Lənkəran şəhər sakini R.Əkbərov 50 qram heroini satarkən saxlanılmışdır

14.01.2022

Lənkəran ŞRPŞ əməkdaşlarının daxil olmuş məlumat əsasında keçirdikləri əməliyyat tədbiri nəticəsində şəhər sakini, əvvəllər məhkum olunmuş R.Əkbərov 50 qram heroini satarkən saxlanılmışdır.Polis əməkdaşları tərəfindən ona məxsus “VAZ-2106” markalı avtomobilə baxış zamanı oradan əlavə 6 kiloqram 20 qram heroin, 1 kiloqram 250 qram metamfetamin, 1 kiloqram 995 qram marixuana və 1 ədəd elektron tərəzi aşkar edilərək götürülmüşdür.  

Göyçay şəhər sakini T.Həsənovun evindən heroin, metamfetamin və 10 ədəd metadon həbləri aşkar edilərək götürülmüşdür

14.01.2022

Göyçay RPŞ əməkdaşlarının daxil olmuş məlumat əsasında şəhər sakini, əvvəllər məhkum olunmuş T.Həsənovun evində keçirdikləri əməliyyat-axtarış tədbiri nəticəsində oradan heroin, metamfetamin və 10 ədəd metadon həbləri aşkar edilərək götürülmüşdür. 

Binəqədi rayonunun M.Ə.Rəsulzadə qəsəbəsi ərazisində yerləşən bir inzibati məntəqədən oğurluq törətməkdə şübhəli bilinən Bakı şəhər sakinləri V.Stepaşkin saxlanılmışdır

14.01.2022

Binəqədi RPİ 4-cü Polis Şöbəsi əməkdaşlarının keçirdikləri əməliyyat tədbiri nəticəsində M.Ə.Rəsulzadə qəsəbəsi ərazisində yerləşən bir inzibati məntəqədən 1644 manat dəyərində 2 ədəd dəmir dolab və generator oğurlamaqda şübhəli bilinən Bakı şəhər sakinləri, əvvəllər məhkum olunmuş V.Stepaşkin saxlanılmışdır. Ətrafında aparılan tədbirlərlə onun M.Ə.Rəsulzadə qəsəbəsi ərazisində yerləşən marketlərin birindən 873 manat dəyərində spirtli içkilər oğurlaması da müəyyən edilmişdir. 

Suraxanı rayonunun Bülbülə qəsəbəsindən “Mercedes Vito” markalı avtomobili qaçırmaqda şübhəli bilinən A.Quliyev müəyyən edilərək saxlanılmışdır

14.01.2022

Suraxanı RPİ-nin 31-ci Polis Bölməsinə yanvarın 13-də Bülbülə qəsəbəsindən A.Bayramovaya məxsus “Mercedes Vito” markalı avtomobilin qaçırılması barədə məlumat daxil olmuşdur. Polis əməkdaşlarının keçirdikləri əməliyyat-axtarış tədbirləri nəticəsində nəqliyyat vasitəsini qaçırmaqda şübhəli bilinən Şüvəlan qəsəbə sakini, əvvəllər məhkum olunmuş A.Quliyev müəyyən edilərək saxlanılmışdır. Araşdırma aparılır. 

Masallı şəhəri ərazisindən “VAZ-2103” markalı avtomobili qaçırmaqda şübhəli bilinən H.İbrahimov müəyyən edilərək saxlanılmışdır

14.01.2022

Masallı Rayon Polis Şöbəsinə yanvarın 14-nə keçən gecə şəhər ərazisindən A.Rəhimliyə məxsus “VAZ-2103” markalı avtomobilin qaçırılması barədə məlumat daxil olmuşdur. Polis əməkdaşlarının keçirdikləri əməliyyat-axtarış tədbirləri nəticəsində nəqliyyat vasitəsini qaçırmaqda şübhəli bilinən Ətcələr kənd sakini H.İbrahimov müəyyən edilərək saxlanılmışdır.Masallı RPŞ-də araşdırma aparılır. 

Abşeron rayonu ərazisində 5 evdən və 1 avtomobildən oğurluq etməkdə şübhəli bilinən T.Dəmir oğlu saxlanılmışdır

14.01.2022

Abşeron Rayon Polis İdarəsi əməkdaşlarının keçirdikləri əməliyyat-axtarış tədbirləri nəticəsində müxtəlif vaxtlarda rayon ərazisində 5 evdən kombi, radiator, məişət əşyaları və təmir-tikinti alətləri, qızıl-zinət əşyaları və pul, 1 avtomobildən isə sənəd oğurlamaqda şübhəli bilinən Masazır qəsəbə sakini, əvvəllər məhkum olunmuş T.Dəmir oğlu saxlanılmışdır.Araşdırma aparılır. 

Biləsuvar rayonu ərazisində 5 həyətyanı sahədən və 1 mağazadan oğurluqda etməkdə şübhəli bilinən B.Ağazadə saxlanılmışdır

14.01.2022

Biləsuvar Rayon Polis Şöbəsi əməkdaşlarının keçirdikləri əməliyyat-axtarış tədbirləri nəticəsində müxtəlif vaxtlarda rayon ərazisində 5 həyətyanı sahədən və yardımçı təsərrüfatdan ümumilikdə 70-ə yaxın ev quşu, 3 evdən pul, məişət və geyim əşyaları, 1 mağazadan isə pul və 1500 manat dəyərində tütün məmulatı oğurlamaqda şübhəli bilinən şəhər sakini, əvvəllər məhkum olunmuş B.Ağazadə saxlanılmışdır. 

