Dövlət qurumları .gov.az domeni (məsələn, mia.gov.az) vasitəsilə əlaqə qurur.
Əlavə təhlükəsizlik tədbiri kimi, URL çubuğunda kilid işarəsinin və ya https:// prefiksinin mövcudluğunu yoxlayın. Həssas məlumatlarınızı yalnız rəsmi və təhlükəsiz saytlarda paylaşın.
Bakı şəhər Baş Polis İdarəsi
Baş Dövlət Yol Polisi İdarəsi
"Xəzri" istirahət və sağlamlıq mərkəzi
Daxili Qoşunların Baş İdarəsi
Baş Pasport, Qeydiyyat və Miqrasiya idarəsi
Polis Akademiyası
A.N.Heydərov adına Respublika Hospitalı
Şəxsi Heyətlə İş İdarəsi
İnsan Alverinə Qarşı Mübarizə Baş İdarəsi
Polis Qəzeti
Azərbaycan Respublikası Nazirlər Kabineti
Sabunçu rayonu Bakıxanov qəsəbəsi ərazisində yol-nəqliyyat hadisəsi
19.12.2021
Dekabrın 19-da saat 22 radələrində Sabunçu rayonu Bakıxanov qəsəbəsi ərazisində Bakı şəhər sakini O.Yusubov idarə etdiyi “KİA” markalı avtomobillə yolu keçən Sabirabad rayon sakinləri Xəzəngül Feyziyevanı, oğlu Qəribağanı və gəlini Fəridəni vurmuşdur. Nəticədə onlar xəstəxanaya yerləşdirilmiş, X.Feyziyeva ölmüşdür. Sabunçu RPİ-də araşdırma aparılır.
Lökbatan qəsəbəsindəki kənd təsərrüfatı bazarında oğurluq etməkdə şübhəli bilinən Ağdaş rayon sakini S.Əliyev saxlanılmışdır
Dekabrın 19-da saat 2 radələrində Qaradağ rayonunun Lökbatan qəsəbəsindəki kənd təsərrüfatı bazarında Salyan rayon sakini Z.Nuruşova məxsus 12 yeşik nar məhsulunu oğurlamağa cəhd göstərən şəxs Qaradağ Rayon Mühafizə İdarəsinin əməkdaşları tərəfindən saxlanılıb. 10-cu Polis Bölməsinə təhvil verilən şəxsin Ağdaş rayon sakini S.Əliyev olması müəyyən edilib. Ətrafında aparılan tədbirlərlə onun dekabrın 17-də həmin bazarda V.Zeynalova məxsus 18 kisə xiyarı oğurlaması da müəyyən edilib.Araşdırma aparılır.
Ailə üzvlərini hədələyərək öldürməkdə şübhəli bilinən Cəlilabad şəhər sakini Faiq Quliyev saxlanılmışdır
Dekabrın 19-da DİN-in “102 Zəng Mərkəzi”nə zəng edən Cəlilabad şəhər sakini F.Quliyev yaşadığı evdə atası, əvvəllər məhkum olunmuş Faiqin sərxoş vəziyyətdə münaqişə yaratdığını və onları öldürməklə hədələdiyini bildirmişdir.Dərhal Cəlilabad Rayon Polis Şöbəsinin əməkdaşları həmin ünvana gəlmişlər. F.Quliyev nizam-intizama dəvət olunmuş, lakin o, polis əməkdaşlarını təhqir etmiş və qaz sobasının üzərindən götürdüyü dəmir tava ilə polis əməkdaşlarından birinə xəsarət yetirmişdir.F.Quliyev saxlanılmışdır. Faktla əlaqədar Cinayət Məcəlləsinin 221.3-cü maddəsi ilə (Xuliqanlıq - silahdan və ya silah qismində istifadə olunan əşyalardan istifadə edilməklə törədilməsi zərər çəkmiş şəxsə zor tətbiq olunması ilə, yaxud özgənin əmlakının məhv edilməsi və ya zədələnməsi ilə müşayiət olunduqda) cinayət işi başlanmışdır.Xəsarət almış polis əməkdaşına xəstəxanada ilkin tibbi yardım göstərilmişdir.
