Dövlət qurumları .gov.az domeni (məsələn, mia.gov.az) vasitəsilə əlaqə qurur.
Əlavə təhlükəsizlik tədbiri kimi, URL çubuğunda kilid işarəsinin və ya https:// prefiksinin mövcudluğunu yoxlayın. Həssas məlumatlarınızı yalnız rəsmi və təhlükəsiz saytlarda paylaşın.
Bakı şəhər Baş Polis İdarəsi
Baş Dövlət Yol Polisi İdarəsi
"Xəzri" istirahət və sağlamlıq mərkəzi
Daxili Qoşunların Baş İdarəsi
Baş Pasport, Qeydiyyat və Miqrasiya idarəsi
Polis Akademiyası
A.N.Heydərov adına Respublika Hospitalı
Şəxsi Heyətlə İş İdarəsi
İnsan Alverinə Qarşı Mübarizə Baş İdarəsi
Polis Qəzeti
Azərbaycan Respublikası Nazirlər Kabineti
Bakı şəhər sakinləri R.Rəhimovun avtomobilindən 11 kiloqram 950 qram heroin və 10 kiloqram 25 qram metamfetamin aşkar edilərək götürülmüşdür
02.01.2022
Baş Narkotiklərlə Mübarizə İdarəsi əməkdaşlarının daxil olmuş məlumat əsasında keçirdikləri əməliyyat tədbiri nəticəsində Bakı şəhər sakinləri R.Rəhimov və əvvəllər məhkum olunmuş S.Kərimli Qaradağ rayonu ərazisində saxlanılmışlar. Şəxsi axtarış zamanı R.Rəhimovdan 9 qram, S.Kərimlidən isə 20 qram heroin aşkar edilmişdir. Davam etdirilən əməliyyat-axtarış tədbirləri ilə R.Rəhimovun idarə etdiyi “Toyota” markalı avtomobilə baxış zamanı isə oradan əlavə 11 kiloqram 950 qram heroin və 10 kiloqram 25 qram metamfetamin də aşkar edilərək götürülmüşdür.
Gəncə şəhər sakini R.Əliyevin idarə etdiyi “Mercedes” markalı avtomobildən nömrəsi silinmiş tapança və 4 ədəd patron aşkar edilərək götürülmüşdür
Kəpəz Rayon Polis İdarəsi əməkdaşlarının daxil olmuş məlumat əsasında keçirdikləri əməliyyat-axtarış tədbiri nəticəsində Gəncə şəhər sakini, əvvəllər məhkum olunmuş R.Əliyevin idarə etdiyi “Mercedes” markalı avtomobilə baxış zamanı oradan nömrəsi silinmiş “Makarov” markalı tapança və 4 ədəd patron aşkar edilərək götürülmüşdür.
İmişli şəhəri ərazisində yaşayan Y.Rüstəmovdan müvafiq sənədləri olmayan “İJ-58” markalı ov tüfəngi götürülmüşdür
İmişli Rayon Polis Şöbəsinə yanvarın 2-də şəhər ərazisində yaşayan Y.Rüstəmovun evində xuliqanlıq zəminində oğlunun qol nahiyəsinə ov tüfənginin qundağı ilə xəsarət yetirməsi barədə məlumat daxil olmuşdur. Dərhal polis əməkdaşları tərəfindən müvafiq tədbirlər həyata keçirilmişdir. Y.Rüstəmovdan müvafiq sənədləri olmayan “İJ-58” markalı ov tüfəngi götürülmüşdür.
Gəncə şəhər sakini M.Məmmədovdan “Naqan” markalı tapança və 4 ədəd patron aşkar edilərək götürülmüşdür
Göygöl Rayon Polis Şöbəsi əməkdaşlarının daxil olmuş məlumat əsasında keçirdikləri əməliyyat-axtarış tədbiri nəticəsində saxlanılan Gəncə şəhər sakini, əvvəllər məhkum olunmuş M.Məmmədovdan “Naqan” markalı tapança və 4 ədəd patron aşkar edilərək götürülmüşdür.
Ov tüfəngi ilə ehtiyatsız davranması nəticəsində açılmış atəşdən ayaq nahiyəsindən xəsarət almış Göyçay rayon sakini B.Muradov xəstəxanaya yerləşdirilmişdir
Göyçay Rayon Polis Şöbəsinə yanvarın 2-də Mırtı kəndində B.Muradovun ov tüfəngi ilə ehtiyatsız davranması nəticəsində açılmış atəşdən ayaq nahiyəsindən xəsarət alması barədə məlumat daxil olmuşdur. Dərhal polis əməkdaşları tərəfindən müvafiq tədbirlər həyata keçirilmişdir. Hadisə yerindən müvafiq sənədləri olan “İJ” markalı ov tüfəngi götürülmüşdür.B.Muradov xəstəxanaya yerləşdirilmişdir. Araşdırma aparılır.
Salyan rayonunun Arxarası kəndində yaşayan D.Mənsimova məxsus həyətyanı sahədən 8 baş qoyunu oğurlamaqda şübhəli bilinən şəxslər saxlanılmışlar
Salyan Rayon Polis Şöbəsi əməkdaşlarının keçirdikləri əməliyyat-axtarış tədbirləri nəticəsində dekabrın 31-nə keçən gecə Arxarası kəndində yaşayan D.Mənsimova məxsus həyətyanı sahədən 8 baş qoyunu oğurlamaqda şübhəli bilinən rayon sakinləri İ.Əsgərov və O.Həsənzadə müəyyən edilərək saxlanılmışlar.
Xaçmaz rayon sakini N.Bünyatovdan heroin və metamfetamin aşkar edilərək götürülmüşdür
Binəqədi RPİ 4-cü Polis Şöbəsi əməkdaşlarının daxil olmuş məlumat əsasında keçirdikləri əməliyyat tədbiri nəticəsində Xaçmaz rayon sakini N.Bünyatov saxlanılmışdır. Şəxsi axtarış zamanı ondan 16 qrama yaxın heroin və 7 qrama yaxın metamfetamin aşkar edilərək götürülmüşdür.
Balakən rayon sakini R.Əliyevdən 455 qram marixuana aşkar edilərək götürülmüşdür
Balakən RPŞ əməkdaşlarının daxil olmuş məlumat əsasında keçirdikləri əməliyyat tədbiri nəticəsində Qazma kənd sakini, əvvəllər məhkum olunmuş R.Əliyev saxlanılmışdır. Şəxsi axtarış zamanı ondan 455 qram marixuana aşkar edilərək götürülmüşdür.
Gəncə şəhərinin Nizami rayonu ərazisindəki köşklərin birindən oğurluq etməkdə şübhəli bilinən şəhər sakini İ.Nəzərov saxlanılmışdır
Nizami (Gəncə) RPİ əməkdaşlarının keçirdikləri əməliyyat tədbiri nəticəsində rayon ərazisindəki köşklərin birindən 230 manat pul, 4500 manat dəyərində tütün məmulatı və danışıq kartları oğurlamaqda şübhəli bilinən Gəncə şəhər sakini İ.Nəzərov saxlanılmışdır.
Cəlilabad rayonu ərazisindəki evlərin birindən pul və mobil telefon oğurlamaqda şübhəli bilinən şəhər sakini İ.Seyfullayev saxlanılmışdır
Cəlilabad RPŞ əməkdaşlarının keçirdikləri əməliyyat tədbiri nəticəsində rayon ərazisindəki evlərin birindən 230 manat pul və mobil telefon oğurlamaqda şübhəli bilinən şəhər sakini, əvvəllər məhkum olunmuş İ.Seyfullayev saxlanılmışdır.
