Quldurluq etməkdə şübhəli bilinən Bakı şəhər sakini İ.Fərhadov, Füzuli rayon sakinləri F.Ələkbərov və E.İsrafilov müəyyən edilərək saxlanılmışlar

24.02.2022

Səbail RPİ-nin 39-cu Polis Bölməsinə fevralın 24-də 4 nəfərin Bakı şəhər sakini, əvvəllər məhkum olunmuş S.Əmişovu döyərək 800 manat pulunu və mobil telefonunu almaları barədə məlumat daxil olmuşdur.  Polis əməkdaşlarının keçirdikləri əməliyyat tədbirləri nəticəsində quldurluğu törətməkdə şübhəli bilinən Bakı şəhər sakini İ.Fərhadov, Füzuli rayon sakinləri F.Ələkbərov və E.İsrafilov müəyyən edilərək saxlanılmışlar. Səbail Rayon Polis İdarəsində araşdırma aparılır. 

Yevlax şəhər sakini R.Məmmədova hədə-qorxu gələrək 15.000 manat tələb etməkdə şübhəli bilinən "Kanal S.az" internet portalının təsisçisi Sənan Ələkbərov və Teymur Rüstəmov müəyyən edilərək saxlanılmışlar

24.02.2022

Yevlax Rayon Polis Şöbəsinə fevralın 14-də özünü jurnalist kimi təqdim edən Sənan adlı şəxsin şəhər sakini R.Məmmədova hədə-qorxu gələrək 15.000 manat tələb etməsi barədə müraciət daxil olmuşdur.Polis əməkdaşlarının keçirdikləri əməliyyat tədbirləri nəticəsində hədə-qorxu ilə tələb etmədə şübhəli bilinən rayon sakinləri – "Kanal S.az" internet portalının təsisçisi Sənan Ələkbərov və Teymur Rüstəmov müəyyən edilərək saxlanılmışlar. Araşdırmalarla onların fevralın 16-da Yevlax şəhər sakinləri E.Misirxanovaya və G.Süleymanovaya hədə-qorxu gəlməklə ümumilikdə 6.000 manat tələb etmələri də müəyyən edilmişdir. Faktla əlaqədar Cinayət Məcəlləsinin 182-ci maddəsi (hədə-qorxu ilə tələb etmə) ilə cinayət işi başlanmışdır.Yevlax Rayon Polis Şöbəsində araşdırma aparılır. 

Ağcabədi rayonunun Taxta Körpü qəsəbəsi ərazisində yol-nəqliyyat hadisəsi

24.02.2022

Fevralın 24-sə saat 20 radələrində Ağcabədi rayonunun Taxta Körpü qəsəbəsi ərazisində qəsəbə sakini S.Əhmədov idarə etdiyi “VAZ-21099” markalı avtomobillə yolu keçən həmyerlisi Kamil Fətəliyevi vurmuş və nəticədə piyada hadisə yerində ölmüşdür.Ağcabədi RPŞ-də araşdırma aparılır.

Oğurluqda şübhəli bilinən Bakı şəhər sakini B.Şükürov saxlanılmışdır

24.02.2022

Binəqədi RPİ 43-cü PB əməkdaşlarının keçirdikləri əməliyyat tədbirləri nəticəsində yanvarın 24-də rayon ərazisində bir avtomobildən 507 manat pul, maqnitofon və poverbank oğurlamaqda şübhəli bilinən Bakı şəhər sakini B.Şükürov saxlanılmışdır.

Oğurluqda şübhəli bilinən Bakı şəhər sakinləri Ü.Cəfərov və N.Teymurov saxlanılmışlar

24.02.2022

Binəqədi RPİ 43-cü PB əməkdaşlarının keçirdikləri əməliyyat tədbirləri nəticəsində fevralın 23-də rayon ərazisində iki avtomobildən ümumilikdə 553 ABŞ dolları, 1100 rubl və mobil telefonlar oğurlamaqda şübhəli bilinən Bakı şəhər sakinləri Ü.Cəfərov və əvvəllər məhkum olunmuş N.Teymurov saxlanılmışlar.

Oğurluqda şübhəli bilinən Bakı şəhər sakini M.Hüseynov saxlanılmışdır

24.02.2022

Suraxanı RPİ 30-cu PB əməkdaşlarının keçirdikləri əməliyyat-axtarış tədbirləri nəticəsində fevralın 22-də rayon ərazisindəki evlərin birindən 10.300 manat və sənədlər oğurlamaqda şübhəli bilinən Bakı şəhər sakini M.Hüseynov saxlanılmışdır.

