Dövlət qurumları .gov.az domeni (məsələn, mia.gov.az) vasitəsilə əlaqə qurur.
Əlavə təhlükəsizlik tədbiri kimi, URL çubuğunda kilid işarəsinin və ya https:// prefiksinin mövcudluğunu yoxlayın. Həssas məlumatlarınızı yalnız rəsmi və təhlükəsiz saytlarda paylaşın.
Bakı şəhər Baş Polis İdarəsi
Baş Dövlət Yol Polisi İdarəsi
"Xəzri" istirahət və sağlamlıq mərkəzi
Daxili Qoşunların Baş İdarəsi
Baş Pasport, Qeydiyyat və Miqrasiya idarəsi
Polis Akademiyası
A.N.Heydərov adına Respublika Hospitalı
Şəxsi Heyətlə İş İdarəsi
İnsan Alverinə Qarşı Mübarizə Baş İdarəsi
Polis Qəzeti
Azərbaycan Respublikası Nazirlər Kabineti
Paytaxt və respublikanın ayrı-ayrı rayonlarında qanunsuz saxlanılan odlu silahlar təhvil götürülüb
28.08.2024
Polis əməkdaşları qanunsuz saxlanılan odlu silahların könüllü təhvil verilməsi ilə bağlı profilaktik tədbirləri davam etdirir. Avqustun 28-də polis əməkdaşları paytaxt və respublikanın ayrı-ayrı rayonlarında 2 avtomat silahı, 7 tüfəng və 76 ədəd müxtəlif çaplı patron təhvil götürüblər.
Ümumi çəkisi 66,4 kiloqramdan çox narkotik vasitə aşkar olunaraq götürülüb
Polis əməkdaşlarının keçirdikləri əməliyyat tədbirləri ilə avqustun 28-də ümumi çəkisi 66,4 kiloqramdan çox narkotik vasitə aşkar olunaraq götürülüb. Qanunsuz dövriyyədən çıxarılan narkotik vasitələr – 2,5 kiloqrama yaxın heroin, 62,7 kiloqrama yaxın marixuana, 1,2 kiloqrama yaxın tiryək, həmçinin kultivasiya yolu ilə yetişdirilmiş 30 ədəd çətənə kolu və 14 preqabalin və 20 ədəd tramadol həbi olub. Bu istiqamətdə qətiyyətli mübarizə tədbirləri davam etdirilir.
Dələduzluğa görə axtarışda olan 8 nəfər saxlanılaraq istintaqa təhvil verilib
Polis əməkdaşlarının avqustun 28-də keçirdikləri əməliyyat tədbirləri ilə dələduzluğa görə axtarışda olan 8 nəfər saxlanılaraq istintaqa təhvil verilib.
İtkin düşmüş kimi axtarışda olan 4 nəfər tapılaraq aidiyyəti üzrə təhvil verilib
Avqustun 28-də polis əməkdaşlarının keçirdikləri tədbirlərlə itkin düşmüş kimi axtarışda olan 4 nəfər tapılaraq aidiyyəti üzrə təhvil verilib.
Suraxanıda saxlanılan şəxsdən 3 kq narkotik vasitə aşkarlanıb
Narkotik vasitələrin satışının və qanunsuz dövriyyəsinin qarşısının alınması məqsədi ilə Suraxanı Rayon Polis İdarəsinin 32-ci Polis Bölməsinin əməkdaşları tərəfindən növbəti əməliyyat həyata keçirilib. Tədbirlə əvvəllər dəfələrlə məhkum olunmuş 1990-cı il təvəllüdlü Cəsarət Nadirov saxlanılıb. Həmin şəxsdən 3 kiloqram marixuana aşkarlanıb. C.Nadirov ifadəsində narkotikləri satmaq niyyəti ilə əldə etdiyini bildirib.Faktla bağlı cinayət işi başlanılıb, məhkəmənin qərarı ilə saxlanılan şəxs barəsində həbs qətimkan tədbiri seçilib.
Gün ərzində ölkə ərazisində qeydə alınan 34 cinayətin açılması təmin olunub
27.08.2024
Avqustun 27-də ölkə ərazisində qeydə alınan 32, əvvəlki dövrlərdən bağlı qalan 2 cinayətin açılması polis əməkdaşları tərəfindən təmin olunub.
Bir nəfərin bank kartından 500 manatını oğurlamaqda şübhəli bilinən A.Abbasov saxlanılıb
Yasamal RPİ-nin 26-cı Polis Bölməsinə bir nəfərin bank kartından 500 manatının oğurlanması barədə məlumat daxil olub. Polis əməkdaşlarının keçirdikləri tədbirlərlə oğurluq əməlini törətməkdə şübhəli bilinən A.Abbasov müəyyən olunaraq saxlanılıb. Araşdırma aparılır.
Bir nəfəri aldadaraq hesabına 200 manat ödətdirməkdə şübhəli bilinən K.Kərimzadə saxlanılıb
Nəsimi RPİ-nin 19-cu Polis Şöbəsinə bir nəfəri aldadaraq hesabına 200 manat ödətdirilməsi barədə məlumat daxil olub. Polis əməkdaşlarının keçirdikləri tədbirlərlə əməli törətməkdə şübhəli bilinən K.Kərimzadə müəyyən olunaraq saxlanılıb. Araşdırma aparılır.
Binəqədi rayonu ərazisində yerləşən evlərin birindən 2 ədəd mobil telefon oğurlamaqda şübhəli bilinən S.Xəlilov saxlanılıb
Binəqədi rayonu ərazisində yerləşən evlərin birindən 2 ədəd mobil telefonun oğurlanması barədə polisə məlumat daxil olub. Keçirilən tədbirlərlə oğurluq əməlini törətməkdə şübhəli bilinən, əvvəllər oğurluq və narkotiklərlə əlaqəli cinayətlərə görə məhkum olunmuş S.Xəlilov müəyyən edilərək saxlanılıb. Onun ayrı-ayrı vaxtlarda başqa şəxslərin də mobil telefonlarını oğurlanması müəyyən olunub. Araşdırma aparılır.
Qaradağ rayonu Qızıldaş qəsəbəsi ərazisində yerləşən ticarət obyektlərinin birindən oğurluq etməkdə şübhəli bilinən şəxslər saxlanılıblar
Qaradağ rayonu Qızıldaş qəsəbəsi ərazisində yerləşən ticarət obyektlərinin birindən 1610 manat dəyərində 2 ədəd akkumulyator, qaynaq aparatı və digər ləvazimatların oğurlanması barədə polisə məlumat daxil olub. Qaradağ RPİ 38-ci Polis Bölməsi əməkdaşlarının keçirdikləri tədbirlərlə oğurluq əməlini törətməkdə şübhəli bilinən E.Quliyev, A.Nəzərov və əvvəllər məhkum olunmuş T.Məhərrəmov müəyyən olunaraq saxlanılıblar. Araşdırma aparılır.
