Dövlət qurumları .gov.az domeni (məsələn, mia.gov.az) vasitəsilə əlaqə qurur.
Əlavə təhlükəsizlik tədbiri kimi, URL çubuğunda kilid işarəsinin və ya https:// prefiksinin mövcudluğunu yoxlayın. Həssas məlumatlarınızı yalnız rəsmi və təhlükəsiz saytlarda paylaşın.
Bakı şəhər Baş Polis İdarəsi
Baş Dövlət Yol Polisi İdarəsi
"Xəzri" istirahət və sağlamlıq mərkəzi
Daxili Qoşunların Baş İdarəsi
Baş Pasport, Qeydiyyat və Miqrasiya idarəsi
Polis Akademiyası
A.N.Heydərov adına Respublika Hospitalı
Şəxsi Heyətlə İş İdarəsi
İnsan Alverinə Qarşı Mübarizə Baş İdarəsi
Polis Qəzeti
Azərbaycan Respublikası Nazirlər Kabineti
Gün ərzində törədilmiş 51 cinayətin üstü “isti izlər”lə açılmışdır
04.01.2022
Respublikanın daxili işlər orqanları tərəfindən gün ərzində törədilmiş 51 cinayətin üstü “isti izlər”lə açılmışdır.
Qanunsuz saxlanılan silah-sursatla bağlı əməliyyat tədbirləri davam etdirilir
Polis əməkdaşlarının əldə edilən məlumatlar əsasında keçiridikləri əməliyyat tədbirləri nəticəsində yanvarın 4-də respublikanın ayrı-ayrı rayonlarında vətəndaşlardan qanunsuz saxladıqları müxtəlif markalı ümumilikdə 10 ədəd ov tüfəngi götürülüb. Faktlar üzrə polis şöbələrində müvafiq araşdırmalar aparılır.
Koronavirus xəstələri ictimai yerlərdə aşkar edilərək saxlanılıb
Yanvarın 4-də polis əməkdaşları tərəfindən respublika ərazisində 2 nəfər aktiv koronavirus xəstəsi ictimai yerlərdə aşkar edilərək saxlanılıb. Polis əməkdaşları "COVİD-19" virusuna yoluxaraq ev şəraitində müalicədə olmasına baxmayaraq yaşadığı evləri tərk etmiş həmin şəxslərlə izahedici söhbətlər aparıb, tibbi prosedurları gözləməklə yaşadığı evlərə qaytarıb və bu barədə müvafiq səhiyyə qurumları məlumatlandırılıb.
Qusar rayon sakini R.Əmirovu döyərək mobil telefonunun almaqda şübhəli bilinən Ş.Əsgərov saxlanılmışdır
Qusar RPŞ-yə Əniğ kənd sakini R.Əmirovun döyülərək mobil telefonunun alınması barədə məlumat daxil olmuşdur.Polis əməkdaşlarının keçirdikləri əməliyyat-axtarış tədbirləri nəticəsində soyğunçuluq əməlini törətməkdə şübhəli bilinən şəhər sakini, əvvəllər məhkum olunmuş Ş.Əsgərov müəyyən edilərək saxlanılmışdır.Araşdırma aparılır.
Binəqədi rayonu ərazisində müxtəlif vaxtlarda 1 evdən və 2 avtomobildən oğurluq etməkdə şübhəli bilinən Abşeron rayon sakini N.Hacıyev saxlanılmışdır
Binəqədi RPİ 43-cü PB əməkdaşlarının keçirdikləri əməliyyat-axtarış tədbirləri nəticəsində müxtəlif vaxtlarda 1 evdən və 2 avtomobildən pul, eynək, yaddaş kartı və sənəd oğurlamaqda şübhəli bilinən Abşeron rayon sakini N.Hacıyev saxlanılmışdır.
Beyləqan rayon sakini R.Dəmirliyə bıçaqla xəsarət yetirməkdə və mobil telefonunu oğurlamaqda şübhəli bilinən N.Ağayev saxlanılmışdır
Nəsimi RPİ 19-cu PŞ əməkdaşlarının keçirdikləri əməliyyat-axtarış tədbirləri nəticəsində ötən il noyabrın 25-də Beyləqan rayon sakini R.Dəmirliyə bıçaqla xəsarət yetirməkdə və mobil telefonunu oğurlamaqda şübhəli bilinən Cəlilabad rayon sakini, əvvəllər məhkum olunmuş N.Ağayev saxlanılmışdır.Faktla əlaqədar Cinayət Məcəlləsinin 221.3-cü (xuliqanlıq) maddəsi ilə cinayət işi başlanmışdır.
Xaçmaz rayonu ərazisindəki mağazaların birindən oğurluq etməkdə şübhəli bilinən Gəncə şəhər sakini P.Seyidov və Goranboy rayon sakini E.Hüseynov saxlanılmışlar
Xaçmaz RPŞ əməkdaşlarının keçirdikləri əməliyyat-axtarış tədbirləri nəticəsində yanvarın 3-də rayon ərazisindəki mağazaların birindən 3350 manat dəyərində tütün məmulatı və ərzaq məhsulları oğurlamaqda şübhəli bilinən Gəncə şəhər sakini, əvvəllər məhkum olunmuş P.Seyidov və Goranboy rayon sakini, əvvəllər məhkum olunmuş E.Hüseynov saxlanılmışlar.
Şəmkir rayonunun Dəllər qəsəbəsi ərazisindən "VAZ-2106" markalı avtomobili qaçırmaqda şübhəli bilinən İ.Yusifov müəyyən edilərək saxlanılmışdır
Şəmkir RPŞ-yə yanvarın 2-də saat 3 radələrində Dəllər qəsəbəsi ərazisindən qəsəbə sakini B.Babayevə məxsus "VAZ-2106" markalı avtomobilin qaçırılması barədə məlumat daxil olmuşdur.Polis əməkdaşlarının keçirdikləri əməliyyat-axtarış tədbirləri nəticəsində nəqliyyat vasitəsini qaçırmaqda şübhəli bilinən qəsəbə sakini, əvvəllər məhkum olunmuş İ.Yusifov müəyyən edilərək saxlanılmış, avtomobil sahibinə qaytarılmışdır.
Neftçala rayon sakini Y.Səmədovdan 485 qram marixuana götürülmüşdür
Neftçala RPŞ əməkdaşlarının daxil olmuş məlumat əsasında keçirdikləri əməliyyat tədbiri nəticəsində Bankə qəsəbə sakini, əvvəllər məhkum olunmuş Y.Səmədov saxlanılmışdır. Şəxsi axtarış zamanı ondan 485 qram marixuana aşkar edilərək götürülmüşdür.
Gədəbəy rayonunun Yenikənd kənd sakinləri R.Babayevdən və C.Quliyevdən qanunsuz saxladıqları ov tüfəngləri götürülmüşdür
Gədəbəy RPŞ əməkdaşlarının daxil olmuş məlumat əsasında keçirdikləri əməliyyat-axtarış tədbirləri nəticəsində Yenikənd kənd sakinləri R.Babayevdən və C.Quliyevdən qanunsuz saxladıqları “İJ-56” və “ZK” markalı ov tüfəngləri götürülmüşdür.Faktla əlaqədar Cinayət Məcəlləsinin 228.1-ci (qanunsuz olaraq odlu silah, onun komplekt hissələrini, döyüş sursatı (yivsiz odlu ov silahı və həmin silah üçün döyüş sursatı istisna olmaqla), partlayıcı maddələr və qurğular əldə etmə, başqasına vermə, satma, saxlama, daşıma və ya gəzdirmə) maddəsi ilə cinayət işi başlanmışdır.
