Oğurluqda şübhəli bilinən Abşeron rayon sakini C.İsmayılov saxlanılmışdır

05.01.2022

Səbail RPİ 39-cu PB əməkdaşlarının keçirdikləri əməliyyat-axtarış tədbirləri nəticəsində ötən il dekabrın 31-də S.Səlimovanın içərisində 1000 manat pul, qulaqcıq, ətir və bank kartı olan çantasını oğurlamaqda şübhəli bilinən Abşeron rayon sakini C.İsmayılov saxlanılmışdır.

Bakı şəhər sakini G.Abdullayevin idarə etdiyi avtomobilə baxış zamanı oradan heroin və metamfetamin aşkar edilərək götürülmüşdür

05.01.2022

Sabunçu RPİ 12-ci PŞ əməkdaşlarının daxil olmuş məlumat əsasında keçirdikləri əməliyyat tədbirləri nəticəsində Bakı şəhər sakini G.Abdullayevin idarə etdiyi “Mercedes” markalı avtomobilə baxış zamanı oradan heroin və metamfetamin aşkar edilərək götürülmüşdür.

Saxta əskinas verməkdə şübhəli bilinən Bakı şəhər sakini V.Mikayılov müəyyən edilərək saxlanılmışdır

05.01.2022

Nizami RPİ 23-cü Polis Bölməsinə yanvarın 4-də saat 22 radələrində Babək prospektində yerləşən yanacaqdoldurma məntəqələrinin birində bir nəfərin 200 manatlıq saxta əskinas verməsi barədə məlumat daxil olmuşdur.Polis əməkdaşlarının keçirdikləri əməliyyat-axtarış tədbirləri nəticəsində saxta əskinas verməkdə şübhəli bilinən Bakı şəhər sakini V.Mikayılov müəyyən edilərək saxlanılmışdır.Araşdırma aparılır.

Oğurluqda şübhəli bilinən Hacıqabul rayon sakinləri T.Atamalıyev və F.Səmədov saxlanılmışlar

05.01.2022

Nəsimi RPİ 22-ci PŞ əməkdaşlarının keçirdikləri əməliyyat-axtarış tədbirləri nəticəsində ötən il dekabrın 25-də və 30-da rayon ərazisindəki bir evdən noutbuk və mobil telefon, S.Təhməzovanın çantasından pul, bank kartı, şəxsiyyət vəsiqəsi və mobil telefon oğurlamaqda şübhəli bilinən Hacıqabul rayon sakinləri, əvvəllər məhkum olunmuşlar – T.Atamalıyev və F.Səmədov saxlanılmışlar.

400 cüt ayaqqabı oğurlamaqda şübhəli bilinən Ş.Məhərrəmov müəyyən edilərək saxlanılmışdır

05.01.2022

Sumqayıt ŞPİ 4-cü PB əməkdaşlarının keçirdikləri əməliyyat-axtarış tədbirləri nəticəsində ötən il dekabrın 24-də şəhər ərazisindəki ticarət mərkəzlərindən birinin anbarından 12.000 manat dəyərində 400 cüt ayaqqabı oğurlamaqda şübhəli bilinən Ş.Məhərrəmov müəyyən edilərək saxlanılmışdır.

Salyan rayonunun Kərimbəyli kənd sakini S.Rəhimovun yaşadığı evə baxış zamanı oradan 10 kiloqramdan artıq marixuana aşkar edilərək götürülmüşdür

05.01.2022

Salyan RPŞ əməkdaşlarının daxil olmuş məlumat əsasında keçirdikləri əməliyyat-axtarış tədbirləri nəticəsində Kərimbəyli kənd sakini S.Rəhimovun yaşadığı evə baxış zamanı oradan 10 kiloqramdan artıq marixuana aşkar edilərək götürülmüşdür.

Su mühərrikləri və qızdırıcıları oğurlamaqda şübhəli bilinən Bərdə şəhər sakini K.Nuriyev saxlanılmışdır

05.01.2022

Bərdə RPŞ əməkdaşlarının keçirdikləri əməliyyat-axtarış tədbirləri nəticəsində müxtəlif vaxtlarda rayon ərazisində 8 evin həyətindən su mühərrikləri və qızdırıcıları oğurlamaqda şübhəli bilinən şəhər sakini K.Nuriyev saxlanılmışdır.

Narkotik vasitələrin təsiri altında avtomobil idarə edən şəxs saxlanıb

05.01.2022

DİN-in Baş Dövlət Yol Polisi İdarəsi əməkdaşlarının keçirdikləri tədbirlərlə Bakı şəhər sakini Habil İmanquliyevin etdiyi “VAZ-2106” markalı avtomobil Hacıqabul rayonu ərazisində yerləşən stasionar postda nəzarət-yoxlama qaydasında saxlanılıb. Polis əməkdaşları tərəfindən sürücünün narkotik vasitə qəbul etməsi müəyyən edilib.  H.İmanquliyev polis əməkdaşlarına tabesizlik göstərdiyindən barəsində İnzibati Xətalar Məcəlləsinin 333.1-ci və 342-ci maddələri ilə protokollar tərtib olunub.Sabirabad rayon Məhkəməsinin qərarı ilə H.İmanquliyev 6 ay müddətinə sürücülük hüququndan məhrum edilib.Bu istiqamətdə tədbirlər davam etdirilir.

Qanunsuz saxlanılan silah-sursatla bağlı əməliyyat tədbirləri davam etdirilir

05.01.2022

Polis əməkdaşlarının əldə edilən məlumatlar əsasında keçiridikləri əməliyyat tədbirləri nəticəsində yanvarın 5-də respublikanın ayrı-ayrı rayonlarında vətəndaşlardan qanunsuz saxladıqları müxtəlif markalı ümumilikdə 3 ədəd ov tüfəngi götürülüb.  Faktlar üzrə polis şöbələrində müvafiq araşdırmalar aparılır.

Koronavirus xəstələri ictimai yerlərdə aşkar edilərək saxlanılıb

05.01.2022

Yanvarın 5-də polis əməkdaşları tərəfindən respublika ərazisində 4 nəfər aktiv koronavirus xəstəsi ictimai yerlərdə aşkar edilərək saxlanılıb. Polis əməkdaşları "COVİD-19" virusuna yoluxaraq ev şəraitində müalicədə olmasına baxmayaraq yaşadığı evləri tərk etmiş həmin şəxslərlə izahedici söhbətlər aparıb, tibbi prosedurları gözləməklə yaşadığı evlərə qaytarıb və bu barədə müvafiq səhiyyə qurumları məlumatlandırılıb.Ev şəraitində müalicə təyin edilməsinə baxmayaraq, yaşayış yerini tərk edən 1 nəfər barəsində isə Cinayət Məcəlləsinin 139-1.1 (epidemiya əleyhinə və karantin rejimlərinin pozulması) maddəsi ilə cinayət işi başlanılıb.