Dövlət qurumları .gov.az domeni (məsələn, mia.gov.az) vasitəsilə əlaqə qurur.
Əlavə təhlükəsizlik tədbiri kimi, URL çubuğunda kilid işarəsinin və ya https:// prefiksinin mövcudluğunu yoxlayın. Həssas məlumatlarınızı yalnız rəsmi və təhlükəsiz saytlarda paylaşın.
Bakı şəhər Baş Polis İdarəsi
Baş Dövlət Yol Polisi İdarəsi
"Xəzri" istirahət və sağlamlıq mərkəzi
Daxili Qoşunların Baş İdarəsi
Baş Pasport, Qeydiyyat və Miqrasiya idarəsi
Polis Akademiyası
A.N.Heydərov adına Respublika Hospitalı
Şəxsi Heyətlə İş İdarəsi
İnsan Alverinə Qarşı Mübarizə Baş İdarəsi
Polis Qəzeti
Azərbaycan Respublikası Nazirlər Kabineti
Binəqədi rayonu Sulutəpə qəsəbəsi ərazisində yerləşən marketlərin birindən tütün məmulatını oğurlamaqda şübhəli bilinən G.Salahov saxlanılıb
29.08.2024
Avqustun 29-da gecə saatlarında Binəqədi rayonu Sulutəpə qəsəbəsi ərazisində yerləşən marketlərin birindən 2836 manat dəyərində tütün məmulatının oğurlanması barədə polisə məlumat daxil olub.Binəqədi RPİ 40-cı Polis Bölməsi əməkdaşlarının keçirdikləri tədbirlərlə əməli törətməkdə şübhəli bilinən əvvəllər məhkum olunmuş G.Salahov müəyyən olunaraq saxlanılıb.Araşdırma aparılır.
Binəqədi rayonu Novxanı qəsəbəsi ərazisində yerləşən əyləncə mərkəzlərinin birindən mobil telefon oğurlamaqda şübhəli bilinən 3 nəfər şəxs müəyyən olunub
Binəqədi rayonu Novxanı qəsəbəsi ərazisində yerləşən əyləncə mərkəzlərinin birindən 800 manat dəyərində mobil telefonun oğurlanması barədə polisə məlumat daxil olub. Binəqədi RPİ 43-cü Polis Bölməsi əməkdaşlarının keçirdikləri tədbirlərlə oğurluq əməlini törətməkdə şübhəli bilinən 3 nəfər yetkinlik yaşına çatmayan şəxs müəyyən olunub. Araşdırma aparılır.
Səbail rayonu ərazisində yerləşən istirahət mərkəzlərinin birindən qadına məxsus çantadan oğurluq etməkdə şübhəli bilinən A.İsrafilov saxlanılıb
Səbail RPİ-nin 41-ci Polis Bölməsinə rayon ərazisində yerləşən istirahət mərkəzlərinin birindən qadına məxsus çantadan 735 manat, 600 dollar və 1000 manat dəyərində qulaqlığın oğurlanması barədə məlumat daxil olub. Keçirilən tədbirlərlə əməli törətməkdə şübhəli bilinən A.İsrafilov polis əməkdaşları tərəfindən saxlanılıb. Araşdırma aparılır.
Yasamal rayonunda bir nəfərin bank kartından 220 manatını oğurlamaqda şübhəli bilinən S.Petruşov saxlanılıb
Yasamal rayonunda bir nəfərin bank kartından 220 manatının oğurlanması barədə polisə məlumat daxil olub. Yasamal RPİ 26-cı Polis Bölməsi əməkdaşlarının keçirdikləri tədbirlərlə əməli törətməkdə şübhəli bilinən S.Petruşov saxlanılıb. Yasamal RPİ 26-cı PB əməkdaşlarının keçiridikləri digər tədbirlərlə isə gözəllik salonlarının birindən qadına məxsus içərisində 1440 manat və sənədlər olan çantanı oğurlamaqda şübhəli bilinən şəxs də saxlanılıb. Hər iki faktla bağlı araşdırma aparılır.
“Instaqram”da tanış olduğu İran vətəndaşının pul müqabilində narokuryerlik təklifini qəbul edən şəxsdən 3 kiloqram heroin aşkarlanıb
Abşeron Rayon Polis İdarəsi və Saray Polis Bölməsinin əməkdaşları tərəfindən narkotik vasitələrin qanunsuz dövriyyəsinə qarşı həyata keçirilən növbəti əməliyyat zamanı 1993-cü il təvəllüdlü Elçin Əlizadə saxlanılıb. Onun üzərindən və avtomobilindən 3 kiloqramdan artıq narkotik vasitə heroin və psixotrop maddə metamfetamin aşkarlanaraq götürülüb. O, narkotik vasitələri satış məqsədilə sosial şəbəkələrdə tanış olduğu şəxsiyyəti araşdırılan İran vətəndaşından əldə etdiyini bildirib. Faktla bağlı Cinayət Məcəlləsinin müvafiq maddələri ilə cinayət işi başlanılıb, məhkəmənin qərarı ilə E.Əlizadə barəsində həbs qətimkan tədbiri seçilib.
