Arvadı Ülkər Məmmədovanı qətlə yetirməkdə, qaynı H.Hacıyev və qayınanası F.Hacıyevaya xəsarət yetirməkdə şübhəli bilinən B.Məmmədov saxlanılmışdır

27.02.2022

Xətai RPİ-nin 34-cü Polis Şöbəsinə fevralın 25-də rayon ərazisində bir nəfərin aldığı xəsarətlərdən ölməsi, 2 nəfərin isə xəsarətlər alması barədə məlumat daxil olmuşdur.Rayonun polis və prokurorluq orqanlarının əməkdaşları tərəfindən müvafiq tədbirlər həyata keçirilmişdir. Araşdırmalarla əvvəllər məhkum olunmuş B.Məmmədovun yaşadıqları evdə münaqişə zəminində arvadı Ülkər Məmmədova, qaynı H.Hacıyev və qayınanası F.Hacıyevaya bıçaqla xəsarətlər yetirməsi, Ülkərin aldığı bədən xəsarətlərindən hadisə yerində ölməsi müəyyən edilmişdir. B.Məmmədov şübhəli şəxs qismində tutularaq istintaqa cəlb edilmişdir.Faktla bağlı Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanmışdır.Hazırda cinayət işi üzrə zəruri istintaq tədbirləri davam etdirilir.

Şəmkir rayonunun İrmaşlı kənd sakini Aytac Piriyevanı qətlə yetirməkdə şübhəli bilinən əmisi oğlu P.Piriyev tutularaq istintaqa təhvil verilmişdir

27.02.2022

Şəmkir Rayon Polis Şöbəsinə fevralın 27-də İrmaşlı kəndi ərazisində kənd sakini 24 yaşlı Aytac Piriyevanın aldığı xəsarətlərdən ölməsi barədə məlumat daxil olmuşdur.Rayonun polis və prokurorluq orqanlarının əməkdaşları tərəfindən müvafiq tədbirlər həyata keçirilmişdir.Araşdırmalarla qadının əmisi oğlu P.Piriyev tərəfindən münaqişə zəminində bıçaq xəsarəti yetirilərək qəsdən öldürülməsinə əsaslı şübhələr müəyyən edilmişdir. Faktla bağlı Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanmışdır.      Polis əməkdaşlarının keçirdikləri əməliyyat-axtarış tədbirləri nəticəsində P.Piriyev şübhəli şəxs qismində tutularaq istintaqa təhvil verilmişdir.Hazırda cinayət işi üzrə zəruri istintaq tədbirləri davam etdirilir.

Quldurluq etməkdə şübhəli bilinən Tovuz rayon sakinləri R.Musayev və bacısı oğlu G.Qurbanov müəyyən edilərək saxlanılmışlar

27.02.2022

Sumqayıt ŞPİ-nin 2-ci Polis Bölməsinə fevralın 27-də Kimyaçılar qəsəbəsi ərazisində 2 nəfərin Neftçala rayon sakini O.Quliyevi döyüb mobil telefonunu talamaları barədə məlumat daxil olmuşdur.Polis əməkdaşlarının keçirdikləri əməliyyat-axtarış tədbirləri nəticəsində quldurluğu törətməkdə şübhəli bilinən Tovuz rayon sakinləri R.Musayev və bacısı oğlu G.Qurbanov müəyyən edilərək saxlanılmışlar.Sumqayıt ŞPİ-də araşdırma aparılır. 

Ağcabədi şəhər sakini M.Quliyevə məxsus avtomobilin qaçırılması və qəza törədilməsi müəyyən edilmişdir

27.02.2022

Ağcabədi Rayon Polis Şöbəsinə fevralın 27-də şəhər ərazisindən şəhər sakini M.Quliyevə məxsus “Mercedes” markalı avtomobilin qaçırılması barədə məlumat daxil olmuşdur. Polis əməkdaşlarının keçirdikləri tədbirlərlə avtomobilin Rəncbərlər kənd sakini R.Əsədov tərəfindən qaçırılması, Hindarx qəsəbəsi ərazisində idarə edərkən qəsəbə sakinləri Ş.Quliyevə məxsus “İJ” və S.Səfərova məxsus “VAZ-2101” markalı avtomobilləri vurduqdan sonra mağazalardan birinin divarına çırpması və xəsarətlə xəstəxanaya yerləşdirilməsi müəyyən edilmişdir. Ağcabədi RPŞ-də araşdırma aparılır.

