Şabran rayonunun Xəlifələr kənd sakini T.Əzimovdan metamfetamin və marixuana aşkar edilib

02.07.2022

Şabran RPŞ əməkdaşlarının keçirdikləri əməliyyat tədbiri nəticəsində Xəlifələr kənd sakini T.Əzimov saxlanılıb. Şəxsi axtarış zamanı ondan metamfetamin və marixuana aşkar edilib. Polis əməkdaşları tərəfindən narkotik vasitələri ona verməkdə şübhəli bilinən qardaşı Q.Əzimovun yaşadığı evə baxış zamanı oradan 30 qramdan artıq heroin, 21 qramdan artıq metamfetamin, marixuana və elektron tərəzi aşkar olunaraq götürülüb.

Tovuz rayonunun Qovlar şəhəri ərazisindən yabanı halda bitən 2 tondan artıq çətənə kolları aşkar olunaraq məhv edilib

02.07.2022

“Xaşxaş-2022” şərti adlı kompleks əməliyyat-axtarış və profilaktik tədbirlər nəticəsində Baş Narkotiklərlə Mübarizə İdarəsinin Qərb Bölgəsində Regional Şöbəsinin əməkdaşları tərəfrindən Tovuz rayonunun Qovlar şəhəri ərazisindən yabanı halda bitən 2 ton 250 kiloqram çəkidə 4500 ədəd çətənə kolu aşkar olunaraq məhv edilib.

Oğuz rayonunun Xalxal kəndi ərazisində “VAZ-21154” markalı avtomobillə kənd sakini Ə.Lətifov vurulub

02.07.2022

İyulun 2-də saat 13 radələrində Oğuz rayonunun Xalxal kəndi ərazisində Mingəçevir şəhər sakini E.Abbasov idarə etdiyi “VAZ-21154” markalı avtomobillə yolun kənarında dayanmış kənd sakini Əlavər Lətifovu vurub. Nəticədə xəsarətlə xəstəxanaya yerləşdirilən piyada ölüb.Oğuz Rayon Polis Şöbəsində araşdırma aparılır.

Şərur rayonunun Danyeri kəndi ərazisində “Mercedes” markalı avtomobillə yolun kənarında velosiped sürən E.Arzumanov vurulub

02.07.2022

İyulun 1-də saat 22 radələrində Şərur rayonunun Danyeri kəndi ərazisində Muğanlı kənd sakini İ.Məmmədov idarə etdiyi “Mercedes” markalı avtomobillə yolun kənarında velosiped sürən Xanlıqlar kənd sakini Elsevər Arzumanovu vurub. Nəticədə xəsarətlə xəstəxanaya yerləşdirilən E.Arzumanov iyulun 2-də ölüb.Naxçıvan MR DİN tərəfindən araşdırma aparılır. 

Füzuli rayonunun Böyük Bəhmənli kəndi ərazisində “Kia” markalı avtomobil aşıb

02.07.2022

İyulun 3-də saat 3 radələrində Füzuli rayonunun Böyük Bəhmənli kəndi ərazisində Beyləqan rayon sakini Ruslan Bədirxanov idarə etdiyi “Kia” markalı avtomobili aşırıb və nəticədə hadisə yerində ölüb.Füzuli Rayon Polis Şöbəsində araşdırma aparılır.

Ağdaş rayonunun Ləki qəsəbəsi ərazisində “VAZ-21011” markalı iki avtomobil toqquşub

02.07.2022

İyulun 2-də saat 21 radələrində Ağdaş rayonunun Ləki qəsəbəsi ərazisində Samir Zamanpurun və D.Məmmədovun idarə etdikləri “VAZ-21011” markalı iki avtomobil toqquşub. Nəticədə S.Zamanpur hadisə yerində ölüb, digər sürücü və sərnişini xəstəxanaya yerləşdiriliblər.Araşdırma aparılır.

Gün ərzində ölkə ərazisində qeydə alınan cinayətlərdən 45-nin açılması təmin olunub

01.07.2022

İyulun 1-də ölkə ərazisində qeydə alınan cinayətlərdən 45-nin, eləcə də əvvəlki dövrlərdən bağlı qalan cinayətlərdən 9-nun açılması daxili işlər orqanlarının əməkdaşları tərəfindən təmin olunub.

Binəqədi rayonunun Xocəsən qəsəbəsi ərazisində Salyan rayon sakini N.Paşayevə qarşı quldurluq törətməkdə şübhəli bilinən Bakı şəhər sakini F.Kələntərov saxlanılıb

01.07.2022

Binəqədi RPİ-nin 40-cı Polis Bölməsinə Xocəsən qəsəbəsi ərazisində Salyan rayon sakini N.Paşayevin 80 manatının, mobil telefon, qol saatı və qulaqcığının quldurluq yolu ilə talanması barədə müraciət daxil olub. Polis əməkdaşlarının keçirdikləri əməliyyat tədbirləri nəticəsində quldurluğu törətməkdə şübhəli bilinən Bakı şəhər sakini F.Kələntərov müəyyən edilərək saxlanılıb. Binəqədi Rayon Polis İdarəsində araşdırma aparılır.

Şirvan şəhəri ərazisində “Mercedes” markalı bir mikroavtobusdan 10.300 manat pul oğurlamaqda şübhəli bilinən E.Səməndərli saxlanılıb

01.07.2022

Baş Cinayət Axtarışı İdarəsi və Şirvan Şəhər Polis Şöbəsi əməkdaşlarının keçirdikləri əməliyyat tədbirləri nəticəsində 2020-ci ilin dekabr ayında Şirvan şəhəri ərazisində “Mercedes” markalı bir mikroavtobusdan 10.300 manat pul oğurlamaqda şübhəli bilinən şəhər sakini, əvvəllər məhkum olunmuş E.Səməndərli saxlanılıb. Araşdırma aparılır. 

Abşeron rayon sakini İ.Xanbala oğlundan 1 kiloqramdan artıq heroin, 13 qrama yaxın metamfetamin və 2 ədəd elektron tərəzi götürülüb

01.07.2022

Binəqədi RPİ 40-cı Polis Bölməsi əməkdaşlarının keçirdikləri əməliyyat tədbiri nəticəsində saxlanılan Abşeron rayon sakini İ.Xanbala oğlundan 1 kiloqram 15 qram heroin, 13 qrama yaxın metamfetamin və 2 ədəd elektron tərəzi aşkar edilərək götürülüb.