Salyan rayon sakini F.Bünyatova qarşı soyğunçuluq törətməkdə şübhəli bilinən Sumqayıt şəhər sakini M.Qəhrəmanov saxlanılmışdır

19.02.2022

Nəsimi RPİ-nin 19-cu Polis Şöbəsinə fevralın 19-da bir nəfərin Salyan rayon sakini F.Bünyatova zor tətbiq edib mobil telefonunu talaması barədə məlumat daxil olmuşdur.Polis əməkdaşlarının keçirdikləri əməliyyat-axtarış tədbirləri nəticəsində soyğunçuluğu törətməkdə şübhəli bilinən Sumqayıt şəhər sakini, əvvəllər məhkum olunmuş M.Qəhrəmanov müəyyən edilərək saxlanılmışdır. Nəsimi RPİ-də araşdırma aparılır.

Gəncə şəhəri ərazisində 2 avtomobildən akkumulyator və 1 avtomobilin dövlət qeydiyyat nişanlarını oğurlamaqda şübhəli bilinən şəxslər saxlanılmışlar

19.02.2022

Nizami (Gəncə) RPİ əməkdaşlarının keçirdikləri əməliyyat-axtarış tədbirləri nəticəsində yanvarın 29-da və 31-də Gəncə şəhəri ərazisində 2 avtomobildən akkumulyator və 1 avtomobilin dövlət qeydiyyat nişanlarını oğurlamaqda şübhəli bilinən şəhər sakinləri M.Hacıyev və E.İslamov saxlanılmışlar. Ətraflarında aparılan tədbirlərlə onların yanvarın 31-də H.Məmmədova məxsus “VAZ-2106” markalı avtomobili qaçırmaları və “VAZ-2106” markalı digər avtomobilin isə şüşəsini sındırmaları da müəyyən edilmişdir.

Gəncə şəhəri ərazisində 7 ədəd kanalizasiya quyusunun qapaqlarını oğurlamaqda şübhəli bilinən A.Cəfərov saxlanılmışdır

19.02.2022

Nizami (Gəncə) RPİ əməkdaşlarının keçirdikləri əməliyyat-axtarış tədbirləri nəticəsində fevralın 18-də Gəncə şəhəri ərazisində Su-kanal Təmir Tikinti Cəmiyyətinə məxsus 7 ədəd kanalizasiya quyusunun qapaqlarını oğurlamaqda şübhəli bilinən şəhər sakini, əvvəllər məhkum olunmuş A.Cəfərov saxlanılmışdır.

Xuliqanlıq zəminində ov tüfəngindən açdığı atəşlə həmkəndlisinə xəsarət yetirmiş Astara rayon sakini E.Məmmədov saxlanılmışdır

19.02.2022

Astara Rayon Polis Şöbəsinə fevralın 19-da Siyətük kənd sakini Ü.İmaməliyevin odlu silahdan açılmış atəş nəticəsində aldığı xəsarətlə xəstəxanaya gətirilməsi barədə məlumat daxil olmuşdur.Polis əməkdaşlarının keçirdikləri əməliyyat tədbirləri nəticəsində kənd sakini, əvvəllər məhkum olunmuş E.Məmmədovun xuliqanlıq zəminində ov tüfəngindən açdığı atəşlə həmkəndlisi Ü.İmaməliyevin ayaq nahiyəsinə xəsarət yetirməsi müəyyən edilmişdir.Görülmüş tədbirlərlə E.Məmmədov saxlanılmış, ondan qanunsuz saxladığı “İJ-26” markalı ov tüfəngi və 6 ədəd patron götürülmüşdür.Araşdırma aparılır.

Astara rayon sakini E.Həsənovdan 720 qram heroin aşkar edilərək götürülmüşdür

19.02.2022

Astara RPŞ əməkdaşlarının keçirdikləri əməliyyat tədbiri nəticəsində Şahağacı kənd sakini E.Həsənov saxlanılmışdır. Şəxsi axtarış zamanı ondan 720 qram heroin aşkar edilərək götürülmüşdür.

Gün ərzində törədilmiş 81 cinayətin üstü “isti izlər”lə açılmışdır

18.02.2022

Respublikanın daxili işlər orqanları tərəfindən gün ərzində törədilmiş 81 cinayətin üstü “isti izlər”lə açılmışdır.

