Dövlət qurumları .gov.az domeni (məsələn, mia.gov.az) vasitəsilə əlaqə qurur.
Əlavə təhlükəsizlik tədbiri kimi, URL çubuğunda kilid işarəsinin və ya https:// prefiksinin mövcudluğunu yoxlayın. Həssas məlumatlarınızı yalnız rəsmi və təhlükəsiz saytlarda paylaşın.
Bakı şəhər Baş Polis İdarəsi
Baş Dövlət Yol Polisi İdarəsi
"Xəzri" istirahət və sağlamlıq mərkəzi
Daxili Qoşunların Baş İdarəsi
Baş Pasport, Qeydiyyat və Miqrasiya idarəsi
Polis Akademiyası
A.N.Heydərov adına Respublika Hospitalı
Şəxsi Heyətlə İş İdarəsi
İnsan Alverinə Qarşı Mübarizə Baş İdarəsi
Polis Qəzeti
Azərbaycan Respublikası Nazirlər Kabineti
400 qram marixuana aşkar olunaraq götürülüb
27.07.2022
Baş Dövlət Yol Polisi İdarəsi və Hacıqabul Rayon Polis Şöbəsi əməkdaşlarının birgə keçirdikləri əməliyyat tədbiri nəticəsində Bakı şəhər sakini, əvvəllər məhkum olunmuş M.Əliyevin idarə etdiyi “Daevoo” markalı avtomobil sərnişini, Beyləqan rayon sakini V.Əliyevlə birgə saxlanılıb. Avtomobilə baxış zamanı oradan 400 qram marixuana aşkar olunaraq götürülüb.
Oğurluq etməkdə şübhəli bilinən Cəlilabad rayon sakini V.Əsədov saxlanılıb
Səbail RPİ-nin 41-ci Polis Bölməsinə Şıx qəsəbəsinin dəniz çimərliyində Bakı şəhər sakini Ə.Sadıxovun mobil telefonunun oğurlanması barədə müraciət daxil olub. Polis əməkdaşlarının keçirdikləri əməliyyat tədbiri nəticəsində oğurluğu törətməkdə şübhəli bilinən Cəlilabad rayon sakini, əvvəllər məhkum olunmuş V.Əsədov saxlanılıb. Ətrafında aparılan əməliyyat tədbirləri ilə onun müxtəlif vaxtlarda Şıx çimərliyində “Tofaş” markalı bir avtomobildən 150 manat pul və mobil telefon, bir qadının və bir kişinin çantalarından 3 ədəd mobil telefon, həmçinin Şuşa şəhər sakini E.Nərimanlı ilə birgə “Mercedes” markalı bir avtomobildən içərisində 1400 manat, bank kartı və sənəd olan pulqabını oğurlamaları da müəyyən olunub. Əməliyyat tədbirləri ilə E.Nərimanlı da polis əməkdaşları tərəfindən saxlanılıb. Araşdırma aparılır.
Qəsdən adam öldürmədə şübhəli bilindiklərinə görə tutulan E.Bağırovun və Q.Quliyevin digər cinayət əməlləri də müəyyən edilib
Tovuz Rayon Polis Şöbəsinin əməkdaşları tərəfindən iyulun 27-də qəsdən adam öldürmədə şübhəli bilindiklərinə görə tutulan E.Bağırovun və Q.Quliyevin ətrafında aparılan əməliyyat tədbirləri ilə onların İbrahimhacılı kənd sakinləri R.Alıyev, N.Alıyev, A.Tağıyev və N.Alıyevlə birgə iyulun 17-nə keçən gecə Qovlar şəhərində S.Hüseynovun həyətindən 3 baş qoyun, iyulun 18-dən 21-dək olan müddətdə kənd sakini Y.Məmmədovanın həyətindən 2 baş qoyun, bir evdən 276 manat pul və 1000 dəyərində qızıl-zinət əşyaları, digər evdən isə televizor oğurlamaları da müəyyən olunub. Polis əməkdaşlarının keçirdikləri əməliyyat-axtarış tədbirləri nəticəsində R.Alıyev, N.Alıyev, A.Tağıyev və N.Alıyev saxlanılıblar. Araşdırma aparılır.
