Nizami rayonunun B.Çobanzadə küçəsində “Toyota” markalı avtomobillə Qəbələ rayon sakini Q.Səlimov vurulmuşdur

20.02.2022

Fevralın 20-də saat 22 radələrində Nizami rayonunun B.Çobanzadə küçəsində Bakı şəhər sakini S.Qarayev idarə etdiyi “Toyota” markalı avtomobillə yolu keçən Qəbələ rayon sakini Qəzənfər Səlimovu vurmuş və nəticədə piyada hadisə yerində ölmüşdür. Nizami RPİ-də araşdırma aparılır.

Zaqatala rayonunun Bəhmədli kəndi ərazisində “Nissan” markalı avtomobillə kənd sakini İ.Muradov vurulmuşdur

20.02.2022

Fevralın 20-də saat 20 radələrində Zaqatala rayonunun Bəhmədli kəndi ərazisində Yuxarı Tala kənd sakini İ.Muradov idarə etdiyi “Nissan” markalı avtomobillə yolu keçən kənd sakini İsmayıl Muradovu vurmuş və nəticədə piyada hadisə yerində ölmüşdür.Zaqatala RPŞ-də araşdırma aparılır.

Bakı şəhər sakinləri N.Babayev və V.Fərmanovdan heroin aşkar edilərək götürülmüşdür

20.02.2022

Baş Narkotiklərlə Mübarizə İdarəsi əməkdaşlarının keçirdikləri əməliyyat tədbirləri nəticəsində Bakı şəhər sakinləri N.Babayev və əvvəllər məhkum olunmuş V.Fərmanov saxlanılmışlar. Şəxsi axtarış zamanı N.Babayevdən 98 qram, V.Fərmanovdan isə 3 qram heroin aşkar edilərək götürülmüşdür.

Bakı şəhər sakini F.Həsənova məxsus avtomobili qaçırmaqda şübhəli bilinən Tərtər rayon sakini C.Hüseynov Nəsimi rayon ərazisində avtomobillə birgə saxlanılmışdır

20.02.2022

Nizami RPİ-nin 25-ci Polis Şöbəsinə fevralın 19-da Ə.Vəliyev küçəsindən Bakı şəhər sakini F.Həsənova məxsus “VAZ-2106” markalı avtomobilin qaçırılması barədə məlumat daxil olmuşdur.Polis əməkdaşlarının keçirdikləri əməliyyat-axtarış tədbirləri nəticəsində nəqliyyat vasitəsini qaçırmaqda şübhəli bilinən Tərtər rayon sakini C.Hüseynov Nəsimi rayon ərazisində avtomobillə birgə saxlanılmışdır.Araşdırma aparılır.

Başqasına məxsus bank kartından pulu çıxararaq mənimsəməkdə şübhəli bilinən Bakı şəhər sakini M.Hümbətov saxlanılmışdır

20.02.2022

Qaradağ RPİ 10-cu PB əməkdaşlarının keçirdikləri əməliyyat tədbirləri nəticəsində yanvarın 6-da A.Çobanovun bank kartından 1083 manat çıxararaq mənimsəməkdə şübhəli bilinən Bakı şəhər sakini M.Hümbətov saxlanılmışdır. Şəxsi axtarış zamanı ondan heroin aşkar edilərək götürülmüşdür.

Yasamal rayonu ərazisində E.Veysəlova məxsus avtomobildən cüzdan oğurlamaqda şübhəli bilinən Bakı şəhər sakini N.Dadaşov saxlanılmışdır

20.02.2022

Yasamal RPİ 29-cu PŞ əməkdaşlarının keçirdikləri əməliyyat tədbirləri nəticəsində fevralın 17-də rayon ərazisində E.Veysəlova məxsus avtomobildən içərisində 4370 manat, 1000 ABŞ dolları, sənədlər olan cüzdanı oğurlamaqda şübhəli bilinən Bakı şəhər sakini, əvvəllər məhkum olunmuş N.Dadaşov saxlanılmışdır.

Masallı rayonunda 4 baş inəyi oğurlamaqda şübhəli bilinən şəxslər saxlanılmışlar

20.02.2022

Masallı RPŞ əməkdaşlarının keçirdikləri əməliyyat-axtarış tədbirləri nəticəsində fevralın 12-də və 18-də T.Qurbanzadəyə məxsus 1 baş və T.Xamiyevə məxsus 3 baş inəyi oğurlamaqda şübhəli bilinən Alışanlı kənd sakini E.Məmmədov və Səmidxan kənd sakini, əvvəllər məhkum olunmuş S.Həsənov saxlanılmışdır.

Şabran rayonunda 16 baş qoyunu oğurlamaqda şübhəli bilinən şəxslər saxlanılmışlar

20.02.2022

Şabran RPŞ əməkdaşlarının keçirdikləri əməliyyat-axtarış tədbirləri nəticəsində ötən il dekabrın 18-dən cari il fevralın 19-dək olan müddətdə T.Babayevə məxsus 10 baş və S.Xəlilova məxsus 6 baş qoyunu oğurlamaqda şübhəli bilinən Şahnəzərli kənd sakinləri S.Hüseynov və M.Hüseynov saxlanılmışlar.

Zərdab rayonu ərazisindəki 2 mağazadan pul və mobil telefon oğurlamaqda şübhəli bilinən Zərdab şəhər sakini Ə.Əkbərov saxlanılmışdır

20.02.2022

Zərdab RPŞ əməkdaşlarının keçirdikləri əməliyyat tədbirləri nəticəsində yanvarın 2-dən 31-dək olan müddətdə rayon ərazisindəki 2 mağazadan ümumilikdə 493 manat pul və 3 ədəd mobil telefon oğurlamaqda şübhəli bilinən Zərdab şəhər sakini Ə.Əkbərov saxlanılmışdır.

Gün ərzində törədilmiş 53 cinayətin üstü “isti izlər”lə açılmışdır

19.02.2022

Respublikanın daxili işlər orqanları tərəfindən gün ərzində törədilmiş 53 cinayətin üstü “isti izlər”lə açılmışdır.