Gün ərzində ölkə ərazisində qeydə alınan 35 cinayətin açılması təmin olunub

14.10.2022

Oktyabrın  14-də ölkə ərazisində qeydə alınan 35, əvvəlki dövrlərdən bağlı qalan 10 cinayətin açılması daxili işlər orqanlarının əməkdaşları tərəfindən təmin olunub.   

Bakı şəhər sakini Mehdi Məmmədovun narkotik vasitənin təsiri altında olduğu müəyyən olunub və barəsində İnzibati Xətalar Məcəlləsinin 333.2-ci maddəsinə əsasən protokol tərtib edilib

14.10.2022

Oktyabrın 14-də saat 10 radələrində Ələt-Astara yolunda yerləşən postda “Mercedes” markalı avtomobil Baş Dövlət Yol Polisi İdarəsinin əməkdaşları tərəfindən nəzarət qaydasında saxlanılıb. Polis əməkdaşları tərəfindən sürücü, Bakı şəhər sakini Mehdi Məmmədovun narkotik vasitənin təsiri altında olduğu müəyyən olunub və barəsində İnzibati Xətalar Məcəlləsinin 333.2-ci maddəsinə əsasən protokol tərtib edilib.Masallı rayon məhkəməsinin qərarı ilə M.Məmmədov 2 il müddətinə sürücülük hüququndan məhrum edilməklə 450 manat məbləğində cərimə olunub. 

Quldurluq etməkdə şübhəli bilinən Masallı rayon sakini İlqar Eynullayev saxlanılıb

14.10.2022

Masallı Rayon Polis Şöbəsinə oktyabrın 14-də şəhər ərazisində bir nəfərin Şıxlar kənd sakini İ.Bayramovu bıçaqla hədələyib mobil telefonunu alması barədə müraciət daxil olub. Polis əməkdaşlarının keçirdikləri əməliyyat tədbiri nəticəsində quldurluğu törətməkdə şübhəli bilinən rayon sakini, əvvəllər məhkum olunmuş İlqar Eynullayev saxlanılıb. Masallı Rayon Polis Şöbəsində araşdırma aparılır. 

Bakı şəhər sakini Ramil Quliyevdən şəxsi axtarış zamanı 105 qramdan artıq heroin aşkar olunaraq götürülüb

14.10.2022

Səbail RPİ 39-cu Polis Bölməsi əməkdaşlarının keçirdikləri əməliyyat tədbiri nəticəsində Bakı şəhər sakini, əvvəllər dəfələrlə məhkum olunmuş Ramil Quliyev saxlanılıb. Şəxsi axtarış zamanı ondan 105 qramdan artıq heroin aşkar olunaraq götürülüb. 

Oğurluq etməkdə şübhəli bilinən Bakı şəhər sakini Əli Həsənli müəyyən olunaraq saxlanılıb

14.10.2022

Nizami RPİ-nin 25-ci Polis Şöbəsinə Bakı şəhər sakini T.Qurbanzadənin bank hesabından 246 manatının oğurlanması barədə müraciət daxil olub.Polis əməkdaşlarının keçirdikləri əməliyyat tədbiri nəticəsində oğurluğu törətməkdə şübhəli bilinən Bakı şəhər sakini Əli Həsənli müəyyən olunaraq saxlanılıb. Araşdırma aparılır.  

Oğurluq etməkdə şübhəli bilinən Sumqayıt sakini S.Rəhimova saxlanılıb

14.10.2022

Sumqayıt ŞPİ-nin 1-ci Polis Bölməsinə  Qurd dərəsi bağlar sahəsində yerləşən kafelərin birində Sumqayıt şəhər sakininin 1090 manat pulunun və mobil telefonunun oğurlanması barədə müraciət daxil olub. Polis əməkdaşlarının keçirdikləri əməliyyat tədbiri nəticəsində oğurluğu törətməkdə şübhəli bilinən Sumqayıt sakini S.Rəhimova saxlanılıb. Araşdırma aparılır. 

