Dövlət qurumları .gov.az domeni (məsələn, mia.gov.az) vasitəsilə əlaqə qurur.
Əlavə təhlükəsizlik tədbiri kimi, URL çubuğunda kilid işarəsinin və ya https:// prefiksinin mövcudluğunu yoxlayın. Həssas məlumatlarınızı yalnız rəsmi və təhlükəsiz saytlarda paylaşın.
Bakı şəhər Baş Polis İdarəsi
Baş Dövlət Yol Polisi İdarəsi
"Xəzri" istirahət və sağlamlıq mərkəzi
Daxili Qoşunların Baş İdarəsi
Baş Pasport, Qeydiyyat və Miqrasiya idarəsi
Polis Akademiyası
A.N.Heydərov adına Respublika Hospitalı
Şəxsi Heyətlə İş İdarəsi
İnsan Alverinə Qarşı Mübarizə Baş İdarəsi
Polis Qəzeti
Azərbaycan Respublikası Nazirlər Kabineti
Nizami rayonu ərazisindəki mağazaların birindən 6000 manat oğurlamaqda şübhəli bilinən E.Zeynalov saxlanılıb
06.07.2022
Nizami RPİ-nin 24-cü Polis Şöbəsi əməkdaşlarının keçirdikləri əməliyyat tədbiri nəticəsində rayon ərazisindəki mağazaların birindən 6000 manat oğurlamaqda şübhəli bilinən Ağdam rayon sakini, əvvəllər məhkum olunmuş E.Zeynalov saxlanılıb. Araşdırma aparılır.
Bərdə rayonunun Zümürxan kənd sakini M.İsayevin evindən tüfəng aşkar olunaraq götürülüb
Bərdə RPŞ əməkdaşlarının keçirdikləri əməliyyat tədbiri nəticəsində Zümürxan kənd sakini M.İsayevin evinə baxış zamanı oradan “TOZ-8” markalı tüfəng aşkar olunaraq götürülüb.
Tovuz rayonunun Əlimərdanlı kəndi ərazisində yabanı halda bitən çətənə kolları məhv edilib
Tovuz RPŞ-nin əməkdaşları tərəfindən Əlimərdanlı kəndi ərazisində 8 sot sahədə yabanı halda bitən 175 ədəd çətənə kolu aşkar olunaraq məhv edilib.
Şabran rayonunun Gəndob kəndi ərazisində “VAZ-21074” və “VAZ-21061” markalı avtomobillər toqquşub
İyulun 6-da saat 16 radələrində Şabran rayonunun Gəndob kəndi ərazisində rayon sakini Aydın Məmmədovun idarə etdiyi “VAZ-21074” və Xaçmaz şəhər sakini Nazim Səlimovun idarə etdiyi “VAZ-21061” markalı avtomobillər toqquşub. Nəticədə hər iki sürücü və N.Səlimovun sərnişini olan həyat yoldaşı Üzülfət hadisə yerində ölüblər.Baş İstintaq və Təhqiqat İdarəsi tərəfindən araşdırma aparılır.
İmişli şəhəri ərazisində “Mercedes” və “VAZ-2106” markalı avtomobillər toqquşub
İyulun 6-da saat 12 radələrində İmişli şəhəri ərazisində şəhər sakini İ.Quliyevin idarə etdiyi “Mercedes” və Saatlı rayon sakini Təbriz İdayətovun idarə etdiyi “VAZ-2106” markalı avtomobillər toqquşub və nəticədə T.İdayətov hadisə yerində ölüb.İmişli Rayon Polis Şöbəsində araşdırma aparılır.
