Dövlət qurumları .gov.az domeni (məsələn, mia.gov.az) vasitəsilə əlaqə qurur.
Əlavə təhlükəsizlik tədbiri kimi, URL çubuğunda kilid işarəsinin və ya https:// prefiksinin mövcudluğunu yoxlayın. Həssas məlumatlarınızı yalnız rəsmi və təhlükəsiz saytlarda paylaşın.
Bakı şəhər Baş Polis İdarəsi
Baş Dövlət Yol Polisi İdarəsi
"Xəzri" istirahət və sağlamlıq mərkəzi
Daxili Qoşunların Baş İdarəsi
Baş Pasport, Qeydiyyat və Miqrasiya idarəsi
Polis Akademiyası
A.N.Heydərov adına Respublika Hospitalı
Şəxsi Heyətlə İş İdarəsi
İnsan Alverinə Qarşı Mübarizə Baş İdarəsi
Polis Qəzeti
Azərbaycan Respublikası Nazirlər Kabineti
Binəqədi rayonunda narkotiklərin qanunsuz dövriyyəsi ilə məşğul olan 11 nəfər saxlanılıb
24.01.2022
Binəqədi Rayon Polis İdarəsinin 5-ci Polis Bölməsinin əməkdaşları tərəfindən həyata keçirilən silsilə əməliyyatlar zamanı narkotiklərin qanunsuz dövriyyəsi ilə məşğul olan 11 nəfər saxlanılıb. Onlardan külli miqdardan narkotik vasitə heroin və psixotrop maddə metamfetamin aşkar olunaraq maddi sübut kimi götürülüb.5-ci Polis Bölməsinə daxil olmuş əməliyyat məlumatı əsasında keçirilən əməliyyat zamanı paytaxt sakinləri Anar Göyüşov, Zeytun Məmmədov, Anar Nəcəfov, Elmir Abbasov, Nicat Əhmədov, Aftandil Abazov, Ramal Paşayev, Azər Yadullayev, Əfqan Nəzərov, Orxan İsmayılov və Nasir Vələdov tutulublar.Adları sadalanan şəxslər Binəqədi və paytaxtın digər ərazilərində narkotik vasitələrin satışı ilə məşğul olduqlarını etiraf ediblər. Faktlarla bağlı 5-ci Polis Bölməsində toplanan materiallar Binəqədi Rayon Polis İdarəsinin İstintaq Şöbəsinə göndərilib. Saxlanılan şəxslərin hər biri barəsində Cinayət Məcəlləsinin müvafiq maddəsi ilə cinayət işi başlanılıb.Binəqədi rayonu ərazisində narkotik vasitələrin qanunsuz dövriyyəsi ilə məşğul olan şəxslərin ifşa edilməsi, onların daxil olduğu narkoşəbəkənin digər üzvlərinin saxlanılması istiqamətində polis əməkdaşları tərəfindən əməliyyatlar davam etdirilir.
Gün ərzində törədilmiş 51 cinayətin üstü “isti izlər”lə açılmışdır
23.01.2022
Respublikanın daxili işlər orqanları tərəfindən gün ərzində törədilmiş 51 cinayətin üstü “isti izlər”lə açılmışdır.
Qanunsuz saxlanılan silah-sursatla bağlı əməliyyat tədbirləri davam etdirilir
Polis əməkdaşlarının əldə edilən məlumatlar əsasında keçiridikləri əməliyyat tədbirləri nəticəsində yanvarın 22-də və 23-də respublikanın ayrı-ayrı rayonlarında vətəndaşlardan qanunsuz saxladıqları müxtəlif markalı ümumilikdə 12 ədəd ov tüfəngi götürülüb. Faktlar üzrə polis şöbələrində müvafiq araşdırmalar aparılır.
Quldurluq etməkdə şübhəli bilinən Ə.Əlizadə müəyyən edilərək saxlanılmışdır
Nəsimi RPİ-nin 20-ci Polis Bölməsinə yanvarın 23-də saat 3 radələrində 3-cü Alatava yaşayış sahəsində yaşayan N.Əhmədova evində bıçaqla xəsarət yetirilməsi və pulunun alınması barədə məlumat daxil olmuşdur.Polis əməkdaşlarının keçirdikləri əməliyyat tədbirləri nəticəsində quldurluq əməlini törətməkdə şübhəli bilinən qonşusu Ə.Əlizadə müəyyən edilərək saxlanılmışdır. Nəsimi RPİ-də araşdırma aparılır.