Ağcabədi rayonunun Poladlı kənd sakini E.Vəliyevin idarə etdiyi avtomobil aşmışdır

14.01.2022

Yanvarın 14-də saat 21 radələrində Ağcabədi rayonunun Poladlı kəndi ərazisində kənd sakini E.Vəliyev idarə etdiyi “VAZ-2106” markalı avtomobili aşırmışdır. Nəticədə sərnişini olan 4 yaşlı oğlu Ramal hadisə yerində ölmüş, özünə isə xəstəxanada ilkin tibbi yardım göstərilmişdir. Ağcabədi RPŞ-də araşdırma aparılır.  

Sabunçu rayonunda narkokuryerliklə məşğul olan “bloger” saxlanılıb

14.01.2022

Sabunçu Rayon Polis İdarəsinin 15-ci Polis Bölməsinin əməkdaşlarının həyata keçirdikləri əməliyyat nəticəsində Zabrat qəsəbəsində narkotik maddələrin qanunsuz dövriyyəsi ilə məşğul olan Abşeron rayon sakini Röyal Yusibov saxlanılıb. Onun üzərinə və əlindəki bağlamaya baxış zamanı 3 kiloqramdan artıq marixuana və 515 qram yüksək təsiredici xassəyə malik heroin aşkar edilib. Bu şəxs ifadəsində “İnstagram” sosial şəbəkəsində blogerliklə məşğul olduğunu və orada xarici ölkələrdən birinin vətəndaşı ilə tanış olaraq onun vasitəçiliyi ilə narkokuryerliyə cəlb edildiyini bildirib. Qeyd edək ki, Röyal Yusibov narkotik vasitələri əldə edəndən sonra pulunu həmin şəxsə onlayn yolla göndərməli imiş. O, Zabrat qəsəbəsində təyin edilən yerdən narkotik vasitələri götürərək oradan uzaqlaşmaq istəyərkən daxil olmuş əməliyyat məlumatı əsasında polislər tərəfindən saxlanılaraq  Bölməyə gətirilib.15-ci Polis Bölməsinin əməkdaşlarının həyata keçirdikləri növbəti əməliyyatlar zamanı Zabrat və Pirşağı qəsəbələrində narkotik vasitələrin qanunsuz dövriyyəsi ilə məşğul olan daha iki nəfər – Xəyal Abdullayev və Seymur İslamov da saxlanılıb. Bu şəxslərdən də narkotik maddə olan heroin aşkar olunub. Faktlarla bağlı 15-ci Polis Bölməsində toplanan materiallar Sabunçu RPİ-nin İstintaq Şöbəsinə göndərilib, araşdırmalar davam etdirilir.Narkotik vasitələrin Sabunçu  rayonu ərazisində qanunsuz dövriyyəsinin qarşısının alınması və bu şəxslərin daxil olduğu şəbəkənin digər üzvlərinin aşkar olunması istiqamətində əməliyyat-axtarış tədbirləri davam etdirilir.

Sabunçu rayonunda işlədiyi obyektdən və evdən ümumilikdə 8 min manatlıq oğurluq edən şəxslər saxlanılıblar

14.01.2022

Sabunçu Rayon Polis İdarəsinin 15-ci Polis Bölməsinin əməkdaşlarının həyata keçirdikləri əməliyyat nəticəsində Zabrat qəsəbəsində yerləşən obyektlərdən birindən 5 min manat dəyərində  metal konstruksiyalar oğurlayan şəxslər saxlanılıblar. Əməliyyat zamanı həmin obyektdə gözətçi işləyən əvvəllər məhkum olunmuş Muraz Süleynmanov, onun tanışları Fərid Qurbanov və Samir Dünyamalıyev tutulublar. Araşdırma zamanı onların M.Süleymanovun təklifi ilə həmin obyektdən iki dəfə metal konstruksiyalar oğurladıqları məlum olub.Sabunçu Rayon Polis İdarəsinin 15-ci Polis Bölməsinin əməkdaşlarının həyata keçirdikləri digər bir əməliyyat zamanı rayon ərazisində yeni tikilməkdə olan evlərdən birindən ümumilikdə 3 min manatlıq təmir-tikinti ləvazimatları, həmçinin digər əşyalar oğurlayan Novruz Hacıyev saxlanılıb. Qeyd edək ki, Novruz Hacıyev hadisə baş verən evdə usta işləyib. Faktlarla bağlı 15-ci Polis Bölməsində toplanan materiallar Sabunçu RPİ-nin İstintaq Şöbəsinə göndərilib, araşdırmalar davam etdirilir. Bu şəxslərin digər analoji cinayətlər etdikləri də istisna olunmur. Onların əməllərindən zərərçəkən başqa vətəndaşlar varsa, bu barədə ərazi üzrə polis idarə, şöbə və bölmələrinə, habelə DİN-in “102” Zəng Mərkəzinə məlumat verə bilərlər.