Oğurluq etməkdə şübhəli bilinən Bakı şəhər sakini G.İbrahimova müəyyən olunaraq saxlanılıb

14.10.2022

Nərimanov RPİ-nin 16-cı Polis Bölməsinə rayon ərazisindəki gözəllik salonlarının birində Bakı şəhər sakini olan qadının içərisində 1000 manat və 700 ABŞ dolları olan cüzdanının oğurlanması barədə müraciət daxil olub. Polis əməkdaşlarının keçirdikləri əməliyyat tədbiri nəticəsində oğurluğu törətməkdə şübhəli bilinən Bakı şəhər sakini G.İbrahimova müəyyən olunaraq saxlanılıb. Araşdırma aparılır. 

Şəki şəhəri ərazisində yol-nəqliyyat hadisəsi

14.10.2022

Oktyabrın 14-də saat 18 radələrində Şəki şəhəri ərazisində S.İlyasov idarə etdiyi “Mitsubishi” markalı avtomobillə yolu keçən şəhər sakini Səadət Abbasovanı vurub və nəticədə piyada hadisə yerində ölüb.Şəki Şəhər Rayon Polis Şöbəsində araşdırma aparılır. 

Füzuli rayonunun Kərimbəyli kəndi ərazisində yol-nəqliyyat hadisəsi

14.10.2022

Oktyabrın 14-də saat 19 radələrində Füzuli rayonunun Kərimbəyli kəndi ərazisində rayon sakini H.Qasımov idarə etdiyi “KamAZ” markalı avtomobillə yolu keçən Zobucuq-2 qəsəbə sakini Asəf Teymurovu vurub və nəticədə piyada hadisə yerində ölüb. Füzuli Rayon Polis Şöbəsində araşdırma aparılır. 

Xəzər, Suraxanı və Sabunçu rayonlarında 20 evdən oğurluq edən dəstə üzvləri saxlanılıblar

14.10.2022

Xəzər Rayon Polis İdarəsinin 3-cü Polis Şöbəsinin əməkdaşlarının həyata keçirdikləri əməliyyat nəticəsində ayrı-ayrı vaxtlarda rayon ərazisində evlərdən silsilə oğurluqlar edən şəxslər saxlanılıblar. Əməliyyat zamanı əvvəllər məhkum olunmuşlar Ümüd Kərimov və Nihat Qafari tutulublar. Onların Xəzər rayonunun Binə və digər qəsəbələrində 9 evdən pul, qızıl-zinət və məişət əşyaları oğurladıqları məlum olub. Saxlanılan şəxslər əldə etdikləri qızl-zinət və məişət əşyalarını paytaxt ərazisindəki ticarət mərkəzlərindən birində satıblar.Şöbə əməkdaşları tərəfindən həyata keçirilən növbəti tədbir zamanı Binə qəsəbəsində oğurluqlar edən digər dəstənin üzvləri – əvvəllər məhkum olunmuş Sərhad Əmirov, Sübhan Ağayev vəə Ramin Qarayev  tutulublar. Bu şəxslərin Xəzər rayonunda 7 evdən və 1 mağazadan oğurluq etdikləri müəyyən edilib. Onların Binə qəsəbəsində yerləşən mağazadan 1600 manat oğurladıqları müəyyən edilib.Araşdırma zamanı bu şəxslərin həmçinin paytaxtın Suraxanı və Sabunçu rayonlarında da daha 3 mənzildən oğurluqlar etdikləri sübuta yetirilib. Faktlarla bağlı 3-cü Polis Şöbəsində toplanan materiallar Xəzər RPİ-nin İstintaq Şöbəsinə göndərilib. Adları çəkilən şəxslərlə əlbir olan dəstənin digər üzvlərinin tutulması istiqamətində əməliyyat-axtarış tədbirləri davam etdirilir. Onların qanunsuz əməllərindən zərərçəkən başqa vətəndaşlar varsa ərazi polis orqanlarına və ya Xəzər RPİ-nin 3-cü Polis Şöbəsinə məlumat verə bilərlər.