Nərimanov rayonunun Z.Bünyadov prospektində “Volkswagen” markalı avtomobillə piyada vurulub

02.07.2023

İyulun 2-də saat 22 radələrində Nərimanov rayonunun Z.Bünyadov prospektində Göygöl rayon sakini R.Məmmədov idarə etdiyi “Volkswagen” markalı avtomobillə yolu keçən 45-50 yaşlı kişini vurub və nəticədə piyada hadisə yerində ölüb.Nərimanov Rayon Polis İdarəsində araşdırma aparılır.

Beyləqan rayonunun Yeni Mil qəsəbəsi ərazisində “Daewoo” markalı avtomobil avtobus dayanacağına çırpılıb

02.07.2023

İyulun 2-də saat 18 radələrində Beyləqan rayonunun Yeni Mil qəsəbəsi ərazisində şəhər sakini H.Məmmədov idarə etdiyi “Daewoo” markalı avtomobili avtobus dayanacağına vurub. Nəticədə H.Məmmədov və sərnişini olan azyaşlı oğlu hadisə yerində ölüb, xəsarət alan digər iki sərnişini isə xəstəxanaya yerləşdirilib.Beyləqan Rayon Polis Şöbəsində araşdırma aparılır.

Şəki şəhəri ərazisində Balakən rayon sakini N.Umarov idarə etdiyi avtomobili ağaca vurub

02.07.2023

İyulun 2-də saat 18 radələrində Şəki şəhəri ərazisində Balakən rayon sakini N.Umarov idarə etdiyi “Dacia” markalı avtomobili ağaca vurub. Nəticədə avtomobildəki sərnişinlər A.Murtuzov və S.Seyidəliyeva hadisə yerində ölüblər.Şəki Şəhər Rayon Polis Şöbəsində araşdırma aparılır.

Salyan rayonunun Noxudlu kəndi ərazisində “Ford Transit” markalı yük avtomobilində sərnişin avtomobildən yıxılaraq hadisə yerində ölüb

02.07.2023

İyulun 2-də saat 9 radələrində Salyan rayonunun Noxudlu kəndi ərazisində Şərur rayon sakini Ə.Həsənovun idarə etdiyi “Ford Transit” markalı yük avtomobilində sərnişin - Salyan şəhər sakini 64 yaşlı F.Bağırova avtomobildən yıxılaraq hadisə yerində ölüb.Baş İstintaq və Təhqiqat İdarəsi tərəfindən araşdırma aparılır.

Bərdə rayonunun Qarağacı kəndi ərazisində “Mercedes” markalı avtomobillə velosiped sürən Samux kənd sakini B.Musayev vurulub

02.07.2023

İyulun 2-də saat 22 radələrində Bərdə rayonunun Qarağacı kəndi ərazisində kənd sakini M.Hüseynov idarə etdiyi “Mercedes” markalı avtomobillə qarşıda velosiped sürən Samux kənd sakini B.Musayevi vurub və nəticədə B.Musayev hadisə yerində ölüb.Bərdə Rayon Polis Şöbəsində araşdırma aparılır.

Bakı şəhər sakini olan bir qadını aldadaraq bank hesabından 4975 manatını çıxarmaqda şübhəli bilinən Saatlı rayon sakini K.Hüseynov saxlanılıb

02.07.2023

Yasamal RPİ 29-cu Polis Şöbəsi əməkdaşlarının daxil olan məlumat əsasında keçirdikləri əməliyyat tədbiri nəticəsində cari ilin yanvar ayında Bakı şəhər sakini olan bir qadını aldadaraq bank hesabından 4975 manatını çıxarmaqda şübhəli bilinən Saatlı rayon sakini K.Hüseynov müəyyən edilərək saxlanılıb. Araşdırma aparılır.

Şamaxı rayonu ərazisində ayrı-ayrı şəxslərə məxsus həyətlərdən mal-qara oğurlamağa cəhd etməkdə şübhəli bilinən Y.Zərbalıyev və qardaşı müəyyən edilərək saxlanılıblar

02.07.2023

Şamaxı Rayon Polis Şöbəsi əməkdaşlarının daxil olan məlumat əsasında keçirdikləri əməliyyat tədbiri nəticəsində rayon ərazisində müxtəlif vaxtlarda ayrı-ayrı şəxslərə məxsus 7 evin həyətindən ümumilikdə 18 baş qoyun və 1 baş inək oğurlamaqda, habelə bir nəfərə məxsus həyətdən 16 baş qoyunu oğurlamağa cəhd etməkdə şübhəli bilinən Çarhan kənd sakinləri Y.Zərbalıyev və qardaşı müəyyən edilərək saxlanılıblar. Araşdırma aparılır.

Mingəçevir şəhər sakini P.Eyyubovdan 3 kiloqrama yaxın heroin götürülüb

02.07.2023

Biləsuvar Rayon Polis Şöbəsi əməkdaşlarının əldə olunan məlumat əsasında keçirdikləri əməliyyat tədbiri nəticəsində Mingəçevir şəhər sakini P.Eyyubovdan 3 kiloqrama yaxın heroin götürülüb.

Şəmkir rayonunun Tatarlı kənd sakini S.Abdullayevə məxsus həyətyanı sahədən 70 ədəd çətənə kolu aşkar edilərək götürülüb

02.07.2023

Şəmkir Rayon Polis Şöbəsi əməkdaşlarının keçirdikləri “Xaşxaş-2023” şərti adlı kompleks əməliyyat-axtarış və profilaktiki tədbirlər nəticəsində Tatarlı kənd sakini S.Abdullayevə məxsus həyətyanı sahədən kultivasiya yolu ilə yetişdirilən 70 ədəd çətənə kolu aşkar edilərək götürülüb.

Gün ərzində ölkə ərazisində qeydə alınan 28 cinayətin açılması təmin olunub

01.07.2023

İyulun 1-də ölkə ərazisində qeydə alınan 28, əvvəlki dövrlərdən bağlı qalan 12 cinayətin açılması daxili işlər orqanlarının əməkdaşları tərəfindən təmin olunub.