Bülbülə qəsəbə sakini Z.Məhərrəmovun yaşadığı evə baxış zamanı oradan 1 kiloqram  88 qrama yaxın heroin və elektron tərəzi götürülmüşdür

24.02.2022

Suraxanı RPİ 32-ci PB əməkdaşlarının keçirdikləri əməliyyat tədbirləri nəticəsində Bülbülə qəsəbə sakini Z.Məhərrəmov saxlanılmışdır. Şəxsi axtarış zamanı ondan 12 qrama yaxın heroin, 89 qramdan artıq metamfetamin və elektron tərəzi aşkar edilmişdir.Davam etdirilən tədbirlərlə onun yaşadığı evə baxış zamanı oradan 1 kiloqram  88 qrama yaxın heroin və elektron tərəzi götürülmüşdür. 

Bakıda keçmiş məhkum “Naqan” markalı tapançanı 500 manata satmaq istəyən zaman saxlanılıb

24.02.2022

Binəqədi Rayon Polis İdarəsinin 4-cü Polis Şöbəsinin əməkdaşlarının daxil olmuş əməliyyat məlumatı əsasında həyata keçirdikləri tədbir nəticəsində üzərində qanunsuz olaraq odlu silah-sursat gəzdirən şəxs saxlanılıb. Bölməyə paytaxt sakini, əvvəllər məhkum edilmiş Zeytun Məmmədovda silah olması və 500 manata satmaq istəməsi barədə əməliyyat məlumatı daxil olub. Həmin şəxs odlu silahı satmaq istəyən zaman saxlanılıb. Onun üzərinə baxış keçirilərkən 1 ədəd “Naqan” markalı atəş üçün yararlı tapança aşkar edilərək götürülüb. Zeytun Məmmədov odlu silahı bir müddət əvvəl əldə etdiyini, lakin polisə təhvil verməyərək özündə saxladığını bildirib. 4-cü Polis Şöbəsində toplanan materiallar araşdırmaların davam etdirilməsi üçün Binəqədi Rayon Polis İdarəsinin İstintaq Şöbəsinə göndərilib. Zeytun Məmmədov barəsində  məhkəmənin qərarı ilə həbs qətimkan tədbiri seçilib, istintaq tədbirləri davam edirilir.

Nizami rayonunda narkotik vasitələri satmaq məqsədi ilə su sayğacında gizlədən şəxs saxlanılıb

24.02.2022

Paytaxtın Nizami Rayon Polis İdarəsinin Narkotiklərlə Mübarizə Bölməsinin əməkdaşları tərəfindən narkotik vasitələrin qanunsuz dövriyyəsinə qarşı əməliyyat keçirilib. Daxil olmuş əməliyyat məlumatı əsasında həyata keçirilən tədbir zamanı  paytaxt sakini Orxan Məmmədov saxlanılıb.  Onun əlindəki bağlamaya baxış zamanı 3 kiloqram narkotik vasitə olan marixuana aşkar edilib. Aparılan araşdırmalar zamanı Orxan Məmmədovun Nizami rayonu ərazisində binalardan birinin girişində su sayğacının işərisində gizlətdiyi əlavə olaraq 60 qram narkotik vasitə də aşkar olunaraq götürülüb. Saxlanılan şəxsin ətrafında aparılan tədbirlərlə müəyyən edilib ki, Orxan Məmmədov xarici ölkələrdə yaşayan narkotacirlərdən biri tərəfindənm narkotik vasitələrin satışını təşkil etmək üçün narkokuryerliyə cəlb edilib. Faktla bağlı Cinayət Məcəlləsinin müvafiq maddəsi ilə cinayət işi başlanılıb. Narkotiklərin qanunsuz dövriyyəsində təqsirli bilindiyi üçün saxlanılan şəxs barəsində məhkəmənin qərarı ilə həbs qətimkan tədbiri seçilib.Nizami rayonu ərazisində narkotik vasitələrin qanunsuz dövriyyəsi ilə məşğul olan şəxslərin ifşa edilməsi istiqamətində polis əməkdaşları tərəfindən əməliyyat tədbirləri davam etdirilir.

Gün ərzində törədilmiş 50 cinayətin üstü “isti izlər”lə açılmışdır

23.02.2022

Respublikanın daxili işlər orqanları tərəfindən gün ərzində törədilmiş 50 cinayətin üstü “isti izlər”lə açılmışdır.