Koronavirus xəstələri ictimai yerlərdə aşkar edilərək saxlanılıb

18.02.2022

Fevralın 18-də polis əməkdaşları tərəfindən respublika ərazisində 21 nəfər aktiv koronavirus xəstəsi ictimai yerlərdə aşkar edilərək saxlanılıb. Polis əməkdaşları "COVİD-19" virusuna yoluxaraq ev şəraitində müalicədə olmasına baxmayaraq yaşadığı evləri tərk etmiş həmin şəxslərlə izahedici söhbətlər aparıb, tibbi prosedurları gözləməklə yaşadığı evlərə qaytarıb və bu barədə müvafiq səhiyyə qurumları məlumatlandırılıb.Ev şəraitində müalicə təyin edilməsinə baxmayaraq, yaşayış yerini tərk edən 1  nəfər barəsində isə Cinayət Məcəlləsinin 139-1.1 (epidemiya əleyhinə və karantin rejimlərinin pozulması) maddəsi ilə cinayət işi başlanılıb. 

Bakı şəhərində və respublika ərazisində 160 toy şənliyinin monitorinqi həyata keçirilib

18.02.2022

Fevralın 18-də Daxili İşlər Nazirliyinin, Qida Təhlükəsizliyi Agentliyinin və İqtisadiyyat Nazirliyi yanında Dövlət Vergi Xidmətinin nümayəndələri Bakı şəhərində və respublika ərazisində 160 toy şənliyinin monitorinqini həyata keçirib.   Monitorinq 157 şadlıq sarayında, 3 şəxsi həyətyanı sahədə keçirilən şənlikləri əhatə edib.Monitorinqlər nəticəsində toy şənliklərinin keçirilməsində xüsusi karantin rejimi qaydalarını pozduqlarına görə:- 3 nəfər İnzibati Xətalar Məcəlləsinin 211-ci (Epidemiya əleyhinə rejimin, sanitariya-gigiyena və karantin rejimlərinin pozulması) maddəsinə əsasən cərimə olunub;  - 151 nəfər “COVID-19” pasportu olmadığına görə şənliyə buraxılmayıb.  

Tüfəngdən açdığı atəşlə arvadını öldürən şəxs zərərsizləşdirilərək xəstəxanaya yerləşdirilib

18.02.2022

Şirvan Şəhər Polis Şöbəsinə fevralın 18-də saat 18 radələrində əvvəllər məhkum olunmuş Elnur Abıyevin yaşadığı evdə münaqişə zəminində tüfəngdən açdığı atəşlə arvadı Xəyalə Abıyevaya xəsarət yetirməsi barədə məlumat daxil olmuşdur.  Yaralı xəstəxanaya yerləşdirilmiş, həkimlərin səylərinə baxmayaraq o, ölmüşdür.Polis əməkdaşlarının E.Abıyevin tutularaq istintaqa cəlb edilməsi istiqamətində keçirdikləri əməliyyat-axtarış tədbirləri nəticəsində onun gizləndiyi yer müəyyən edilmişdir. E.Abıyevə silahı təhvil verib təslim olmaq barədə bir neçə dəfə xəbərdarlıq edilmiş, lakin o, bu tələbdən qətiyyətlə imtina edərək polis əməkdaşları istiqamətində bir dəfə atəş açmışdır.Polis əməkdaşları xidməti silah tətbiq etmək məcburiyyətində qalmış və onun hər iki ayaq nahiyəsinə atəş açılaraq hərəkət etməsinin qarşısı alınmaqla saxlanılmışdır.Ondan cinayətin aləti olan qanunsuz saxladığı lüləsi kəsilmiş “TOZ-34EP” markalı ov tüfəngi götürülmüş və xəsarət aldığından təcili xəstəxanaya yerləşdirilmişdir. Faktla əlaqədar Cinayət Məcəlləsinin 120-ci maddəsi (qəsədən adam öldürmə) ilə cinayət işi başlanmışdır. Hazırda iş üzrə istintaq-əməliyyat tədbirləri davam etdirilir.

Ehtiyatsızlıqdan tüfəngdən açdığı atəşlə həmkəndlisini öldürmüş Şəki rayon sakini P.İsmayılov tutularaq istintaqa təhvil verilmişdir

18.02.2022

Şəki Şəhər Rayon Polis Şöbəsinə fevralın 18-də Baş Küngüt kəndinin “Suludərə” adlanan dağlıq ərazisində kənd sakini P.İsmayılovun ehtiyatsızlıqdan tüfəngdən açdığı atəşlə həmkəndlisi Nurlan Mustafayevi öldürməsi barədə məlumat daxil olmuşdur. Polis əməkdaşlarının keçirdikləri əməliyyat tədbirləri nəticəsində P.İsmayılov tutularaq istintaqa təhvil verilmişdir. Ondan cinayətin aləti olan qanunsuz saxladığı “İJ-16” markalı ov tüfəngi götürülmüşdür.Faktla əlaqədar Cinayət Məcəlləsinin 124-cü maddəsi (ehtiyatsızlıqdan adam öldürmə) ilə cinayət işi başlanmışdır.