Nərimanov rayonu ərazisindəki evlərin birindən oğurluq etməkdə şübhəli bilinən Ağstafa rayon sakini A.Ələkbərov müəyyən olunaraq saxlanılıb

08.08.2023

Avqustun 4-də Nərimanov rayonu ərazisindəki evlərin birindən 8.500 manat, 11.000 dollar pul və 13.000 manat dəyərində qızıl-zinət əşyalarının oğurlanması barədə polisə məlumat daxil olub. Bakı Şəhər Baş Polis İdarəsi və Nərimanov RPİ 17-ci Polis Şöbəsi əməkdaşlarının keçirdikləri əməliyyat tədbiri nəticəsində oğurluq əməlini törətməkdə şübhəli bilinən Ağstafa rayon sakini A.Ələkbərov müəyyən olunaraq saxlanılıb. Araşdırma aparılır. 

Qaradağ rayonunun Lökbatan qəsəbəsi ərazisindəki lotereya satışı məntəqələrinin birindən lotereya biletlərini oğurlamaqda şübhəli bilinən Bakı şəhər sakini V.Salmanov saxlanılıb

08.08.2023

Avqustun 8-də Qaradağ rayonunun Lökbatan qəsəbəsi ərazisində lotereya satışı məntəqələrinin birindən 420 manat dəyərində lotereya bileti oğurlamaqda şübhəli bilinən Bakı şəhər sakini V.Salmanov Qaradağ Rayon Mühafizə İdarəsinin əməkdaşları tərəfindən saxlanılaraq 10-cu Polis Şöbəsinə təhvil verilib. Araşdırma aparılır. 

Nəsimi rayonunun S.Vurğun küçəsində bir avtomobildən mobil telefon oğurlamaqda şübhəli bilinən Tovuz rayon sakini R.Quliyev saxlanılıb

08.08.2023

Nəsimi RPİ 21-ci Polis Bölməsi əməkdaşlarının keçirdikləri əməliyyat tədbiri nəticəsində avqustun 2-də S.Vurğun küçəsində “Daewoo” markalı bir avtomobildən mobil telefon oğurlamaqda şübhəli bilinən Tovuz rayon sakini, əvvəllər məhkum olunmuş R.Quliyev saxlanılıb. Araşdırma aparılır. 

Binə qəsəbəsinin Atçılıq yaşayış sahəsindən “Mercedes” markalı bir avtomobili qaçırmaqda şübhəli bilinən iki şəxs Nizami rayonu ərazisində avtomobillə saxlanılıblar

08.08.2023

Avqustun 7-də saat 23 radələrində Binə qəsəbəsi Atçılıq yaşayış sahəsindən “Mercedes” markalı bir avtomobilin qaçırılması barədə Xəzər RPİ-nin 2-ci Polis Şöbəsinə məlumat daxil olub. Polis əməkdaşlarının keçirdikləri əməliyyat tədbirləri nəticəsində nəqliyyat vasitəsini qaçırmaqda şübhəli bilinən Bakı şəhər sakinləri Ə.Kərimov və sərnişini V.Qəribov Nizami rayonu ərazisində avtomobillə saxlanılıblar.Araşdırma aparılır. 

Şəmkir rayonunun Mahmudlu kənd sakini X.Qurbanovdan qanunsuz saxladığı ov tüfəngi götürülüb

08.08.2023

Şəmkir Rayon Polis Şöbəsi əməkdaşlarının keçirdikləri əməliyyat tədbiri nəticəsində Mahmudlu kənd sakini X.Qurbanovdan qanunsuz saxladığı “İJ” markalı ov tüfəngi götürülüb. Araşdırma aparılır. 

Beyləqan rayonunun Əlinəzərli kənd sakini V.Şükürovdan qanunsuz saxladığı ov tüfəngi götürülüb

08.08.2023

Beyləqan Rayon Polis Şöbəsi əməkdaşlarının keçirdikləri əməliyyat tədbiri nəticəsində Əlinəzərli kənd sakini V.Şükürovdan qanunsuz saxladığı “İJ” markalı ov tüfəngi götürülüb. Araşdırma aparılır. 

İmişli rayonunun Murğuzallı kənd sakini S.Əliyevdən qanunsuz saxladığı ov tüfəngi götürülüb

08.08.2023

İmişli Rayon Polis Şöbəsi əməkdaşlarının keçirdikləri əməliyyat tədbiri nəticəsində Murğuzallı kənd sakini S.Əliyevdən qanunsuz saxladığı “Toz” markalı ov tüfəngi götürülüb. Araşdırma aparılır. 

Gəncə şəhər sakini E.Əliyevin yaşadığı evin həyətyanı sahəsindən çətənə kolları və marixuana götürülüb

08.08.2023

Gəncə Şəhər Baş Polis İdarəsinin 1-ci Polis Şöbəsi əməkdaşlarının keçirdikləri əməliyyat tədbiri nəticəsində borclu qismində axtarışda olan şəhər sakini, əvvəllər məhkum olunmuş E.Əliyev saxlanılıb. Onun yaşadığı evin həyətyanı sahəsindən kultivasiya yolu ilə yetişdirilən 2 ədəd çətənə kolu və 740 qram marixuana aşkar olunaraq götürülüb. Araşdırma aparılır. 

Hacıqabul rayonunun Kürçülü kənd sakini R.Dadaşova məxsus həyətyanı sahədən çətənə kolları, yaşadığı evdən isə marixuana götürülüb

08.08.2023

Hacıqabul Rayon Polis Şöbəsi əməkdaşlarının keçirdikləri əməliyyat tədbiri nəticəsində Kürçülü kənd sakini, əvvəllər məhkum olunmuş R.Dadaşova məxsus həyətyanı sahədən kultivasiya yolu ilə yetişdirilən 6 ədəd çətənə kolu, yaşadığı evə baxış zamanı isə 205 qram marixuana aşkar olunaraq götürülüb. Araşdırma aparılır. 

Gədəbəy rayonunun Söyüdlü kəndi ərazisində yabanı halda bitən çətənə kolları aşkar olunaraq məhv edilib

08.08.2023

Gədəbəy Rayon Polis Şöbəsi əməkdaşlarının keçirdikləri “Xaşxaş-2023” şərti adlı kompleks əməliyyat-axtarış və profilaktiki tədbirlər nəticəsində Söyüdlü kəndi ərazisində yabanı halda bitən 2,1 ton çəkidə 1851 ədəd çətənə kolu aşkar olunaraq məhv edilib.