Gün ərzində qeydə alınan cinayətlərdən 52-sinin açılması təmin edilmişdir

30.07.2022

İyulun 30 -də ölkə ərazisində qeydə alınan cinayətlərdən 52-sinin açılması daxili işlər orqanlarının əməkdaşları tərəfindən təmin olunub.   

Adam öldürdüyünə görə tutulan E.Bağırovun, Q.Quliyevin və oğurluq etdiyinə görə tutulan A.Tağıyevin birgə törətdikləri digər cinayət əməli də müəyyən edilib

30.07.2022

Tovuz RPŞ-nin əməkdaşları tərəfindən qəsdən adam öldürdüyünə görə tutulan E.Bağırovun, Q.Quliyevin və oğurluq etdiyinə görə tutulan A.Tağıyevin ətrafında aparılan əməliyyat tədbirləri ilə onların Məşədilər kənd sakini S.Səfərovla birgə iyulun 5-də  İbrahimhacılı kəndindəki daha bir evdən pul və 1500 manat dəyərində qızıl-zinət əşyaları oğurlamaları və evi yandırmaları da müəyyən olunub. 

Quldurluqda şübhəli bilinən Bakı şəhər sakini T.Səmədov saxlanılıb

30.07.2022

Binəqədi RPİ 4-cü Polis Şöbəsi əməkdaşlarının keçirdikləri əməliyyat tədbiri nəticəsində iyulun 30-da M.Ə.Rəsulzadə qəsəbəsinin ərazisində qəsəbə sakini Ə.Əlixanovun quldurluq yolu ilə mobil telefonunu talamaqda şübhəli bilinən Bakı şəhər sakini, əvvəllər məhkum olunmuş T.Səmədov saxlanılıb. Araşdırma aparılır.

Qaradağ rayonunun Sahil qəsəbəsi ərazisində yol-nəqliyyat hadisəsi

30.07.2022

İyulun 30-da saat 21 radələrində Qaradağ rayonunun Sahil qəsəbəsi ərazisində Qax rayon sakini O.İmamov idarə etdiyi “Kia” markalı avtomobillə yolu keçən Umbakı qəsəbə sakini Kərim Alcanovu vurub və nəticədə piyada hadisə yerində ölüb.DİN-nin Baş İstintaq və Təhqiqaqat İdarəsi tərəfindən araşdırma aparılır. 

Quldurluqda şübhəli bilinən Bakı şəhər sakini Ə.Cavadov saxlanılıb

30.07.2022

Nəsimi RPİ 19-cu Polis Şöbəsi əməkdaşlarının keçirdikləri əməliyyat tədbiri nəticəsində iyulun 28-də Bakı şəhər sakini O.Qasımovun mobil telefonunu, içərisində pul və sənədi olan cüzdanını quldurluq yolu ilə talamaqda şübhəli bilinən Bakı şəhər sakini, əvvəllər məhkum olunmuş Ə.Cavadov saxlanılıb. Araşdırma aparılır. 

Yol-nəqliyyat hadisəsi zamanı xəsarət almış paytaxt sakini Telman Dünyamalıyev yerləşdirildiyi xəstəxanada ölüb

30.07.2022

İyulun 29-da saat 21 radələrində Xətai rayonunun Zığ yolunda Bakı şəhər sakini Y.Quliyev idarə etdiyi “Ford” markalı avtomobillə yolu keçən paytaxt sakini Telman Dünyamalıyevi vurub. Nəticədə xəstəxanaya yerləşdirilən piyada iyulun 30-da orada ölüb. Xətai Rayon Polis İdarəsində araşdırma aparılır. 

Goranboy rayonunun Goran qəsəbəsi ərazisində yol-nəqliyyat hadisəsi

30.07.2022

İyulun 31-də saat 1 radələrində Goranboy rayonunun Goran qəsəbəsi ərazisində Qazax rayon sakini X.Babayevin idarə etdiyi “Mercedes”  və Ağcabədi rayon sakini M.Muradovun idarə etdiyi “QAZel” markalı avtomobillər toqquşub. Nəticədə X.Babayevin sərnişinləri olan Bakı şəhər sakini Famil Məmmədli və Sumqayıt şəhər sakini Tamerlan Qasımlı hadisə yerində ölüb, özü və digər iki sərnişin xəstəxanaya yerləşdirilib. DİN-nin Baş İstintaq və Təhqiqaqat İdarəsi tərəfindən araşdırma aparılır. 

Xaçmaz şəhəri ərazisində yol-nəqliyyat hadisəsi

30.07.2022

İyulun 30-da saat 5 radələrində Xaçmaz şəhəri ərazisində şəhər sakini T.Əhmədov idarə etdiyi “KamAZ” markalı avtomobillə yolu keçən Köhnə Xaçmaz kənd sakini Rufəddin Məmmədovu vuraraq hadisə yerini tərk edib. Nəticədə xəstəxanaya yerləşdirilən piyada orada ölüb. Xaçmaz Rayon Polis Şöbəsi tərəfindən araşdırma aparılır. 

Yevlax rayonunun Xaldan kəndi ərazisində yol-nəqliyyat hadisəsi

30.07.2022

iyulun 30-da saat 1 radələrində Yevlax rayonunun Xaldan kəndi ərazisində rayon sakini Tahir Allahverdiyev idarə etdiyi “Hyundai” markalı avtomobili qarşıda gedən Z.Nəsibovun idarə etdiyi “T-28” markalı traktora vurduqdan sonra Zaqatala rayon sakini Ə.Ömərovun idarə etdiyi “Mercedes” markalı avtomobillə toqquşub. Nəticədə Tahir Allahverdiyev hadisə yerində ölüb, traktorun sürücüsü isə xəstəxanaya yerləşdirilib.DİN-nin Baş İstintaq və Təhqiqaqat İdarəsi tərəfindən araşdırma aparılır.

Gəncə şəhəri ərazisində yol-nəqliyyat hadisəsi

30.07.2022

İyulun 30-da saat 23 radələrində Gəncə şəhəri ərazisində şəhər sakini C.İbrahimov idarə etdiyi “VAZ-2106” markalı avtomobillə yolu keçən həmyerlisi Cəlil Cənnətovu vurub. Nəticədə xəstəxanaya yerləşdirilə piyada orada ölüb. Gəncə ŞBPİ-nin 1-ci Polis Şöbəsində araşdırma aparılır.