Dövlət qurumları .gov.az domeni (məsələn, mia.gov.az) vasitəsilə əlaqə qurur.
Əlavə təhlükəsizlik tədbiri kimi, URL çubuğunda kilid işarəsinin və ya https:// prefiksinin mövcudluğunu yoxlayın. Həssas məlumatlarınızı yalnız rəsmi və təhlükəsiz saytlarda paylaşın.
Bakı şəhər Baş Polis İdarəsi
Baş Dövlət Yol Polisi İdarəsi
"Xəzri" istirahət və sağlamlıq mərkəzi
Daxili Qoşunların Baş İdarəsi
Baş Pasport, Qeydiyyat və Miqrasiya idarəsi
Polis Akademiyası
A.N.Heydərov adına Respublika Hospitalı
Şəxsi Heyətlə İş İdarəsi
İnsan Alverinə Qarşı Mübarizə Baş İdarəsi
Polis Qəzeti
Azərbaycan Respublikası Nazirlər Kabineti
Qaradağ rayonunun Sahil qəsəbəsində 3 nəfərin velosipedlərini oğurlamaqda şübhəli bilinən M.Əliyev saxlanılıb
29.06.2022
Qaradağ RPİ 38-ci Polis Bölməsi əməkdaşlarının keçirdikləri əməliyyat tədbirləri nəticəsində ayrı-ayrı vaxtlarda Sahil qəsəbəsində 3 nəfərin velosipedlərini oğurlamaqda şübhəli bilinən Bakı şəhər sakini M.Əliyev müəyyən edilərək saxlanılıb. Araşdırma aparılır.
Sumqayıt şəhər H.Z.Tağıyev qəsəbəsindəki çay evlərindən birinin həyətindən 14 ədəd çətənə kolu götürülüb
Sumqayıt ŞPİ 2-ci Polis Bölməsi əməkdaşlarının keçirdikləri əməliyyat tədbiri nəticəsində H.Z.Tağıyev qəsəbəsində qəsəbə sakini, əvvəllər məhkum olunmuş A.Tağıyevə məxsus çay evinin həyətindən kultivasiya yolu ilə yetişdirilən 14 ədəd çətənə kolu aşkar olunaraq götürülüb.
Gəncə şəhər sakini R.Abbasovun evindən silah-sursat aşkar edilərək götürülüb
Gəncə ŞBPİ 4-cü Polis Bölməsi əməkdaşlarının keçirdikləri əməliyyat tədbiri nəticəsində şəhər sakini, əvvəllər məhkum olunmuş R.Abbasovun evinə baxış zamanı oradan 1 ədəd “F-1” qumbarası, 1 ədəd “UZRQM” qumbara alışdırıcısı, 59 ədəd patron və 2 ədəd avtomat patron darağı aşkar edilərək götürülüb.
Bakı şəhər sakini T.Əliyevin idarə etdiyi avtomobildən 6 kiloqramdan artıq heroin aşkar edilərək götürülüb
Lənkəran ŞRPŞ əməkdaşlarının keçirdikləri əməliyyat tədbiri nəticəsində Bakı şəhər sakini, əvvəllər məhkum olunmuş T.Əliyevin idarə etdiyi “Dacia” markalı avtomobilə baxış zamanı ona və sərnişini E.Süleymanova məxsus 6 kiloqram 20 qram heroin aşkar edilərək götürülüb.
Şabran şəhər sakini M.Əliyevin həyətindən 23 ədəd çətənə kolu və 31 qrama yaxın marixuana götürülüb
Şabran Rayon Polis Şöbəsi əməkdaşlarının keçirdikləri əməliyyat tədbiri nəticəsində saxlanılan şəhər sakini, 16 yaşlı A.Əliyevdən marixuana aşkar edilib. Polis əməkdaşları tərəfindən onun marixuananı əmisi M.Əliyevin evindən götürməsi müəyyən olunub. Davam etdirilən əməliyyat-axtarış tədbirləri ilə M.Əliyevin həyətindən kultivasiya yolu ilə yetişdirilən 23 ədəd çətənə kolu, oradakı yardımçı təsərrüfatdan isə 31 qrama yaxın marixuana götürülüb.