Bank və alış-veriş platformalarına oxşar saytlar yaradaraq fişinq yolu ilə vətəndaşları kart məlumatlarının ələ keçirən kiberşəbəkə ifşa edilib
Daxili İşlər Nazirliyinə son dövrlər ödəniş sistemləri, online alış-veriş saytları və digər internet resurslarında yeni texnoloji vasitələrdən istifadə olunmaqla müştərilərin kart məlumatlarının ələ keçirilərək pul vəsaitlərinin oğurlandığı barədə vətəndaşlar tərəfindən çoxsaylı müraciətlər edilir. Kibercinayətkarlıqla Mübarizə Baş İdarəsinin əməkdaşları tərəfindən internet resurslarında aparılan araşdırmalar nəticəsində həyata keçirilən əməliyyat-texniki tədbirlərlə sosial şəbəkələrdə qanunsuz şəkildə fəaliyyət göstərərək fişinq yolu ilə vətəndaşların kart məlumatlarını əldə edərək xüsusilə külli miqdarda pul vəsaitləri oğurlayan daha bir dəstənin üzvləri Ərtoğrul Akdemir, Şamxal Abbasov, Qnyaz Həsənov və Sabir Hümmətzadə saxlanılıblar. Müəyyən olunub ki, dəstə üzvləri cinayət əlaqəsinə girərək banklar və alış-veriş platformalarına oxşar saxta saytlar hazırlayaraq guya banklar tərəfindən pul uduşlu lotereyalar keçirildiyi, bahalı telefon modellərinin dəyərindən aşağı qiymətə satışa çıxarıldığı barədə həqiqətəuyğun olmayan elanlar yerləşdiriblər. Dəstə üzvləri bu elanların geniş yayımı və daha çox vətəndaşın cəlb olunması üçün sosial şəbəkələrdə həmin linklərin ödənişli reklamlarını da təşkil ediblər.Vətəndaşlar saxta linklərə daxil olaraq özlərinə məxsus bank kartlarının məxfi və OTP təhlükəsizlik kodlarını təqdim edəndən sonra qrup üzvləri həmin şəxslərin mobil bank tətbiqlərinə daxil olaraq hesablardakı pulları oğurlayıblar. Saxlanılanlar şəxsiyyətlərinin müəyyən edilməməsi məqsədilə oğurlanmış vəsaitləri müxtəlif şəxslərdən ödəniş müqabilində ələ keçirdikləri kartlara köçürərək sonradan kriptovalyuta hesablarına göndəriblər.Nəzərə almaq lazımdır ki, kartını kibercinayətkarlara maddi maraq qarşılığında istifadəyə verən şəxs də həmin cinayətkar dəstələrin üzvü hesab edilir və qanun qarşısında məsuliyyət daşıyır.Baş İdarədə aparılan araşdırmalar, eləcə də dəstə üzvlərinin gizli şəkildə fəaliyyət göstərdikləri internet resurslarına baxış zamanı aşkar olunan maddi və elektron sübutlar əsasında onların 400-ə yaxın vətəndaşın kartından pul vəsaitləri oğurlayaraq onlara ümumilikdə 500.000 manata yaxın maddi ziyan vurduqları müəyyən edilib. Sonuncu əməliyyat zamanı saxlanılan Ərtoğrul Akdemir və Şamxal Abbasovun başçılıq etdiyi kiberdəstənin törətdiyi qanunsuz əməllərlə bağlı Baş İdarədə məhkəmənin qərarı ilə həbs qətimkan tədbiri seçilib, əməliyyat-texniki tədbirlər davam etdirilir.
Gün ərzində ölkə ərazisində qeydə alınan 39 cinayətin açılması təmin olunub
28.08.2024
Avqustun 28-də ölkə ərazisində qeydə alınan 38, əvvəlki dövrlərdən bağlı qalan 1 cinayətin açılması polis əməkdaşları tərəfindən təmin olunub.
Nərimanov rayonu Ə.Əliyev küçəsi ərazisində “VAZ-21011” markalı avtomobili qaçırmaqda şübhəli bilinən A.Əhmədov saxlanılıb
Avqustun 28-də Nərimanov rayonu Ə.Əliyev küçəsi ərazisində “VAZ-21011” markalı avtomobilin qaçırılması barədə polisə məlumat daxil olub. Nərimanov RPİ 17-ci Polis Şöbəsi əməkdaşlarının keçirdikləri tədbirlərlə nəqliyyat vasitəsini qaçırmaqda şübhəli bilinən, əvvəllər də dəfələrlə məhkum olunmuş A.Əhmədov avtomobillə birgə saxlanılıb. Araşdırma aparılır.
Xəzər rayonu Şüvəlan qəsəbəsi ərazisində yerləşən evlərin birindən oğurluq etməkdə şübhəli bilinən O.Əliyev saxlanılıb
Xəzər rayonu Şüvəlan qəsəbəsi ərazisində yerləşən evlərin birindən samovar, su mühərriki və təmir alətlərinin oğurlanması ilə bağlı polisə məlumat daxil olub.Polis əməkdaşlarının keçirdikləri tədbirlərlə oğurluq əməlini törətməkdə şübhəli bilinən O.Əliyev müəyyən olunaraq saxlanılıb. Araşdırma aparılır.
Sumqayıt şəhəri ərazisində yerləşən mağazaların birindən oğurluq etməkdə şübhəli bilinən R.Piriyev saxlanılıb
Sumqayıt şəhəri ərazisində yerləşən mağazaların birindən 80 manat, 1900 manat dəyərində kompyüter və mobil telefonun oğurlanması barədə polisə məlumat daxil olub. Sumqayıt Şəhər Polis İdarəsi əməkdaşlarının keçirdikləri tədbirlərlə oğurluq əməlini törətməkdə şübhəli bilinən, əvvəllər məhkum olunmuş R.Piriyev müəyyən olunaraq saxlanılıb. Araşdırma aparılır.