Qanunsuz saxlanılan silah-sursatla bağlı əməliyyat tədbirləri davam etdirilir
Polis əməkdaşlarının əldə edilən məlumatlar əsasında keçiridikləri əməliyyat tədbirləri nəticəsində dekabrın 18-də və 19-da respublikanın ayrı-ayrı rayonlarında vətəndaşlardan qanunsuz saxladıqları müxtəlif markalı ümumilikdə 21 ədəd ov tüfəngi götürülüb. Aparılan profilaktiki tədbirlər nəticəsində qanunsuz saxlanılan 8 silah könüllü olaraq polisə təhvil verilib.Faktlar üzrə polis şöbələrində müvafiq araşdırmalar aparılır.
Koronavirus xəstələri ictimai yerlərdə aşkar edilərək saxlanılıblar
Dekabrın 18-də və 19-da polis əməkdaşları tərəfindən respublika ərazisində 9 nəfər aktiv koronavirus xəstəsi ictimai yerlərdə aşkar edilərək saxlanılıblar. Polis əməkdaşları "COVİD-19" virusuna yoluxaraq ev şəraitində müalicədə olmasına baxmayaraq yaşadığı evləri tərk etmiş həmin şəxslərlə izahedici söhbətlər aparıb, tibbi prosedurları gözləməklə yaşadığı evlərə qaytarıb və bu barədə müvafiq səhiyyə qurumları məlumatlandırılıb.
Gün ərzində törədilmiş 45 cinayətin üstü “isti izlər”lə açılmışdır
18.12.2021
- Respublikanın daxili işlər orqanları tərəfindən gün ərzində törədilmiş 45 cinayətin üstü “isti izlər”lə açılmışdır. - Əvvəlki dövrlərdən bağlı qalmış 6 cinayətin açılması təmin olunmuşdur. - Axtarışda olduğuna görə ümumilikdə 49 nəfər, o cümlədən borclu şəxs qismində axtarışda olan 38 nəfər saxlanılaraq aidiyyəti üzrə təhvil verilmişdir. - Respublikanın avtomobil yollarında 2 yol-nəqliyyat hadisəsi baş vermiş, nəticədə 2 nəfər ölmüşdür. - Daxili işlər orqanları əməkdaşlarının həyata keçirdikləri əməliyyat-axtarış tədbirləri nəticəsində narkotiklərlə əlaqəli 16, qanunsuz saxlanılan silah-sursatla bağlı 16 fakt müəyyən edilmişdir. - Cinayət törətməkdə şübhəli bilinən 41 nəfər saxlanılmışdır.
Şamaxı elektrik şəbəkəsinə məxsus 1350 metr elektrik naqilini oğurlamaqda şübhəli bilinən V.Quliyev saxlanılmışdır
Şamaxı RPŞ əməkdaşlarının keçirdikləri əməliyyat-axtarış tədbiri nəticəsində Şamaxı elektrik şəbəkəsinə məxsus 8815 manat dəyərində 1350 metr elektrik naqilini oğurlamaqda şübhəli bilinən şəhər sakini, əvvəllər məhkum olunmuş V.Quliyev saxlanılmışdır.
Sumqayıt şəhər sakini F.Əlizadənin idarə etdiyi avtomobildən heroin, metamfetamin və marixuana götürülmüşdür
Binəqədi RPİ 6-cı PB əməkdaşlarının daxil olmuş məlumat əsasında keçirdikləri əməliyyat-axtarış tədbiri nəticəsində Sumqayıt şəhər sakini F.Əlizadənin idarə etdiyi “Hyundai” markalı avtomobilə baxış zamanı oradan heroin, metamfetamin və marixuana aşkar edilərək götürülmüşdür.