Nizami rayonunda narkotiklərin satışı ilə məşğul olan və narkotik vasitə istifadəçiləri üçün tiryəkxana təşkil edən 9 nəfər saxlanılıb
Nizami Rayon Polis İdarəsinin Narkotiklərlə Mübarizə Bölməsinin əməkdaşları tərəfindən son 1 həftə ərzində keçirilən əməliyyatlar zamanı narkotiklərin qanunsuz dövriyyəsi ilə məşğul olan 6 nəfərdən ibarət dəstə saxlanılıb. Onlardan ümumilikdə 2 kiloqrama yaxın yüksək təsiredici xassəyə malik kokain, heroin, marixuana, tiryək, ekstazi və metadon həbləri, eləcə də metamfetamin aşkar edilib. Saxlanılan şəxslər Nizami rayonu və paytaxtın digər ərazilərində narkotik maddələrin satışını həyata keçirdiklərini bildiriblər.Həyata keçirilən digər əməliyyat zamanı Nizami rayonu Bəhruz Nuriyev küçəsində yerləşən mənzillərdən birində tiryəkxana təşkil edən daha 3 nəfər tutulub. Həmin ünvana baxış zamanı külli miqdarda heroin aşkar edilib. Araşdırma zamanı müəyyən edilib ki, bu şəxslər narkotiklərin satışı ilə məşğul olmaqla bərabər narkotik vasitə istifadəçiləri üçün tiryəkxana da təşkil ediblər.Aşkar edilən bütün faktlarla əlaqədar İdarənin İstintaq Şöbəsində cinayət işləri başlanılıb. Nizami rayonu ərazisində narkotik vasitələrin qanunsuz dövriyyəsi ilə məşğul olan şəxslərin ifşa edilməsi istiqamətində əməliyyatlar davam etdirilir.
Gün ərzində ölkə ərazisində qeydə alınan cinayətlərdən 72-nin açılması təmin olunub
05.07.2022
İyulun 5-də ölkə ərazisində qeydə alınan cinayətlərdən 72-nin, eləcə də əvvəlki dövrlərdən bağlı qalan cinayətlərdən 6-nın açılması daxili işlər orqanlarının əməkdaşları tərəfindən təmin olunub.
Göygöl Rayon Mərkəzi Xəstəxanasının və Goranboy rayon Suvarma Sistemləri İdarəsinin vəzifəli şəxslərindən hədə-qorxu ilə pul tələb etməkdə şübhəli bilinən “Demokratik.az” saytının baş redaktoru Osman Rzayev tutulub
Göygöl Rayon Polis Şöbəsi əməkdaşlarının daxil olmuş müraciətlər əsasında keçirdikləri əməliyyat tədbiri nəticəsində cari ilin iyun ayı ərzində Rayon Mərkəzi Xəstəxanasının direktoru V.Əliyevə, xəstəxananın şöbə müdiri Ə.Alıyevə, həkimi R.Əkbərova və Goranboy rayon Suvarma Sistemləri İdarəsinin müdiri İ.Məhərrəmova barələrində rüsvayedici məlumatlar yaymaqla hədə-qorxu gəlib müxtəlif məbləğlərdə pul tələb etməkdə şübhəli bilinən “Demokratik.az” saytının baş redaktoru, Göygöl şəhər sakini Osman Rzayev tutulub. Faktla əlaqədar Cinayət Məcəlləsinin 182-ci maddəsi (Hədə-qorxu ilə tələb etmə) ilə cinayət işi başlanılıb.
Bakı şəhər sakini A.Ağayevə qarşı soyğunçuluq törətməkdə şübhəli bilinən paytaxt sakini D.Rüstəmzadə saxlanılıb
Xətai RPİ-nin 35-ci Polis Bölməsinə iyulun 4-də Bakı şəhər sakini A.Ağayevin mobil telefonunun soyğunçuluq yolu ilə talanması barədə müraciət daxil olub. Polis əməkdaşlarının keçirdikləri əməliyyat tədbiri nəticəsində soyğunçuluğu törətməkdə şübhəli bilinən paytaxt sakini D.Rüstəmzadə müəyyən edilərək saxlanılıb.Xətai Rayon Polis İdarəsində araşdırma aparılır.
Axtarışda olan Ə.Allahverdizadə və əvvəllər məhkum olunmuş F.İsmayılov saxlanılıblar
Binəqədi RPİ 4-cü Polis Şöbəsi əməkdaşlarının keçirdikləri əməliyyat tədbiri nəticəsində Cinayət Məcəlləsinin 234-cü maddəsi (Qanunsuz olaraq narkotik vasitələri, psixotrop maddələri və ya onların prekursorlarını hazırlama, istehsal etmə, əldə etmə, saxlama, daşıma, göndərmə və ya satma) ilə axtarışda olan Ə.Allahverdizadə və əvvəllər məhkum olunmuş F.İsmayılov saxlanılıblar. Şəxsi axtarış zamanı Ə.Allahverdizadədən metamfetamin, F.İsmayılovdan isə heroin aşkar olunub.Polis əməkdaşları tərəfindən onların Biləcəri qəsəbəsi ərazisindəki mağazaların birindən 3500 manat dəyərində inşaat materialları oğurlamaları da müəyyən olunub. Araşdırma aparılır.
