Gün ərzində törədilmiş 65 cinayətin üstü “isti izlər”lə açılmışdır

25.02.2022

Respublikanın daxili işlər orqanları tərəfindən gün ərzində törədilmiş 65 cinayətin üstü “isti izlər”lə açılmışdır.

Qanunsuz saxlanılan silah-sursatla bağlı əməliyyat tədbirləri davam etdirilir

25.02.2022

Polis əməkdaşlarının keçiridikləri əməliyyat tədbirləri nəticəsində fevralın 25-də respublikanın ayrı-ayrı rayonlarında vətəndaşlardan qanunsuz saxladıqları müxtəlif markalı ümumilikdə 2 ədəd ov tüfəngi götürülüb. Faktlar üzrə polis şöbələrində müvafiq araşdırmalar aparılır.

Koronavirus xəstələri ictimai yerlərdə aşkar edilərək saxlanılıb

25.02.2022

Fevralın 25-də polis əməkdaşları tərəfindən respublika ərazisində 12 nəfər aktiv koronavirus xəstəsi ictimai yerlərdə aşkar edilərək saxlanılıb. Polis əməkdaşları "COVİD-19" virusuna yoluxaraq ev şəraitində müalicədə olmasına baxmayaraq yaşadığı evləri tərk etmiş həmin şəxslərlə izahedici söhbətlər aparıb, tibbi prosedurları gözləməklə yaşadığı evlərə qaytarıb və bu barədə müvafiq səhiyyə qurumları məlumatlandırılıb.Ev şəraitində müalicə təyin edilməsinə baxmayaraq, yaşayış yerini tərk edən 1 nəfər barəsində isə Cinayət Məcəlləsinin 139-1.1 (epidemiya əleyhinə və karantin rejimlərinin pozulması) maddəsi ilə cinayət işi başlanılıb. 

Bakı şəhərində və respublika ərazisində 205 toy şənliyinin monitorinqi həyata keçirilib   

25.02.2022

Fevralın 25-də Daxili İşlər Nazirliyinin, Qida Təhlükəsizliyi Agentliyinin və İqtisadiyyat Nazirliyi yanında Dövlət Vergi Xidmətinin nümayəndələri Bakı şəhərində və respublika ərazisində 205 toy şənliyinin monitorinqini həyata keçirib.   Monitorinq 202 şadlıq sarayında, 3 şəxsi həyətyanı sahədə keçirilən şənlikləri əhatə edib.Monitorinqlər nəticəsində toy şənliklərinin keçirilməsində xüsusi karantin rejimi qaydalarını pozduqlarına görə:- 3 nəfər İnzibati Xətalar Məcəlləsinin 211-ci (Epidemiya əleyhinə rejimin, sanitariya-gigiyena və karantin rejimlərinin pozulması) maddəsinə əsasən cərimə olunub;  - 131 nəfər “COVID-19” pasportu olmadığına görə şənliyə buraxılmayıb.  

Gəncə şəhəri ərazisində yerləşən şirkətlərdən birinin anbarından 7 ədəd su mühərrikini oğurlamaqda şübhəli bilinən şəxslər müəyyən edilərək saxlanılmışlar

25.02.2022

Nizami (Gəncə) Rayon Polis İdarəsi əməkdaşlarının keçirdikləri əməliyyat tədbirləri nəticəsində fevralın 24-nə keçən gecə Gəncə şəhəri ərazisində yerləşən şirkətlərdən birinin anbarından dəyəri 7000 manat olan 7 ədəd su mühərrikini oğurlamaqda şübhəli bilinən şəhər sakinləri X.Quliyev, əvvəllər məhkum olunmuşlar R.Hümbətov və V.Qurbanov müəyyən edilərək saxlanılmışlar. 

Cəlilabad şəhər sakinləri Q.Əzizlidən və V.Məmmədovdan 15 kiloqram 900 qram heroin və 1 kiloqramdan artıq marixuana götürülmüşdür

25.02.2022

Cəlilabad Rayon Polis Şöbəsi və Dövlət Təhlükəsizliyi Xidmətinin rayon şöbəsi  əməkdaşlarının birgə keçirdikləri əməliyyat tədbiri nəticəsində saxlanılan Cəlilabad şəhər sakinləri Q.Əzizlidən və əvvəllər məhkum olunmuş V.Məmmədovdan 15 kiloqram 900 qram heroin və 1 kiloqramdan artıq marixuana aşkar edilərək götürülmüşdür. 

Biləsuvar rayonu ərazisində saxlanılmış “Opel” markalı avtomobildən 2 kiloqramdan artıq tiryək, 1 kiloqramdan artıq heroin və 29 qramdan artıq metamfetamin götürülmüşdür

25.02.2022

Cəbrayıl Rayon Polis Şöbəsi əməkdaşlarının əldə edilmiş məlumat əsasında keçirdikləri əməliyyat tədbiri nəticəsində Lənkəran rayon sakinləri, əvvəllər məhkum olunmuş V.Musazadə və Ə.Bağırlı Biləsuvar rayonu ərazisində “Opel” markalı avtomobildə saxlanılmışlar.Ə.Bağırlının idarə etdiyi avtomobilə baxış zamanı oradan 2 kiloqram 360 qram tiryək, 1 kiloqram 970 qram heroin və 29 qramdan artıq metamfetamin aşkar edilərək  götürülmüşdür. 

Tovuz rayon kənd sakini M.Əkbərovaya qarşı soyğunçuluq törətməkdə şübhəli bilinən rayon sakini M.İsmayılov müəyyən edilərək saxlanılmışdır

25.02.2022

Tovuz RPŞ əməkdaşlarının keçirdikləri əməliyyat tədbirləri nəticəsində fevralın 24-də Əyyublu kənd sakini M.Əkbərovaya zor tətbiq edərək 45 manat pulunu soyğunçuluq yolu ilə talamaqda şübhəli bilinən rayon sakini, əvvəllər məhkum olunmuş M.İsmayılov müəyyən edilərək saxlanılmışdır. 

Biləsuvar rayonu ərazisində idarə etdiyi avtomobillə piyadanın ölümü ilə nəticələnmiş YNH-ni törətmiş sürücü H.Mirzəyev müəyyən edilərək saxlanılmışdır

25.02.2022

Fevralın 25-də saat 2 radələrində Biləsuvar rayonunun Bəydili kəndi ərazisində müəyyən edilməmiş avtomobillə kənd sakini Fərid Dadaşov vurulmuş və o, hadisə yerində ölmüşdür.Biləsuvar RPŞ əməkdaşlarının keçirdikləri əməliyyat-axtarış tədbirləri nəticəsində ölümlə nəticələnmiş yol-nəqliyyat hadisəsini törətmiş “QAZ-53” markalı avtomobilin sürücüsü, kənd sakini H.Mirzəyev müəyyən edilərək saxlanılmışdır.Araşdırma aparılır. 

Binəqədi rayonu ərazisində bir avtomobildən və iki evdən oğurluq etməkdə şübhəli bilinən Bakı şəhər sakini N.Teymurov saxlanılmışdır

25.02.2022

Binəqədi RPİ 43-cü PB əməkdaşlarının keçirdikləri əməliyyat tədbirləri nəticəsində rayon ərazisində bir avtomobildən pul, yaddaş kartı, 2 evdən təmir-tikinti alətləri, məişət əşyaları və elektrik naqili oğurlamaqda şübhəli bilinən Bakı şəhər sakini, əvvəllər məhkum olunmuş N.Teymurov saxlanılmışdır.