Xəzər rayonunun Binə qəsəbəsi ərazisində “Mercedes” markalı avtomobillə paytaxt sakini C.Cəfərov vurulmuşdur

02.01.2022

Yanvarın 1-də saat 19 radələrində Xəzər rayonunun Binə qəsəbəsi ərazisində Bakı şəhər sakini İ.Nəcəfquliyev idarə etdiyi “Mercedes” markalı avtomobillə yolu keçən paytaxt sakini Cəfər Cəfərovu vurmuşdur. Xəstəxanaya yerləşdirilmiş piyada yanvarın 2-də ölmüşdür.Xəzər RPİ-də araşdırma aparılır.

Zərdab rayonunun Şıxbağı kəndi ərazisində yol-nəqliyyat hadisəsi

02.01.2022

Yanvarın 2-də saat 13 radələrində Zərdab rayonunun Şıxbağı kəndi ərazisində Bakı şəhər sakini E.Qasımov idarə etdiyi “VAZ-21015” markalı avtomobili yolun kənarındakı beton maneəyə vurmuşdur. Nəticədə sərnişini olan həyat yoldaşı Nazilə xəstəxanaya aparılarkən yolda ölmüş, özü və digər sərnişinləri - gəlini və 3 nəvəsi xəstəxanaya yerləşdirilmişlər. Zərdab RPŞ-də araşdırma aparılır.

Gün ərzində törədilmiş 17 cinayətin üstü “isti izlər”lə açılmışdır

01.01.2022

Respublikanın daxili işlər orqanları tərəfindən gün ərzində törədilmiş 17 cinayətin üstü “isti izlər”lə açılmışdır.

Təcili Tibbi Yardım Stansiyasının işçilərini təhqir etmiş və polis əməkdaşlarına tabesizlik göstərmiş Füzuli rayon sakini S.Hüseynovun barəsində protokol tərtib edilmişdir

01.01.2022

Füzuli Rayon Polis Şöbəsinə yanvarın 1-də saat 20 radələrində 8 saylı Qayıdış qəsəbə sakini S.Hüseynovun xəstə olan anası üçün çağırışa gəlmiş Təcili Tibbi Yardım Stansiyasının işçilərini təhqir etməsi barədə məlumat daxil olmuşdur. Dərhal polis əməkdaşları həmin ünvana gələrək S.Hüseynovu intizama dəvət etmişlər, lakin o, polis əməkdaşlarına tabesizlik göstərmişdir. S.Hüseynov polis əməkdaşları tərəfindən saxlanılmış, onun sərxoş vəziyyətdə olması müəyyən edilmişdir. Onun barəsində İnzibati Xətalar Məcəlləsinin 510-cu (Xırda xuliqanlıq) və 535-ci (Polis işçisinin və ya hərbi qulluqçunun qanuni tələbinə qəsdən tabe olmama) maddələri ilə protokol tərtib edilmişdir.

Hacıqabul rayonu ərazisində saxlanılmış Gəncə şəhər sakini O.Xəlilovdan 344 qramdan artıq metamfetamin götürülmüşdür

01.01.2022

Hacıqabul RPŞ əməkdaşlarının daxil olmuş məlumat əsasında keçirdikləri əməliyyat tədbiri nəticəsində Gəncə şəhər sakini, əvvəllər məhkum olunmuş O.Xəlilov saxlanılmışdır. Şəxsi axtarış zamanı ondan 344 qramdan artıq metamfetamin aşkar edilərək götürülmüşdür.

Xətai rayonu ərazisindəki marketlərin birindən tütün məmulatı oğurlamaqda şübhəli bilinən Bakı şəhər sakini F.Bağırov saxlanılmışdır

01.01.2022

Xətai RPİ-nin 36-cı Polis Bölməsi əməkdaşlarının keçirdikləri əməliyyat tədbirləri nəticəsində rayon ərazisindəki marketlərin birindən 800 manat dəyərində tütün məmulatı oğurlamaqda şübhəli bilinən Bakı şəhər sakini, əvvəllər məhkum olunmuş F.Bağırov müəyyən edilərək saxlanılmışdır. Ətrafında aparılan tədbirlərlə onun rayon ərazisindəki digər bir köşkdən 3000 manat dəyərində tütün məmulatı oğurlaması da müəyyən edilmişdir. Araşdırma aparılır.

Oğurluq etdiyinə görə tutulmuş bir qrup şəxsin Binəqədi rayonu ərazisində bir avtomobildən pul, iki evdən isə su sayğaclarını oğurlamaları da müəyyən edilmişdir

01.01.2022

Binəqədi RPİ 43-cü PB-nin əməkdaşları tərəfindən oğurluq etdiyinə görə tutulmuş E.Əlimuradovun, K.Məmmədovun və B.Şükürovun ətraflarında aparılan əməliyyat tədbirləri ilə onların rayon ərazisində “Saipa” markalı bir avtomobildən 472 manat pul, 2 evdən isə su sayğaclarını oğurlamaları da müəyyən edilmişdir.

Kürdəmir rayonunun Ərşəli kəndi ərazisində “Ford” markalı mikroavtobusu yol ayırıcısına çırpılaraq aşmışdır

01.01.2022

Yanvarın 1-də saat 5 radələrində Kürdəmir rayonunun Ərşəli kəndi ərazisində Ağdam rayon sakini E.Quliyev idarə etdiyi “Ford” markalı mikroavtobusu yol ayırıcısına vurub aşırmışdır. Nəticədə mikroavtobusda olan 3 sərnişin xəstəxanaya yerləşdirilmiş, onlardan Rahib Xəlilov ölmüşdür. Baş İstintaq və Təhqiqat İdarəsi tərəfindən araşdırma aparılır.

Hacıqabul şəhəri ərazisində 5 avtomobil toqquşmuşdur

01.01.2022

Yanvarın 1-də saat 10 radələrində Hacıqabul şəhəri ərazisində “Nissan”, “VAZ-2107”, “Mercedes”, “Chevrolet” və “Opel” markalı 5 avtomobil toqquşmuşdur. Nəticədə “Opel” markalı avtomobilin sürücüsü Cəlil Ələkbərov hadisə yerində ölmüş, bir sərnişin isə xəstəxanaya yerləşdirilmişdir. Baş İstintaq və Təhqiqat İdarəsi tərəfindən araşdırma aparılır.

Gün ərzində törədilmiş 27 cinayətin üstü “isti izlər”lə açılmışdır

31.12.2021

Respublikanın daxili işlər orqanları tərəfindən gün ərzində törədilmiş 27 cinayətin üstü “isti izlər”lə açılmışdır.