Nərimanov rayonu ərazisindəki evlərin birindən 1100 ABŞ dolları oğurlamaqda şübhəli bilinən R.Mustafayev saxlanılıb

15.07.2023

Nərimanov RPİ 17-ci Polis Şöbəsi əməkdaşlarının keçirdikləri əməliyyat tədbiri nəticəsində rayon ərazisindəki evlərin birindən 1100 ABŞ dolları oğurlamaqda şübhəli bilinən Bakı şəhər sakini R.Mustafayev müəyyən olunaraq saxlanılıb. Araşdırma aparılır. 

Nəsimi rayonu ərazisində bir avtomobildən cüzdan oğurlamaqda şübhəli bilinən Gəncə şəhər sakini İ.Məmmədov saxlanılıb

15.07.2023

Nəsimi RPİ 20-ci Polis Şöbəsi əməkdaşlarının keçirdikləri əməliyyat tədbiri nəticəsində rayon ərazisində “Hyundai” markalı bir  avtomobildən içərisində pul olan cüzdan oğurlamaqda şübhəli bilinən Gəncə şəhər sakini, əvvəllər məhkum olunmuş İ.Məmmədov saxlanılıb. Araşdırma aparılır.

Xətai rayonunun Y.Əliyev küçəsində yerləşən enerji paylayıcı qurğudan avtomat açarlarını oğurlamaqda şübhəli bilinən F.Həsənov saxlanılıb, digər bir nəfərin isə şəxsiyyəti müəyyən olunub

15.07.2023

Xətai RPİ 37-ci Polis Şöbəsi əməkdaşlarının keçirdikləri əməliyyat tədbiri nəticəsində iyulun 3-də Y.Əliyev küçəsində yerləşən enerji paylayıcı qurğudan 18 ədəd avtomat açar oğurlamaqda şübhəli bilinən Cəlilabad rayon sakini Fuad Həsənov saxlanılıb, digər bir nəfərin isə şəxsiyyəti müəyyən olunub. Araşdırma aparılır. 

Sumqayıt şəhərinin H.Z.Tağıyev qəsəbəsi ərazisindən 11 ədəd dəmir borunu aparan 4 nəfər saxlanılıb

15.07.2023

Sumqayıt ŞPİ 2-ci Polis Bölməsinin əməkdaşları iyulun 15-də H.Z.Tağıyev qəsəbəsi ərazisindən 11 ədəd dəmir borunu “QAZ-24” markalı avtomobilə yükləyib aparan 4 nəfəri saxlayıb. Onların Abşeron rayon sakini, əvvəllər məhkum olunmuş S.Güləlizadə, Sumqayıt şəhər sakinləri Ə.Bədəlov, E.Qurbanov və əvvəllər məhkum olunmuş A.Həsənov olmaları məlum olub. Araşdırma aparılır. 

Ordubad rayon sakininə məxsus otbiçən və traktorun ehtiyat hissəsini oğurlamaqda şübhəli bilinən Naxçıvan şəhər sakini M.Əhmədov saxlanılıb

15.07.2023

Naxçıvan ŞPİ 1-ci Polis Bölməsi əməkdaşlarının keçirdikləri əməliyyat tədbiri nəticəsində iyulun 13-nə keçən gecə şəhər ərazisindən Ordubad rayon sakininə məxsus otbiçən və traktorun ehtiyat hissəsini oğurlamaqda şübhəli bilinən şəhər sakini M.Əhmədov saxlanılıb. Araşdırma aparılır. 

Şəmkir rayon sakinləri Z.Seyidovdan və N.Əliyevdən qanunsuz saxladıqları ov tüfəngləri götürülüb

15.07.2023

Şəmkir Rayon Polis Şöbəsi əməkdaşlarının keçirdikləri əməliyyat tədbiri nəticəsində Mahmudlu kənd sakini Z.Seyidovdan və Qapanlı kənd sakini N.Əliyevdən qanunsuz saxladıqları “İJ” markalı 2 ov tüfəngi götürülüb. Araşdırma aparılır. 

Əvvəllər məhkum olunmuş P.Quliyevdən heroin və tüfəng götürülüb

15.07.2023

Hacıqabul Rayon Polis Şöbəsi əməkdaşlarının keçirdikləri əməliyyat tədbiri nəticəsində saxlanılan əvvəllər məhkum olunmuş P.Quliyevdən heroin aşkar olunub. Davam etdirilən tədbirlərlə onun yaşadığı evə baxış zamanı oradan lüləsi və qundağı kəsilmiş “ZK” markalı tüfəng də götürülüb. Araşdırma aparılır. 

Ağcabədi şəhər sakini Ş.Cəmilovdan 430 qram marixuana götürülüb

15.07.2023

Ağcabədi Rayon Polis Şöbəsi əməkdaşlarının keçirdikləri əməliyyat tədbiri nəticəsində saxlanılan şəhər sakini Ş.Cəmilovdan 430 qram marixuana aşkar olunaraq götürülüb. Araşdırma aparılır. 

Samux rayonunun Sərkar kəndi ərazisində B.İsgəndərovun kultivasiya yolu ilə yetişdirdiyi çətənə kolları götürülüb

15.07.2023

Samux Rayon Polis Şöbəsi əməkdaşlarının keçirdikləri “Xaşxaş-2023” şərti adlı kompleks əməliyyat-axtarış və profilaktiki tədbirlər nəticəsində Sərkar kəndi ərazisində Gəncə şəhər sakini, əvvəllər məhkum olunmuş B.İsgəndərovun kultivasiya yolu ilə yetişdirdiyi 8 ədəd çətənə kolu aşkar olunaraq götürülüb.

Qax rayonunun Qaxingiloy kənd sakini T.Kasiaşvilidən 7 kiloqrama yaxın marixuana və 7 kiloqramdan artıq çətənə bitkisinin hissələri götürülüb

15.07.2023

Qax Rayon Polis Şöbəsi əməkdaşlarının keçirdikləri əməliyyat tədbiri nəticəsində Qaxingiloy kənd sakini, əvvəllər məhkum olunmuş T.Kasiaşvilidən 6 kiloqram 725 qram marixuana götürülüb. Davam etdirilən tədbirlərlə onun Fısdıqlı kəndi ərazisində meşəlik sahədə saxladığı əlavə 7 kiloqramdan artıq çətənə bitkisinin hissələri aşkar olunaraq götürülüb.