Oğurluq etdiyinə görə tutulan Ş.Əfəndiyevin daha iki evdən qızıl-zinət əşyaları oğurlaması da müəyyən olunub
Qusar RPŞ-nin əməkdaşları tərəfindən oğurluq etdiyinə görə tutulan Ş.Əfəndiyevin ətrafında aparılan əməliyyat tədbirləri ilə onun daha iki evdən ümumilikdə 900 manat pul və 2500 manat dəyərində qızıl-zinət əşyaları oğurlaması da müəyyən olunub.
Şəmkir rayonunun Qaracəmirli kənd sakini İ.İsmayılovun həyətindən 13 ədəd və R.Dövlətovun həyətindən 13 ədəd kultivasiya yolu ilə yetişdirilən çətənə kolları aşkar olunaraq götürülüb
Şəmkir RPŞ əməkdaşlarının keçirdikləri əməliyyat tədbiri nəticəsində Qaracəmirli kənd sakini İ.İsmayılovun həyətindən 13 ədəd və şəhər sakini R.Dövlətovun həyətindən 13 ədəd kultivasiya yolu ilə yetişdirilən çətənə kolları aşkar olunaraq götürülüb.
Saatlı şəhər sakini R.Quliyevin həyətinə baxış zamanı oradan tüfəng aşkar olunaraq götürülüb
Saatlı RPŞ əməkdaşlarının keçirdikləri əməliyyat tədbiri nəticəsində şəhər sakini R.Quliyevin həyətinə baxış zamanı oradan “TOZ-8” markalı tüfəng aşkar olunaraq götürülüb.
Kultivasiya yolu ilə yetişdirilən 26 ədəd çətənə kolu aşkar olunaraq götürülüb
Bərdə RPŞ əməkdaşlarının keçirdikləri əməliyyat tədbiri nəticəsində Mirzalıbəyli kənd sakini Ş.Yusibovun həyətindən kultivasiya yolu ilə yetişdirilən 26 ədəd çətənə kolu aşkar olunaraq götürülüb.
Nizami rayonunun Q.Qarayev prospektində yol-nəqliyyat hadisəsi
İyulun 27-də saat 12 radələrində Nizami rayonunun Q.Qarayev prospektində Bakı şəhər sakini E.Məmmədov idarə etdiyi “Mercedes” markalı avtomobillə yolu keçən paytaxt sakini Əminə Mirzəyevanı vurub. Nəticədə xəstəxanaya yerləşdirilən piyada ölüb.Nizami Rayon Polis İdarəsində araşdırma aparılır.
Tovuz rayonunun Aşağı Quşçu kəndi ərazisində yol-nəqliyyat hadisəsi
İyulun 27-də saat 21 radələrində Tovuz rayonunun Aşağı Quşçu kəndi ərazisində kənd sakini F.Tağıyevin və Qovlar şəhər sakini Rəmzi Əliyevin idarə etdikləri “VAZ-2106” markalı iki avtomobil toqquşub. Nəticədə F.Tağıyevin sərnişinlərindən həyat yoldaşı Rəna hadisə yerində ölüb, özü və 2 sərnişini, eləcə də digər sürücü xəstəxanaya yerləşdiriliblər. Tovuz Rayon Polis Şöbəsində araşdırma aparılır.
Yol-nəqliyyat hadisəsi zamanı xəsarət almış Cəbrayıl rayon sakinləri Zemfira Hacıyeva yerləşdirildiyi xəstəxanda ölmüşdür
İyulun 26-da saat 21 radələrində Sabunçu rayonu Sabunçu qəsəbəsinin ərazisində Şirvan şəhər sakini K.Allahverdili idarə etdiyi “Kia” markalı avtomobillə yolu keçən Cəbrayıl rayon sakinləri Zemfira Hacıyevanı və A.Dadaşovanı vurub. Nəticədə onlar xəstəxanaya yerləşdirilib, Z.Hacıyeva iyulun 27-də orada ölüb. Sabunçu Rayon Polis İdarəsində araşdırma aparılır.
