Sabunçu rayonu Bakıxanov qəsəbəsi ərazisində yerləşən evlərin birindən oğurluq etməkdə şübhəli bilinən T.Zalov saxlanılıb

26.08.2024

Sabunçu rayonu Bakıxanov qəsəbəsi ərazisində yerləşən evlərin birindən 650 manat, 150 manat dəyərində tütün məmulatının oğurlanması barədə polisə məlumat daxil olub. Sabunçu RPİ 13-cü Polis Şöbəsi əməkdaşlarının keçirdikləri tədbirlərlə oğurluq əməlini törətməkdə şübhəli bilinən, əvvəllər məhkum olunmuş T.Zalov müəyyən olunaraq saxlanılıb. Araşdırma aparılır. 

Nəsimi rayonu H.Seyidzadə küçəsində yerləşən marketlərin birində ödəmə terminalından pul vəsaitini oğurlamaqda şübhəli bilinən E.Heybətov saxlanılıb

26.08.2024

Nəsimi rayonu H.Seyidzadə küçəsində yerləşən marketlərin birindən ödəmə terminalından pul vəsaitinin oğurlanması barədə polisə məlumat daxil olub. Nəsimi RPİ 19-cu Polis Şöbəsi əməkdaşlarının keçirdikləri tədbirlərlə oğurluq əməlini törətməkdə şübhəli bilinən E.Heybətov müəyyən olunaraq saxlanılıb. Araşdırma aparılır. 

Yasamal rayonu F.İbrahimbəyov küçəsində bir nəfərin 770 manat və mobil telefonunu oğurlamaqda şübhəli bilinən bir qrup şəxs saxlanılıb

26.08.2024

Yasamal rayonu F.İbrahimbəyov küçəsində bir nəfərin 770 manat və mobil telefonunun oğurlanması barədə polisə məlumat daxil olub. Yasamal RPİ 26-cı Polis Bölməsi əməkdaşlarının keçirdikləri tədbirlərlə oğurluq əməlini törətməkdə şübhəli bilinənlər O.Fətəliyev, əvvəllər məhkum olunmuşlar C.Axundov, T.Cabbarov müəyyən olunaraq saxlanılıb. Araşdırma aparılır. 

Sumqayıt şəhəri Corat qəsəbəsi ərazisində “Honda” markalı avtomobilin şüşələrini sındırmaqda şübhəli bilinən H.Behbudov saxlanılıb

26.08.2024

Sumqayıt şəhəri Corat qəsəbəsi ərazisində “Honda” markalı avtomobilin şüşələrinin sındırılması ilə bağlı polisə məlumat daxil olub. Sumqayıt ŞPİ 1-ci Polis Bölməsi əməkdaşlarının keçirdikləri tədbirlərlə avtomobilə 2000 manatlıq ziyan vurmaqda şübhəli bilinən, əvvəllər məhkum olunmuş H.Behbudov müəyyən olunaraq saxlanılıb.Araşdırma aparılır.

Xırdalan şəhəri ərazisində bir nəfəri aldadaraq hesabına 400 manat ödətdirməkdə şübhəli bilinən N.Kəngərli saxlanılıb

26.08.2024

Xırdalan şəhəri ərazisində bir nəfəri aldadaraq hesabına 400 manat ödətdirilməsi ilə bağlı  Abşeron Rayon Polis İdarəsinə məlumat daxil olub. Polis əməkdaşlarının keçirdikləri tədbirlərlə əməli törətməkdə şübhəli bilinən N.Kəngərli müəyyən olunaraq saxlanılıb. Araşdırma aparılır. 

Gəncə şəhərinin Natəvan-2 qəsəbəsi ərazisində yabanı halda bitmiş çətənə kolları məhv edilib

26.08.2024

Gəncə Şəhər Baş Polis İdarəsi 2-ci Polis Şöbəsi əməkdaşlarının keçirdikləri tədbirlərlə Natəvan-2 qəsəbəsi ərazisində yabanı halda bitmiş 1,7 tona yaxın çətənə kolu aşkar olunaraq məhv edilib.  

Paytaxt və respublikanın ayrı-ayrı rayonlarında qanunsuz saxlanılan odlu silahlar təhvil götürülüb

26.08.2024

Polis əməkdaşları qanunsuz saxlanılan odlu silahların könüllü təhvil verilməsi ilə bağlı profilaktik tədbirləri davam etdirir. Avqustun 26-da polis əməkdaşları paytaxt və respublikanın ayrı-ayrı rayonlarında 2 tapança, 2 tüfəng, 2 patron darağı və 8 ədəd müxtəlif çaplı patron təhvil götürüblər. 

Qanunsuz saxlanılan odlu silah-sursat aşkar edilərək götürülüb

26.08.2024

Qanunsuz saxlanılan odlu silah-sursatın aşkar olunaraq götürülməsi istiqamətində tədbirlər davamlı olaraq həyata keçirilir. Avqustun 26-da polis əməkdaşlarının keçirdikləri əməliyyat tədbirləri ilə qanunsuz saxlanılan 1 tapança, 7 tüfəng və 2 ədəd patron darağı aşkar edilərək götürülüb. 

Dələduzluğa görə axtarışda olan 4 nəfər saxlanılaraq istintaqa təhvil verilib

26.08.2024

Polis əməkdaşlarının avqustun 26-da keçirdikləri əməliyyat tədbirləri ilə dələduzluğa görə axtarışda olan 4 nəfər saxlanılaraq istintaqa təhvil verilib. 

İtkin düşmüş kimi axtarışda olan 4 nəfər tapılaraq aidiyyəti üzrə təhvil verilib

26.08.2024

Avqustun 26-da polis əməkdaşlarının keçirdikləri tədbirlərlə itkin düşmüş kimi axtarışda olan 4 nəfər tapılaraq aidiyyəti üzrə təhvil verilib.