb. Araşdırma aparılır. 

Ümumi çəkisi 82,5 kiloqrama yaxın narkotik vasitə aşkar olunaraq götürülüb

04.08.2024

Polis əməkdaşlarının keçirdikləri əməliyyat tədbirləri ilə avqustun 3-də və 4-də ümumi çəkisi 82,5 kiloqrama yaxın narkotik vasitə aşkar olunaraq götürülüb. Qanunsuz dövriyyədən çıxarılan narkotik vasitələr – 79,3 kiloqrama yaxın marixuana, 3,2 kiloqramdan çox yaxın metamfetamin, həmçinin 5767 ədəd metadon həbi və 10 ədəd kultivasiya yolu ilə yetişdirilmiş çətənə kolu olub.  Bu istiqamətdə qətiyyətli mübarizə tədbirləri davam etdirilir. 

Dələduzluğa görə axtarışda olan 9 nəfər saxlanılaraq istintaqa təhvil verilib

04.08.2024

Polis əməkdaşlarının avqustun 3-də və 4-də keçirdikləri əməliyyat tədbirləri ilə dələduzluğa görə axtarışda olan 9 nəfər saxlanılaraq istintaqa təhvil verilib. 

İtkin düşmüş kimi axtarışda olan 5 nəfər tapılaraq aidiyyəti üzrə təhvil verilib

04.08.2024

Avqust 3-də və 4-da polis əməkdaşlarının keçirdikləri tədbirlərlə itkin düşmüş kimi axtarışda olan 5 nəfər tapılaraq aidiyyəti üzrə təhvil verilib. 

Gün ərzində ölkə ərazisində qeydə alınan 38 cinayətin açılması təmin olunub

03.08.2024

Avqustun 3-də ölkə ərazisində qeydə alınan 35, əvvəlki dövrlərdən bağlı qalan 3 cinayətin açılması polis əməkdaşları tərəfindən təmin olunub.

Nizami rayonu ərazisində yerləşən evlərin birindən 4000 manat oğurlamaqda şübhəli bilinən S.Əkbərov saxlanılıb

03.08.2024

Nizami rayonu ərazisində yerləşən evlərin birindən 4000 manat oğurlanması barədə polisə məlumat daxil olub. Nizami RPİ 24-cü Polis Şöbəsi əməkdaşlarının keçirdikləri tədbirlərlə oğurluq əməlini törətməkdə şübhəli bilinən S.Əkbərov müəyyən olunaraq saxlanılıb. Araşdırma aparılır.