Goranboy rayonunun Veyisli qəsəbə sakini U.Hüseynovdan qanunsuz saxladığı ov tüfəngi aşkar edilərək götürülmüşdür

28.12.2021

Goranboy RPŞ əməkdaşlarının daxil olmuş məlumat əsasında keçirdikləri əməliyyat-axtarış tədbirləri nəticəsində Kəpənəkçi kəndi ərazisində Kəlbəcər rayon sakini Y.Səfərovun idarə etdiyi “QAZ-2417” markalı avtomobil saxlanılmışdır. Avtomobilə baxış zamanı sərnişin - Veyisli qəsəbə sakini U.Hüseynovdan qanunsuz saxladığı “İJ-16” markalı ov tüfəngi aşkar edilərək götürülmüşdür. 

Kürdəmir rayonunun Qarasu kənd sakini Ə.Cəbrayılovdan qanunsuz saxladığı ov tüfəngi aşkar edilərək götürülmüşdür

28.12.2021

Kürdəmir RPŞ əməkdaşlarının daxil olmuş məlumat əsasında keçirdikləri əməliyyat-axtarış tədbirləri nəticəsində Qarasu kənd sakini Ə.Cəbrayılovdan qanunsuz saxladığı “Tula” markalı ov tüfəngi aşkar edilərək götürülmüşdür.

Zərdab şəhər sakini S.İsrafilovdan qanunsuz saxladığı ov tüfəngi aşkar edilərək götürülmüşdür

28.12.2021

Zərdab RPŞ-nin əməkdaşları tərəfindən Bəyimli qəsəbəsi ərazisində qanunsuz ov edən şəhər sakini S.İsrafilov saxlanılmışdır. Onun idarə etdiyi “VAZ-2121” markalı avtomobilə baxış zamanı qanunsuz saxladığı “TOZ-16” markalı ov tüfəngi aşkar edilərək götürülmüşdür.

Axtarışda olan A.Mikayılov saxlanılmışdır

28.12.2021

Masallı RPŞ əməkdaşlarının keçirdikləri əməliyyat-axtarış tədbirləri nəticəsində Cinayət Məcəlləsinin 120-ci (qəsdən adam öldürmə) və 181-ci (quldurluq) maddələri ilə axtarışda olan A.Mikayılov saxlanılmışdır.

Beyləqan rayonunun Mil qəsəbəsi ərazisində yol-nəqliyyat hadisəsi

28.12.2021

Dekabrın 22-də saat 22 radələrində Beyləqan rayonunun Mil qəsəbəsi ərazisində müəyyən edilməmiş avtomobillə yolu keçən Füzuli rayon sakini İ.Əliyev vurulmuşdur. Nəticədə xəstəxanaya yerləşdirilmiş piyadanın vəziyyəti ağırdır.Polis əməkdaşlarının keçirdikləri əməliyyat-axtarış tədbirləri nəticəsində yol-nəqliyyat hadisəsini törədərək hadisə yerindən yayınmaqda şübhəli bilinən “KamAZ” markalı avtomobilin sürücüsü, Sumqayıt şəhər sakini B.Abdullayev müəyyən edilərək saxlanılmışdır.

Lənkəran rayonunun Digah kənd sakini B.Rüstəmovdan qanunsuz saxladığı ov tüfəngi aşkar edilərək götürülmüşdür.

28.12.2021

Lənkəran ŞRPŞ əməkdaşlarının daxil olmuş məlumat əsasında keçirdikləri əməliyyat-axtarış tədbirləri nəticəsində Digah kənd sakini B.Rüstəmovdan qanunsuz saxladığı “BM-16” markalı ov tüfəngi aşkar edilərək götürülmüşdür.

Oğurluqda şübhəli bilinən Lənkəran rayonunun Şağlaser kənd sakinləri M.Əskərov və İ.Əliyev saxlanılmışlar

28.12.2021

Lənkəran ŞRPŞ əməkdaşlarının keçirdikləri əməliyyat-axtarış tədbirləri nəticəsində dekabrın 26-da rayon ərazisindəki evlərin birindən 200 ABŞ dolları, 100 manat pul və 1000 manat dəyərində qızıl-zinət əşyaları oğurlamaqda şübhəli bilinən Şağlaser kənd sakinləri M.Əskərov və İ.Əliyev saxlanılmışlar.

Oğurluqda şübhəli bilinən Salyan rayon sakini Ə.Hüseynov saxlanılmışdır

28.12.2021

Sumqayıt ŞPİ 4-cü PB əməkdaşlarının keçirdikləri əməliyyat-axtarış tədbirləri nəticəsində dekabrın 22-də şəhər ərazisindəki “Topaz” mərc oyunları məntəqələrinin birindən 6500 manat pul oğurlamaqda şübhəli bilinən Salyan rayon sakini Ə.Hüseynov saxlanılmışdır.

Oğurluq etdiyinə görə tutulmuş Ə.Hüseynlinin törətdiyi digər cinayət əməlləri də müəyyən edilmişdir

28.12.2021

Oğurluq etdiyinə görə tutulmuş Ə.Hüseynlinin ətrafında Nərimanov RPİ 17-ci PŞ-nin əməkdaşları tərəfindən aparılmış tədbirlərlə onun daha 4 mağazanın qarşısından 18.000 manat dəyərində elektrik naqili və 365 manat dəyərində qaynaq aparatı oğurlaması da müəyyən edilmişdir.

Avtomobildən səsboğucu oğurlamaqda şübhəli bilinən Bakı şəhər sakinləri S.Qarayev və M.Məmmədli saxlanılmışlar

28.12.2021

Binəqədi RPİ 40-cı PB əməkdaşlarının keçirdikləri əməliyyat-axtarış tədbirləri nəticəsində dekabrın 23-də rayon ərazisində “Mercedes” markalı bir avtomobildən 1500 manat dəyərində səsboğucu oğurlamaqda şübhəli bilinən Bakı şəhər sakinləri S.Qarayev və M.Məmmədli saxlanılmışlar.