Sabunçu rayonu ərazisində N.Məmmədova məxsus mopedi oğurlamaqda şübhəli bilinən E.Haqverdiyev saxlanılmışdır

29.12.2021

Sabunçu RPİ 13-cü PB əməkdaşlarının keçirdikləri əməliyyat-axtarış tədbirləri nəticəsində dekabrın 20-də N.Məmmədova məxsus mopedi oğurlamaqda şübhəli bilinən Bakı şəhər sakini, əvvəllər məhkum olunmuş E.Haqverdiyev saxlanılmışdır.

Binəqədi rayonu ərazisində 2 avtomobildən oğurluq etməkdə şübhəli bilinən şəxslər saxlanılmışlar

29.12.2021

Binəqədi RPİ 43-cü PB əməkdaşlarının keçirdikləri əməliyyat-axtarış tədbirləri nəticəsində dekabrın 28-də rayon ərazisində 2 avtomobildən pul və mobil telefon oğurlamaqda şübhəli bilinən Bakı şəhər sakinləri E.Əlimuradov, K.Məmmədov və B.Şükürov saxlanılmışlar.         Ətraflarında aparılmış tədbirlərlə onların 3 həyətyanı sahədən su sayğacları oğurlamaları da müəyyən edilmişdir.

Soyğunçuluq etdiyinə görə tutulmuş E.Abbasovun bir avtomobildən akkumulyator və bir velosiped oğurlaması da müəyyən edilmişdir

29.12.2021

Soyğunçuluq etdiyinə görə tutulmuş E.Abbasovun ətrafında Binəqədi RPİ 6-cı PB-nin əməkdaşları tərəfindən aparılan əməliyyat tədbirləri ilə onun rayon ərazisində bir avtomobildən akkumulyator və bir velosiped oğurlaması da müəyyən edilmişdir.

Xəzər rayon sakini N.Sadıqova məxsus həyətyanı sahədən 4 baş qoyun oğurlamaqda şübhəli bilinən X.Rəfiyev saxlanılmışdır

29.12.2021

Xəzər RPİ 1-ci PŞ əməkdaşlarının keçirdikləri əməliyyat-axtarış tədbirləri nəticəsində dekabrın 27-də N.Sadıqova məxsus həyətyanı sahədən 4 baş qoyun oğurlamaqda şübhəli bilinən Bakı şəhər sakini, əvvəllər məhkum olunmuş X.Rəfiyev saxlanılmışdır.

Dekabrın 27-də Z.Yusifovun bank hesabından pul oğurlamaqda şübhəli bilinən Bakı şəhər sakini V.Məmmədov saxlanılmışdır

29.12.2021

Xəzər RPİ 1-ci PŞ əməkdaşlarının keçirdikləri əməliyyat-axtarış tədbirləri nəticəsində dekabrın 27-də Z.Yusifovun bank hesabından 1593 manat pul oğurlamaqda şübhəli bilinən Bakı şəhər sakini, əvvəllər məhkum olunmuş V.Məmmədov saxlanılmışdır.

Goranboy rayonunun Qızılhacılı qəsəbəsi ərazisində “Belarus” markalı traktorla “VAZ-2104” markalı avtomobil toqquşmuşdur

29.12.2021

Dekabrın 30-da saat 1 radələrində Goranboy rayonunun Qızılhacılı qəsəbəsi ərazisində Naftalan şəhər sakini M.Kərimovun idarə etdiyi “Belarus” markalı traktorla şəhər sakini Məşədi Məmmədovun idarə etdiyi “VAZ-2104” markalı avtomobil toqquşmuşdur. Nəticədə M.Məmmədov aldığı xəsarətlərdən hadisə yerində ölmüşdür.         Goranboy RPŞ-də araşdırma aparılır.

Qanunsuz saxlanılan silah-sursatla bağlı əməliyyat tədbirləri davam etdirilir

29.12.2021

Polis əməkdaşlarının əldə edilən məlumatlar əsasında keçiridikləri əməliyyat tədbirləri nəticəsində dekabrın 29-da respublikanın ayrı-ayrı rayonlarında vətəndaşlardan qanunsuz saxladıqları müxtəlif markalı ümumilikdə 3 ədəd ov tüfəngi götürülüb.  Aparılan profilaktiki tədbirlər nəticəsində qanunsuz saxlanılan 1 silah könüllü olaraq polisə təhvil verilib.Faktlar üzrə polis şöbələrində müvafiq araşdırmalar aparılır.

Koronavirus xəstəsi ictimai yerdə aşkar edilərək saxlanılıb

29.12.2021

Dekabrın 29-da polis əməkdaşları tərəfindən respublika ərazisində 1 nəfər aktiv koronavirus xəstəsi ictimai yerdə aşkar edilərək saxlanılıb. Polis əməkdaşları "COVİD-19" virusuna yoluxaraq ev şəraitində müalicədə olmasına baxmayaraq yaşadığı evi tərk etmiş həmin şəxslə izahedici söhbətlər aparıb, tibbi prosedurları gözləməklə yaşadığı evə qaytarıb və bu barədə müvafiq səhiyyə qurumları məlumatlandırılıb.Ev şəraitində müalicə təyin edilməsinə baxmayaraq, yaşayış yerini tərk edən 3 nəfər barəsində isə Cinayət Məcəlləsinin 139-1.1 (epidemiya əleyhinə və karantin rejimlərinin pozulması) maddəsi ilə cinayət işi başlanılıb.

Gün ərzində törədilmiş 49 cinayətin üstü “isti izlər”lə açılmışdır

28.12.2021

- Respublikanın daxili işlər orqanları tərəfindən gün ərzində törədilmiş 49 cinayətin üstü “isti izlər”lə açılmışdır.  - Əvvəlki dövrlərdən bağlı qalmış 2 cinayətin açılması təmin olunmuşdur.        - Axtarışda olduğuna görə ümumilikdə 59 nəfər, o cümlədən borclu şəxs qismində axtarışda olan 47 nəfər saxlanılaraq aidiyyəti üzrə təhvil verilmişdir.    - Daxili işlər orqanları əməkdaşlarının həyata keçirdikləri əməliyyat-axtarış tədbirləri nəticəsində narkotiklərlə əlaqəli 12, qanunsuz saxlanılan silah-sursatla bağlı 7 fakt müəyyən edilmişdir.    - Cinayət törətməkdə şübhəli bilinən 42 nəfər saxlanılmışdır.

Narkotik vasitələrin təsiri altında avtomobil idarə edən şəxslər saxlanılıb

28.12.2021

DİN-in Baş Dövlət Yol Polisi İdarəsi əməkdaşlarının Şəmkir, Sabirabad və Salyan rayonlarındakı stasionar postlarda keçirdikləri tədbirlərlə narkotik vasitələrin təsiri altında avtomobil idarə edən şəxslər müəyyən edilərək saxlanılıblar.