Astara rayonunun Şümrüd kəndi ərazisində yol-nəqliyyat hadisəsi

27.02.2022

Fevralın 27-də saat 18 radələrində Astara rayonunun Şümrüd kənd sakini Ə.Əzizovun idarə etdiyi “QAZ-66” markalı avtomobil Pəlikeş kəndi ərazisindəki evlərdən birinin divarına çırpılmışdır. Nəticədə sərnişini - həmkəndlisi Tarif Sovqatov xəstəxanaya aparılarkən yolda ölmüş, sürücünün vəziyyəti qənaətbəxşdir. Astara RPŞ-də araşdırma aparılır.

2 mağazadan 1800 manat dəyərində tütün məmulatı və 400 manat pul oğurlamaqda şübhəli bilinən Lənkəran şəhər sakini Ə.Əliyev saxlanılmışdır

27.02.2022

Nizami RPİ 24-cü PŞ əməkdaşlarının keçirdikləri əməliyyat-axtarış tədbirləri nəticəsində fevralın 25-də rayon ərazisindəki 2 mağazadan 1800 manat dəyərində tütün məmulatı və 400 manat pul oğurlamaqda şübhəli bilinən Lənkəran şəhər sakini, əvvəllər məhkum olunmuş Ə.Əliyev saxlanılmışdır.

Lənkəran şəhər sakinləri E.Həsənli və M.Mirzəyev saxlanılmışlar

27.02.2022

Lənkəran ŞRPŞ əməkdaşlarının keçirdikləri əməliyyat tədbirləri nəticəsində şəhər sakini, əvvəllər məhkum olunmuş E.Həsənli saxlanılmışdır. Şəxsi axtarış zamanı ondan heroin aşkar edilmişdir.Polis əməkdaşları tərəfindən ona narkotik vasitən satmaqda şübhəli bilinən şəhər sakini M.Mirzəyev də müəyyən edilərək saxlanılmışdır. Şəxsi axtarış zamanı ondan heroin və elektron tərəzi götürülmüşdür.Araşdırmalarla E.Həsənlinin müxtəlif vaxtlarda 4 evdən inşaat materialları və təmir-tikinti alətləri, M.Mirzəyevin isə bir avtomobildən içərisində 800 manat pul və 1300 manat dəyərində qızıl-zinət əşyaları olan çanta və 1 evdən plastik qapı oğurlaması da müəyyən edilmişdir.

Goranboy rayon sakini T.Bədəlovdan marixuana və qanunsuz saxladığı nömrəsi silinmiş ov tüfəngi aşkar edilərək götürülmüşdür

27.02.2022

Samux RPŞ əməkdaşlarının keçirdikləri əməliyyat tədbirləri nəticəsində Goranboy rayon sakini T.Bədəlov saxlanılmışdır. Şəxsi axtarış zamanı ondan marixuana və qanunsuz saxladığı nömrəsi silinmiş “TOZ-16” markalı ov tüfəngi aşkar edilərək götürülmüşdür. 

Qanunsuz saxlanılan silah-sursatla bağlı əməliyyat tədbirləri davam etdirilir

27.02.2022

Polis əməkdaşlarının keçiridikləri əməliyyat tədbirləri nəticəsində fevralın 26-da və 27-də respublikanın ayrı-ayrı rayonlarında vətəndaşlardan qanunsuz saxladıqları müxtəlif markalı ümumilikdə 4 ədəd ov tüfəngi götürülüb. Faktlar üzrə polis şöbələrində müvafiq araşdırmalar aparılır.

Koronavirus xəstələri ictimai yerlərdə aşkar edilərək saxlanılıb

27.02.2022

Fevralın 26-da və 27-də polis əməkdaşları tərəfindən respublika ərazisində 2 nəfər aktiv koronavirus xəstəsi ictimai yerlərdə aşkar edilərək saxlanılıb. Polis əməkdaşları "COVİD-19" virusuna yoluxaraq ev şəraitində müalicədə olmasına baxmayaraq yaşadığı evləri tərk etmiş həmin şəxslərlə izahedici söhbətlər aparıb, tibbi prosedurları gözləməklə yaşadığı evlərə qaytarıb və bu barədə müvafiq səhiyyə qurumları məlumatlandırılıb.