Ağstafa, Qax və Zaqatala rayonlarının ərazisində yabanı halda bitən çətənə kolları aşkar olunaraq məhv edilib
“Xaşxaş-2022” şərti adlı kompleks əməliyyat-axtarış və profilaktik tədbirlər nəticəsində Baş Narkotiklərlə Mübarizə İdarəsinin Qərb Bölgəsində Regional Şöbəsinin əməkdaşları tərəfindən Ağstafa rayonu ərazisində 1 ton 120 kiloqram çəkidə 2800 ədəd, Nəqliyyatda Baş Polis İdarəsinin əməkdaşları tərəfindən Qax rayonu ərazisində dəmir yolu xəttinin yaxınlığında 2 ton 158 kiloqram çəkidə 3130 ədəd, Zaqatala RPŞ-nin əməkdaşları tərəfindən Fındıqlı kəndi ərazisində 1,5 hektar sahədə 3 ton 860 kiloqram çəkidə 4050 ədəd yabanı halda bitən çətənə kolları aşkar olunaraq məhv edilib.
Cəlilabad rayonunun Göytəpə şəhəri ərazisində "Hyundai" və “VAZ-2107” markalı avtomobillər toqquşub
İyunun 29-da saat 13 radələrində Cəlilabad rayonunun Göytəpə şəhəri ərazisində rayon sakinləri E.Qasımovun idarə etdiyi “Hyundai” və R.Əliyevin idarə etdiyi “VAZ-2107” markalı avtomobillər toqquşub. Nəticədə R.Əliyevin sərnişini Dünyamalı Məmmədov hadisə yerində ölüb.Baş İstintaq və Təhqiqat İdarəsi tərəfindən araşdırma aparılır.
Goranboy rayonunun Borsunlu kəndi ərazisində “Mercedes” markalı avtomobillə Yexlax rayon sakini K.Kərimov vurulub
İyunun 28-də saat 23 radələrində Goranboy rayonunun Borsunlu kəndi ərazisində rayon sakini V.Nəbiyev idarə etdiyi “Mercedes” markalı avtomobillə Yexlax rayon sakini K.Kərimovu vurub. Nəticədə xəsarətlə xəstəxanaya yerləşdirilən K.Kərimov ölüb.Baş İstintaq və Təhqiqat İdarəsi tərəfindən araşdırma aparılır.
Abşeron rayonunda quldurluq edən iki nəfər saxlanılıb
Abşeron rayonu ərazisində vətəndaşa qarşı quldurluq edilib. Naməlum şəxslər vətəndaşa kəsici alətlə xəsarət yetirərək pulunu və mobil telefonunu quldurluq yolu ilə əlindən alıblar. Abşeron Rayon Polis İdarəsinin əməkdaşlarının həyata keçirdikləri əməliyyat-axtarış tədbiri nəticəsində hadisəni törətməkdə şübhəli bilinən Vəli Kərimov və Kənan Əhmədov tutularaq istintaqa təqdim edilib. Onlar ifadələrində etdikləri hadisəni etiraf ediblər. Faktla bağlı cinayət işi başlanılıb və saxlanılan şəxslər barəsində məhkəmənin qərarı ilə həbs qətimkan tədbiri seçilib. Vəli Kərimov və Kənan Əhmədovun digər cinayət əlaqələrinin müəyyən edilməsi istiqamətində əməliyyat-istintaq tədbirləri davam etdirilir. Saxlanılan şəxslərin qanunsuz əməllərindən zərərçəkən başqa vətəndaşlar varsa ərazi polis orqanlarına, "102" Xidməti-Zəng Mərkəzinə və Nazirliyin sosial şəbəkələrdəki səhifələrinə məlumat verə bilərlər.
Gün ərzində ölkə ərazisində qeydə alınan cinayətlərdən 54-nün açılması təmin olunub
28.06.2022
İyunun 28-də ölkə ərazisində qeydə alınan cinayətlərdən 54-nün, eləcə də əvvəlki dövrlərdən bağlı qalan cinayətlərdən 6-nın açılması daxili işlər orqanlarının əməkdaşları tərəfindən təmin olunub.