Goranboy rayonunun Qızılhacılı qəsəbəsi ərazisində yol-nəqliyyat hadisəsi
Yanvarın 23-də saat 12 radələrində Goranboy rayonunun Qızılhacılı qəsəbəsi ərazisində qəsəbə sakini İ.Orucov idarə etdiyi “BMW” markalı avtomobili qarşıda gedən Təhlə kənd sakini R.Əliyevin idarə etdiyi “VAZ-2109” markalı avtomobilə vurmuşdur. Nəticədə R.Əliyevin sərnişinləri Təhlə kənd sakinləri Vəzifə Tanrıverdiyeva və Aybəniz Yusifova hadisə yerində ölmüş, özü və digər 3 sərnişini və digər sürücü xəstəxanaya yerləşdirilmiş, sərnişinlərdən R.Əliyevin bacısı Dilarə orada ölmüşdür.Goranboy RPŞ-də araşdırma aparılır.
Bakı şəhər sakini A.Məhərrəmovdan 102 qram heroin aşkar edilərək götürülmüşdür
Baş Narkotiklərlə Mübarizə İdarəsi əməkdaşlarının daxil olmuş məlumat əsasında keçirdikləri əməliyyat tədbiri nəticəsində Bakı şəhər sakini A.Məhərrəmov Sabunçu rayonu ərazisində saxlanılmışdır. Şəxsi axtarış zamanı ondan 102 qram heroin aşkar edilərək götürülmüşdür.
Oğurluqda şübhəli bilinən Bakı şəhər sakini Ə.Əzizov saxlanılmışdır
Xəzər RPİ 3-cü PŞ əməkdaşlarının keçirdikləri əməliyyat tədbirləri nəticəsində müxtəlif vaxtlarda rayon ərazisindəki 5 evdən 620 manat pul, 2 ədəd televizor, inşaat materialları və 1 sexdən 3000 manat dəyərində avadanlıq oğurlamaqda şübhəli bilinən Bakı şəhər sakini Ə.Əzizov saxlanılmışdır.
Yol-nəqliyyat hadisəsi törədərək hadisə yerindən yayınmaqda şübhəli bilinən Bakı şəhər sakini E.Əliyev müəyyən edilərək saxlanılmışdır
Yanvarın 22-də saat 17 radələrində Binəqədi rayonunun Biləcəri qəsəbəsi ərazisində müəyyən edilməmiş avtomobillə qəsəbə sakini T.İsrafilov vurulmuş və xəstəxanaya yerləşdirilmişdir. Binəqədi RPİ 6-cı PB əməkdaşlarının keçirdikləri əməliyyat-axtarış tədbirləri nəticəsində yol-nəqliyyat hadisəsini törədərək hadisə yerindən yayınmaqda şübhəli bilinən “Toyota” markalı avtomobilin sürücüsü, Bakı şəhər sakini E.Əliyev müəyyən edilərək saxlanılmışdır.Araşdırma aparılır.
Sumqayıt şəhər sakinləri G.Qənbərova, İ.Kərimov və C.Əliyevdən narkotik vasitələr aşkar edilərək götürülmüşdür
Sumqayıt ŞPİ əməkdaşlarının daxil olmuş məlumat əsasında keçirdikləri əməliyyat tədbiri nəticəsində şəhər sakinləri G.Qənbərova, əvvəllər məhkum olunmuşlar - İ.Kərimov və C.Əliyev saxlanılmışlar. Şəxsi axtarış zamanı G.Qənbərovadan 10 qramdan artıq heroin və metamfetamin, İ.Kərimovdan heroin, və C.Əliyevdən 98 qrama yaxın heroin aşkar edilərək götürülmüşdür.
Oğurluq etməkdə şübhəli bilinən Lənkəran şəhər sakini R.Cəbizadədən heroin aşkar edilərək götürülmüşdür
Lənkəran ŞRPŞ əməkdaşlarının daxil olmuş məlumat əsasında keçirdikləri əməliyyat tədbiri nəticəsində şəhər sakini R.Cəbizadə saxlanılmışdır. Şəxsi axtarış zamanı ondan heroin aşkar edilərək götürülmüşdür.Ətrafında aparılan tədbirlərlə onun bir sexdən 2 ədəd kompüter və 1 qapı, bir məzarın ətrafından isə təmir-tikinti alətləri oğurlaması da müəyyən edilmişdir.
